KITAPAL

ТІЛІ ЖЕҢІЛ ӘРІ КӨРКЕМ ҚАЙ ӘДЕБИ КІТАПТЫ ОҚЫСАМ БОЛАДЫ?

Кейде жанымыз рақаттану үшін бір әдемі кітап оқығымыз келеді. Тұлғалық даму, мотивация, ғылыми, психологиялық кітаптарды жиып тастап, көркем әдебиетке үңілеміз. Бірден «Абай жолын» қолға алсақ, қиналып қаламыз. Біріншіден, тілі жеңіл емес, екіншіден, ұзақ, 4 том. Ендеше бір демде кірісіп кететін, жаныңызды қуанышқа да бөлеп, керек кезінде мұңайтатын кітаптар тізімін ұсынамыз. Жарнама тығып кетейін, оның бәрі Kitapal дүкенінде сатылады.

1. Бейімбет Майлин – «Шұғаның белгісі»
2. Сайын Мұратбеков – «Жусан иісі», «Қылау», «Тел өскен ұл», Жабайы алма
3. Дулат Исабеков – «Әпке», «Қара шаңырақ», «Дермене», Бонапарттың үйленуі, Ескерткіш, Гауһартас
4. Төлен Әбдік – «Оң қол», «Парасат майданы»
5. Оралхан Бөкей – «Кербұғы», «Сайтан көпір», «Қайдасың, қасқа құлыным?», Тортай мінер ақбоз ат
6. Ғабит Мүсірепов – «Ананың анасы», «Талпақ танау», Ұлпан
7. Бердібек Соқпақбаев – «Менің атым Қожа», «Балалық шаққа саяхат», Ергежейлілер еліне саяхат, Жекпе-жек, Өлгендер қайтып келмейді
8. Әнуар Әлімжанов – «Махамбеттің жебесі»
9. Шерхан Мұртаза – «Интернат наны», Жүрекке әжім түспейді, 41-жылғы келіншек, Бір кем дүние
10. Спандияр Көбеев – «Қалың мал» (тілі біраз ескілеу, бірақ мазмұны қарапайым)
11. Тынымбай Нұрмағамбетов – Бөрібайдың тымағын ит алып қашқан қыс, Келін, Атажұрт
12. Мұқанов – Мөлдір махаббат
13. Қабдеш Жұмаділов - Дарабоз

Кітапқа Тапсырыс беру үшін сілтемені басыңыз: https://clck.ru/3B7ie3
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

Дененің сырқаты аурумен болады. Жүректің сырқаты күнәмен болады. Дене сырқаттанғанда тамақтың дәмін сезбеген секілді, жүрек те күнәнің себебінен ғибадаттың дәмін сезбейді.

Кеше екі подкаст түсірдік. Келесі апта күтіңіздер. Кейде өзің күтпеген қызықты деректер айтылады ғой, кеше сондай болды. Өзіміз сөйлегеннен гөрі қонақты ұйып тыңдадық десек болады.

Шабдалы

Аула тазалап жүріп, шабдалының сүйегін жарып шығып, жапырақ жайған көшетін тауып алдым. Әуелгіде арам шөп екен деп жұлып алдым. Сөйтсем тура тамырдың қасында сыртқы қабығы тұр. Басқа жерге отырғызып қойдым. Бұл көшет мені ойға жетеледі.

Сыртқы жұмсағын жеп, аулаға лақтыра салған дәнек еді. Сырты тастай қатты, кедір-бұдырлы өрнегі бар. Балғамен ұрып жармасаң, тіспен шаға алмайсың. Бітеу. Енді соған қайдан су кірді десеңші.

Су - тіршілік көзі. Оның өзекке келуімен ДНК жазылған дәнге “Өс! Өн!” деген бұйрық шықты. Дәнектің астынан бір тамыр шығып, топырақтағы өзіне қажет минералды сорып, ішке өткізе бастады.

Ең қызығы, іштегі нәзік, жұмсақ дән өскенде әлгі тастай қатты қабық қамырдай жұмсарып, екіге жарылады. Бұны қандай логикамен, физикамен түсіндірерсің?

Екі құлақ жапырағын жарық дүниеге қылтитып шығарған шабдалы бұтақтан бұтақ қуалап, алып мәуелі жеміс берер ағашқа айналады. Оның жапырағы қандай болары, діңі, бұтақтары қалай бітетіні әуелден өзіне белгілі. Жүзім құсап жайылып кетпейді, терек құсап биік өспейді. Одан өрік те, алма да, шие де, алхоры да шықпайды, тек шабдалы піседі. Миллион жыл күтсең де!

Терең ойдан туған түйін: жас өскін, нәзік дән “Бисмиллә” деп қатты қабықты жарып шығады. Сұйық судың өзі “Алланың атымен” деп тасты жарып, бұлақ боп ағады. Одан басқа жол жоқ!

Ұсақ дәнде алып ағаштың программасы жазылған. Ол өзгермейді. Өрік болсын деп, өрік ағашына жасайтын күтімді жасасаң да, бәрібір шабдалы шығады. Әр адамның да программасы бар, яғни әркімнің ерекшелігі, қабілет-қарымы, түсінік-пайымы бар. Бәрін мұғалім, дәрігер, айтишник қыла алмайсың.

Ұсақ дәннен алып галактикаларға дейін мінсіз тәртіп бар. Асықпайды да, озып кетпейді де. Әрқайсысы бір әлем. Әрбірі өз алдына жеке ғалам. Күллі ғаламның иесі Аллаға сансыз шүкір, мадақ болсын!

Кітапқа Тапсырыс беру үшін сілтемені басыңыз: https://clck.ru/3B7ie3
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

БАЙ БОЛҒАН – ЖАҚСЫ. КЕДЕЙ БОЛҒАН – ЖАМАН

Біздің ел кезінде Исламмен мықты өркендеп келе жатыр еді. Алғашқы мектептер ашылып, бала оқыту жүйелі іске айналып, байлар білімнен қаржы аямай, іргелі іс жүзеге асып жатқан. Бірақ түрлі рудан құралған елдің бір идеяның астында бірігуі қиын боп, соғыс құралдары жаңармай, көршінің отарына айналып кеттік. Сол кезде бізді түгелдей тамырымыздан ажыратып, адамдықты жою үшін Ислам дінін бейшара ғып көрсетуге тырысты. «Мұсылман адам кедей болады. Бай дегенің – алаяқ, біреуден зорлықпен тартып алып, дүние жинайды. Кедей болсаң, ақыретте есебің да жеңіл, байлардан 500 жыл бұрын жәннатқа кіресің. Ақша – лас. Дүние – кір» деп санаға сіңірді.

Оның нәтижесі де көп ұзаған жоқ, көріне бастады. Ақырында тақыр кедейлер көбейіп, кедей болу – жалқаулыққа ұласты. Елімізде қайыршы диуаналар қаптап, ұрлық-қарлық көбейді. Кедейдің ақылы таяз, білім алуға ақшасы жоқ. Кейбіреуде дүние болуы мүмкін, бірақ рухани кедей. Содан еліміздің байлықтарын шикізат күйінде болмашы ақшаға шетел асырды.

Мынадай оқиғаның куәсі боп едім. Мектеп салуға әкелінген 100 мың тг тұратын токты (провод) өртеп, ішіндегі мысты килограммдап, түсті металл қабылдайтын жерге 10 мың теңгеге өткізген.

Қазір енді білімге ашық қол жеткізе бастадық. Мына «Кәсіпкер сахабалар» деген кітапты оқып отырып таңғалдым. Біз «ойбай, бұдан өткен тақуа адам жоқ, иманы деген шыңға жеткені соншалық – көздегі перде шешілсе де, иманы артпайды» деп жүрген сахабалардың көпшілігі долларовый миллиардер (!) болған екен. Абдуррахман ибн Ауф, Әбу Бәкір, Сағд бин Әбу Уаққас, Талха ибн Убайдулла... Дүниеден өткенде балаларына мұра ғып, миллиардтаған алтын теңгелер (динар), күміс теңгелер (дирхам), гектар-гектар жерлер, пәленбай миллион доллардың жемісін беретін құрма бақтары, жылжымайтын мүліктер қалдырған. Ғажап!

Сөйтсек, бай болу керек екен. Байлар ғана мектеп, аурухана, жол, су құбыры, электр жарығы, зауыттар, егін алқаптары, компаниялар ашып, сол өңірдің дамуына, баюына, жұмысшы күшінің пайда болуына себепкер болады екен. Бай болу жақсы екен, тек жүрекке кірмесе, қолда тұрса болды.

Сахабалардың көпшілігі былай дұға еткен: «Е, Аллам! Дүниені ойлап уайымдамауым үшін маған оны көп қып бер. Және оны тек қолыма бер».

Толығырақ «Кәсіпкер сахабалар» кітабынан оқи аласыздар. Тапсырыс беру үшін сілтемені басыңыз: https://clck.ru/3B7ie3
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

СЕРФЕР

Суда жүзетін серферді білесің ғой? Асау толқынды бағындырып, төмен қарай зуылдайды. Таудай толқынның шыңына шығып, 5-10 секунд сырғанайды. Толқын суға сіңіп жоқ болатынын білсе де, осы сәтті жібермейді. Дәл осы сәтте өмір сүреді. Себебі алда тағы да толқын пайда болатынын біледі.

Дәл қазіргі сәтіңде ең тәтті сезімдерді бастан кешір, сезін. Қабілет-пайымыңды максимум қолданып өмір сүр. Алда тағы жақсы күндер күтіп тұрғанынан үмітттен.

Ертеңді не үшін уайымдайсың? Оған жетесің бе, жетпейсің бе, белгісіз ғой. Қазіргі сәтті ұстап қал!

Кітаптарға тапсырыс беру үшін сілтемені басыңыз: https://clck.ru/3B7ie3 
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

Ағаштан жеміс күтсең,
Бұтағын сындырма.
Адамнан үміт күтсең,
Көңілін қалдырма.

СЕН ТУРАЛЫ ЕШКІМ ОЙЛАМАЙДЫ

Бұған дейін ойламаған да. Өйткені жұрттың онсыз да өз проблемалары жетеді. Сені ойлауға уақыты да, қалауы да жоқ. Сені неғылсын, өздерін қатырып алмай жатып?

Сондықтан «жұрт мен туралы не ойлайды» деп бас қатыруды таста. Нең бар жұртта? Өзің жайлы ойлан, өзіңді дамыт, зертте, өс, өн.

Сен туралы тек анаң ойлайды. Бауырларың да бар арасында. Олар тек жақсылық ойлайды. Одан артық не керек?

Кітаптарға тапсырыс беру үшін сілтемені басыңыз: https://clck.ru/3B7ie3
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

Көкіректе тірі сурет таңбалай алу – жазушылық дарынның ең басты белгілерінің бірі.
(с) Мұхтар Мағауин

✅Бүгін Жұма. Күндердің ең абзалы. Адам жұмаққа осы күні кірген. Аспанда қалықтап ұшқан құстарға дейін бір-бірінен сүйінші сұрайтын күн. Бірақ жалпы тірі жан (адамнан басқа) бұл күннен қорқатыны бар, себебі қиямет осы күні орнайды.

✅Бұл күнде тілектер қабыл болатын қысқа бір сәт бар. Ол уақытта жасалған дұға қайтарылмайды делінген. Имам мінберге шыққаннан бастап, дұға-тілектерді аямай төгу керек.

✅Жұмаға баруыңнан қайтуың тез болмай, сондағы таныс, дос, бауырлармен жүздесіп, хәлін сұрап, шүйіркелесу керек. Көңіл-күйің көтеріледі, сағынышың басылады.

✅Жұма күні салауат көп оқу керек. Ойың футболда, тілің ғана судыратын оқып жатпасын. Салауатты оқығанда Мұхаммед пайғамбарды (Алланың сәлемі мен игілігі болсын) елестетіп, сенің салауатыңды қабыл алып жатқанын, сәлеміңе жауап беріп жатқанын сезіну керек. Ықылассыз оқыған салауатыңды қалай қабылдайды, ұят болмай ма? Сондықтан жақсы көрген адамыңды еске алғандай, салауатты да сезініп оқығанға не жетсін! Мұрның ұшы ашып, көзіңе жас келетіндей күйге ен.

❎Жұмаға себепсізден себепсіз бармай жүрсең, жүрегіңе мөр басылады. Абай бол! Сол жерде ақша таратылып жатыр десе, ұялмай барарсың. Ұяттың ұлысы Аллаға лайық.

Иманды арттыратын кітаптарға тапсырыс бер.
Кітаптарға тапсырыс беру үшін сілтемені басыңыз: https://clck.ru/3B7ie3
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

ЖАЗУШЫ БОЛУ ҮШІН

Жазушы дарыны – ең алдымен мейірбандық, ізгіліктен көрінсе керек, оның мәнісі – алыс, жақын, кез келген адамның уайым, қайғысын, қуаныш, сүйінішін, өткен және бүгінгі «ахуал, жағдайын дәл өзіңнің басыңдағыдай қабылдай білу».

(с) Мұхтар Мағауин

ҚАДІР ТҮНІ жайлы Имам Ғазалидің жазбасы

Бүгін Рамазан айының 27- түні, яғни Қадір түні. Оның қадір-қасиеті жайлы “Жүрек сырлары” кітабынан үзінді береміз.

🟢Әнәс ибн Мәлик (р.а.) риуаят етеді: Алла Елшісі (с.а.с.): «Қадір түні Жәбірейіл бірнеше періштемен жерге түседі. Олар тік тұрып, отырып Алланы зікір қылып жатқан барлық пенделерге сәлем беріп, олар үшін Алладан кешірім тілейді», - деді.

🟢Әбу Һурайра айтады: «Қадір түні көп сандағы періштелер жер жүзіне түседі. Олардың түсуі үшін аспанның есіктері ашылады. Нұр төгіледі. Періштелер шартарапқа жайылады. Бұл сәтте адамдардың жағдайы әртүрлі болады. Біреуге аспан-жердің сырлары ашылады, аспандағы перделер алынып тасталады. Біреулер аспанда періштелерді тік тұрған жағдайда, отырған, рүкуғ, сәжде жасап жатқан, Алланы зікір қылып, оған шүкіршілік келтірген, тасбих айтып, оның ұлылығын мадақтап жатқан жағдайда көреді. Басқа біреу пейішті, пейіштегі сарайларды, хор қыздарды, дарияларды, ағаштарды, жемістерді көреді. Ол Алланың Аршын, пайғамбарлардың, әулиелердің, шейіттердің және тақуа пенделердің дәрежелеріне куә болады. Сол түні мүминдердің бір тобы Алланың Нұр Жамалын көреді. Перде көтеріледі. Сол мүминдер ғана Алланың Жамалын көре алады».

🟢Әзірет Омардың риуаяты бойынша, Алла Елшісі (с.а.с.) былай дейді: «Кім рамазанның жиырма жетінші түнін таң атқанша ғибадатпен өткізсе, оның бұл ісі Мен үшін рамазан бойы барлық түні жасалған ғибадаттардан да жақсырақ».

🟢Әзірет Фатима (р.а.) «Әке, түнді ғибадатпен өткізуге әлі келмеген әйел, еркектер не істесін?” деп сұрағанда, Пайғамбарымыз (с.а.с.): «Олар бұл түннің қайсыбір уақытын жастықтарын тік қойып, оған жастанып отырып Аллаға дұға қылуы, Мен үшін үмбетімнің баршасы рамазан түндерінің бәрін ғибадатпен өткізгенінен тағы жақсырақ», — деп жауап берген.

🟢Айша анамыздың (р.а.) риуаятында Пайғамбарымыз (с.а.с.) «Кім Қадір түнін жандандырып, түнде екі рәкат намаз оқыса және тәубе келтіріп, истиғфар айтса, Алла оны кешіреді. Алланың мейіріміне ие болады. Жәбірейіл оны қанатымен сипайды. Жәбірейіл қанатымен сипаған барлық кісілер пейішке
кіреді» - деген.

“Жүрек сырлары” кітабынан.
тапсырыс беру үшін сілтемені басыңыз: https://clck.ru/3B7ie3
@kitapal_bot арқылы телеграмнан шықпай тапсырыс беру
сайт www.kitapal.kz
уатсап 8-777-572-22-33

Отпен ойнама күйіп қаласың,
Қызбен ойнама сүйіп қаласың.

Үнемі шекер жеген адамға тұздың дәмін түсіндіру қиын.