Qsport Qazaqstan

«Біз жақсы араласамыз, ұлттық құрамада бірге тұрамыз. Оған бейімделу қажет, өйткені бұл – әлемдегі ең мықты чемпионаттардың бірі. Мұндай деңгейге жеткеннен кейін уақыт керек. Бірақ мен оның бәріне қол жеткізетіндігіне сенімдімін.

Ол тез үйренеді, сөйлей бастады. Ең бастысы – алаңда керек сөздерді білу, ары қарай бәрі ретімен келеді. Ол жерде өмір сүрсең, ағылшын тілін де тезірек меңгересің. Ал Гвардиоламен тіпті жылдам үйренесің!»

«Жақындарым менің қолымнан келетініне әрдайым сенді, бірақ Өзбекстанда көпшілік: «Бұл деңгейге шыдай алмайды» деп ойлады. Дегенмен, мен тәуекелге барып, осында келдім. Алғашында өзімді көрсете алмаймын деп ойладым. «Ол да басқалар сияқты қайтып келеді» деген пікірлер айтылды. Бірақ бұл мен үшін керісінше мотивация болды. Мен олардың қателескенін дәлелдеуім керек еді».

«Есепке қарамастан, ойын оңай болған жоқ. Қарсыласымыз мықты, өте мығым команда. Бізге жылдам соғылған гол жеңілдік беріп, кейін өз мүмкіндіктерімізді жүзеге асырдық. Бірінші таймды қақпамызға гол жібермей аяқтау маңызды болды және үзілісте түзетулер енгізіп, жігіттерге қалай әрекет ету керектігін көрсеттік.

Жаңа ойыншылар туралы? Қазір барлық позиция қамтылған. Бұл сұрақты басшылыққа қойған дұрыс, ал біздің міндетіміз – қолымыздағы ойыншылармен жұмыс істеу.

Алдағы үзіліске келсек, біз жақсы қалыптамыз. Ұлттық құрамаға шақырту алған ойыншылар матчқа үш күн қалғанда оралады. Дегенмен, әзірге ойын тәжірибесі аз футболшылар да бар, біз оларға мүмкіндік беріп, қарқынды арттыра береміз».

«Жақсы команда. Бірақ бүгін біз өз мүмкіндіктерімізді жүзеге асыра алдық. «Астанаға» қарсы ойында көп мүмкіндікті пайдалана алмадық, ал бүгін гол соға алдық.

Үлкен тәжірибесі бар ойыншылар команданы жігерлендіріп отырады. Біз бір жұдырықтай бірігіп, біртұтас команда ретінде алға ұмтылуға тырысамыз. Әр ойыннан кейін алға жылжып, өткен маусымның жетістігі кездейсоқ емес екенін дәлелдеуге ниеттіміз».

«Қазіргі футболда алғашқы гол ойын нәтижесінің 70%-ын анықтайды. «Қайрат» біздің қателіктерімізді өте жақсы пайдаланып, матчты жеңіспен аяқтады. Гол жібергеннен кейін мінез көрсету керек, қолды түсіруге болмайды. Жігіттер қорытынды шығарып, футбол – жай ғана ойын емес, өмір екенін түсінеді деп үміттенемін. Оны алаңда толық сезініп ойнау қажет.

Қазіргі кезде бізге жылдам ойын мен шабуылдағы шешуші соққылар қиынға соғып тұр. Бәлкім, оқу-жаттығу жиындарында бәрі оңайырақ болды, өйткені онда қысым сезілмеді. Ал чемпионат ойындарында нәтижеге деген қысым бар, бұл да әсер етеді.

Біздің мақсатымыз өзгерген жоқ – еурокубок аймағы үшін күресу, үздік үштікке ену. Менің ойымша, жетінші турдан кейін ғана турнирлік кесте нақты көрінісін алады. Ал оған дейін командалар өз ойындарын, өз тепе-теңдігін іздейді».