SERIK JUMASH

Хасана аль-Басриға: «Неліктен түнде намаз оқушылардың жүздері ең көркем?» – деп сұрағанда, ол: «Олар Рахманмен оңашада қалған, сол себепті Рахман оларға өзінің нұрының бір бөлігін сыйлаған», – деп жауап берді.

🌙Рамазан - бір айлық тәрбие мектебі. Осы айда ораза ұстау арқылы мұсылман адам сабырлық, мурақаба сияқты асыл қасиеттерін шыңдайды.

Мұсылманның өмірі "Рамазанға дейін" әрі "Рамазаннан кейін" деп екіге бөліну керек.

Мұсылман адам Рамазаннан кейін басқа адам болып шығу керек. Яғни, әлдеқайда Аллаға жақындаған болу керек. Баяғы жартас сол жартас болып қалмау керек.✨

🌙Қарапайым болу үшін өз-өзіңді қорлаудың қажеті жоқ. Тек қана тәкаппар болмауың керек.✨

الصحابة كانوا رهبانا بالليل وفرسانا بالنهار

Сахабалар түнде монахтар сияқты құлшылықпен өткізсе, күндіз жауынгер болатын. Яғни, дүниемен ақыретті бірге алып жүрген.

©Махмуд Хассан (Алла панасына алсын)

"Егер асқазан тамаққа толса, даналық жойылады"

©Даналар сөзі

اطلب العلم ولا تكسل فما
أبعد الخير على أهـل الكسـل
واحتفل للفقه فـي الديـن ولا
تشتغل عنـه بمـالٍ وخَـوَل
واهجر النوم وحصّلـه فمـن
يعرف المطلوب يحقر ما بذل
لا تقـل قـد ذهبـت أربابـه
كلّ من سار على الدرب وصل
في ازدياد العلم إرغام العـدى
وجمال العلم إصـلاح العمـل

"Білім ізде, жалқау болма,
Жалқауларға жақсылық неткен алыс.
Дін ілімін терең үйренуге тырыс,
Байлық пен дүние үшін алаңдама.
Ұйқыны таста, білім жи,
Мақсатты білген жан құрбанын аз көреді.
«Ғалымдары өтті» деп айтпа,
Жолға түскен әркім жетеді.
Білімнің артуы – дұшпанға соққы,
Ал білімнің көркі – амалды жөндеу."

📚"Ләмия ибн әл-Уәрди"

ودع الذكرى لأيام الصبا فلأيام الصبا نجم أفل

"Жас кезіңдегі күнәларыңды аңсап еске алуды доғар,
Жастық күндердегі жұлдыз ғайып болған."

📚"Ләмия ибн әл-Уәрди"

Көңіл қалауына ерудің бір белгісі:

Нәпіл амалдарды орындауға талпынып, парыз амалдарды орындауға жалқаулық таныту.

Ибн Атаиллә әс-Сакандари: «Көңіл қалауына ерудің белгісі – нәпіл игі істерге құлшынып, парыз етілген амалдарды орындауға жалқаулық таныту», - деген.

Адамдардың жиналып ғибратты әңгіме айтып, ізгілікке жанашырлык туралы сөз қозғап, түннің ортасына дейін оты-рып, кейін әркім тарасып, үйіне барып демалып, таң намазын оқымай қоюы - көңіл қалауына ерудің белгісі. Рамазан айында тарауық намазға берік болып, оны жамағатпен окуға тырысып, алайда парыз етілген бес уақыт намазға деген ондай құлшыныстың болмауы да тура сондай. Түнгі намазға тұрып, бірақ таң намазын оқуға селқос карау, нәпіл садақаны беріп, бірақ парыз етілген зекетті бермеу, өзгелерге жәрдемдесіп, асырауы міндетті болған отбасының нәпақасын өтеуге дұрыс мән бермеу сияқты істердің барлығы да κөңіл қалауына ерудің әсері. Өйткені Алла Тағаланың бұйрығын орындауға талпынған адам, нәпіл амалдарды орындай тұра, ешуақытта парыз етілген істерге селқос карамауы тиіс.

Мұхаммад ибн Әбу әл-Уард (Алла оны рақымына алсын):
«Адамды құрдымға кетіретін екі іс бар. Бірі – нәпіл амалмен шұғылданып, парыз амалға мән бермеу. Екіншісі – дене мү-шелерімен ізгі амал жасап, бірақ жүректің онымен қатысы болмауы», - деген.

Қызметте, дүние істерінде сырттағы адамдарға жылы жүз, көркем мінез танытып, ал үйдегі, өзінің отбасы мүшелеріне келгенде дөрекі, жаман мінезбен қарым-қатынаста болуды да ғалымдарымыз көңіл қалуына ерудің белгілеріне жатқызған.

📚"Қалып", Думан Сайфулла

"Адам ғапыл дүниені дер менікі,

Менікі деп жүргеннің бәрі Оныкі.

Тән қалып, мал да қалып, жан кеткенде,

Сонда, ойла, болады не сенікі?"

©Абай хәкім

"Мүмін адам ғапыл болмайынша көп күлмейді".

©️Имам әл-Ғазали (Алла рақымына алсын)

"Тұз қышқыл болғанымен астың астың дәмін келтіретіні сияқты, өлімді ойлау ащы болғанымен, өмірдің мәнін келтіреді."

📚"Қалып", Думан Сайфулла

Мұса пайғамбар байқаусызда бір адамды ұрып өлтірді, ал Перғауын мыңдаған адамдарды қасақана өлтірді. Бірақ соған қарамастан, Перғауын Мұсаға:
"Сен сол істеген ісіңді істедің" (Шұғара сүресі, 26:19 аят) – деді.

Қылмыскерлердің үгіт-насихаты – әрдайым шындықты бұрмалап, халықты алдау.

©Абдулазиз ат-Тарифи

Екі соқыр ер адам мен патшаның әйелі

Екі соқыр ер адам патшаның әйелінің жомарттығын білгендіктен, оның жолында отырып, қайыр сұрайтын.

Олардың бірі:
— «Уа, Алла, маған Өз кеңшілігіңнен ризық бер!» — деп дұға ететін.

Ал екіншісі:
— «Уа, Алла, маған патшаның әйелінің кеңшілігінен ризық бер!» — деп сұрайтын.

Патшаның әйелі олардың бұл сөздерін естіп, күн сайын:

Алланың кеңшілігін сұраған адамға екі дирхам жіберетін

Өзінің кеңшілігін сұраған адамға қуырылған тауық жіберетін, ал оның ішінде он динар жасырылған еді.

Бірақ тауық алған адам оның ішінде ақша барын білмей, күн сайын оны екі дирхамға екінші соқырға сатып отырды. Осылайша, он күн өтті.

Содан кейін патшаның әйелі өз кеңшілігін сұраған адамның қасына келіп:
— «Менің жомарттығым сені байытпады ма?» — деп сұрады.
Ол:
— «Қандай жомарттық?» — деп таң қалды.
Әйел:
— «Он күнде саған жүз динар жібердім!» — деді.
Ол:
— «Жоқ, мен күн сайын тауықты екі дирхамға сатып жіберіп отырдым!» — деді.

Патшаның әйелі күліп:
— «Сен менің кеңшілігіме сеніп, Алланы ұмыттың, сондықтан Алла сені одан айырды. Ал анау тек Алланың кеңшілігін сұрады, сондықтан Алла оған беріп, оны байытты!» — деді.

Ғибрат:
✅Адамдарға сенген адам қор болады.

✅Байлығына сенген адам кедей болады.

✅Біліміне сенген адам адасады.

✅Өз күшіне сенген адам шаршайды.

✅Ал Аллаға сенген адам ешқашан қор болмайды, кедейленбейді, адаспайды және шаршамайды.

📚"خلاصة العقائد في الإسلام"، محمد زكي ابراهيم

اللهُمَّ إِنِّي أَسْأَلُكَ إِيمَاناً لَا يَرْتَدُّ وَنَعِيماً لَا يَنْفَدُ وَمُرَافَقَةً نَبِيِّنَا سَيِّدِنَا مُحَمَّدٍ صَلَّى اللهُ عَلَيْهِ وَسَلَّمَ فِي أَعْلَى دَرَجَةِ الْجَنَّةِ جَنَّةِ الْخُلْدِ اَللَّهُمَّ انْفَعْنِي بِمَا عَلَّمْتَنِي وَعَلِّمْنِي مَا يَنْفَعُنِي وَزِدْنِي عِلْماً الْحَمْدُ لِله عَلَى كُلِّ حَالٍ وَأَعُوذُ بِاللَّهِ مِنْ حَالِ أَهْلِ النَّارِ.

"Аллаһым, сенен қайтпас иман, таусылмас нығмет және біздің пайғамбарымыз Мұхаммедпен (оған Аллаһтың салауаты мен сәлемі болсын) мәңгілік жәннаттың ең жоғары дәрежесінде бірге болуды сұраймын.

Аллаһым, маған үйреткеніңнен пайда бер, маған пайдалы білім үйрет және білімімді арттыр.

Барлық жағдайда Аллаһқа мақтау болсын! Тозақ иелерінің жағдайынан Аллаһқа сыйынамын."

📚"الحزب الأعظم والورد الأفخم"، ملا علي القارئ

"Ілім иелері - көп, данагөйлер - аз. Ілімнен мақсат - даналық. Кімге даналық берілсе, онда оған көптеген жақсылық берілгені"

©Фудайл ибн Ғияд (Алла рақымына алсын)

Қуанамыз ба, жылаймыз ба?

Бүгін тарауықты мешітте оқып жатқаныма мәзбін. Тарауық оқығанымызға бір апта болды. Осы уақытқа дейін мешітке кіру мүмкін емес еді. Рамазанның соңында адам таппай қалмасақ болғаны.

Алла баршамызға өз жолында тұрақты етсін!

Сұрақ:
-Ауызашарда бірінші дұға етіп сосын ауыз ашамыз ба, әлде ауыз ашып алып дұға етеміз бе?

Жауап:
-Мен былай істеймін:
Әуелі құрма жеп, су ішіп ауызымды ашамын. Сосын дұға етемін. Отбасыммен ақшам намазымды оқимын. Одан кейін дастарқанға отырамын.

©Шейх Абдуссәләм Шаннар (Алла панасына алсын)