TILSHI NEWS

📣 Мемлекет басшысы Халықаралық дзюдо федерациясының (IJF) президенті Мариус Визермен кездесті

✔️ Қасым-Жомарт Тоқаев Будапешт қаласындағы Халықаралық дзюдо федерациясының штаб-пәтеріне барды.

✔️ IJF басшысымен әңгімелесу барысында осы танымал спорт түрін елімізде дамыту перспективасы талқыланды. Мариус Визер Қазақстан дзюдоны қолдауға арналған дәйекті шараларды жүзеге асырып жатқанын атап өтті. Сонымен қатар спортшыларымыздың халықаралық жарыстардағы нәтижелеріне және Қазақстан дзюдо федерациясының жұмысына жоғары баға берді.

дереккөз: aqorda_resmi

Біздің контентті желілер мен мессенджерлерде бөлісуді ұмытпаңыз!

💸 Ақтөбе облысында пара алғаны үшін айыпталған "ҚТЖ-Жүк тасымалы" ЖШС "Батыс" филиалы Жем пайдалану локомотив депосының бастығы сотталды. Бұл туралы KAZ.NUR.KZ Антикорға сілтеме жасап хабарлйды.

Сыбайлас жемқорлыққа қарсы іс-қимыл агенттігінің Telegram-дағы ресми арнасындағы мәліметке сүйенсек, Ақтөбе облысы Мұғалжар аудандық соты "ҚТЖ-Жүк тасымалы" ЖШС "Батыс" филиалы Жем пайдалану локомотив депосының бастығына қатысты үкім шығарған.

"Ол локомотив депосының кадрлар жөніндегі делдал-менеджері арқылы бір адамды тепловоз машинисінің көмекшісі лауазымына орналастыру үшін 1,5 млн теңге сомасында пара алғаны үшін кінәлі деп танылды.

Оған 3 жыл 6 ай мерзімге бас бостандығынан айыру жазасы тағайындалды", - делінген хабарламада.

Агенттік мәліметінше, осы үкіммен делдал 1 жылға 6 айға, ал пара берген адам және оның көмекшісі 3 жылға бас бостандығынан айырылды.

Сонымен қатар сотталғандар мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айырылды.

Сот актісі заңды күшіне енген жоқ.

Tilshi Merch сатылымға шықты. Біздің мерчті сатып алу арқылы медиа жобаларымыздың дамуына үлес қоса аласыз!

Tilshi News, Tilshi Podcast және Isker Tilshi деген жазулары бар футболкаларды Ақтөбе қаласындағы Renzo ерлер киімі дүкенінен ала аласыздар!

Мекенжайы: Ақтөбе, Ә.Молдағұлова даңғылы, 30Б («Арман» ТК)

Сапалы және пайдалы контентті оқырманның қолдауымен бірге жасайық!

@renzo_qaz | @isker.tilshi | @tilshi.media.school | @tilshi.podcast | @tilshinews.kz

👀 Ақтөбеде су бұру арналарын салу жұмыстары аяқталуға жақын

Қаланың бірнеше ауданында, соның ішінде қалалық сүт зауыты, «Көктем» тұрғын алабы және «Жаңа Қарғалы» бау-бақша ұжымдарында жұмыс жүргізіліп жатыр.

Облыс әкімі Асхат Шахаров жобалардың іске асырылу барысын тексеріп, олардың ағымдағы жағдайын бағамдады.

🗺 Өңір басшысы екі шақырымдық каналдағы абаттандыру жұмыстары аяқталуға жақын «Көктем» тұрғын алабында болды. «Кварц-Спецсервис» ЖШС мердігер ұйымы нысанды жыл соңына дейін тапсыруды жоспарлап отыр.

Сондай-ақ, «Жаңа Қарғалы» бау-бақша ұжымындағы арнада төсеу бойынша жұмыстар - аяқталу сатысында. Оның ұзындығы - 1,5 шақырым.

«Қазір біз арнаны бетондап жатырмыз. Ақжар т/а жағынан келетін су «Жаңа Қарғалы» бау-бақша ұжымындағы үйлердің шетімен өтіп, осы арна арқылы ағып кетеді. Жұмыс кестеге сәйкес жүргізілуде. Келесі айда жұмыстарды аяқтауды жоспарлап отырмыз. Каналдың ұзындығы - 1,5 шақырым. Оның 534 метрін біз бетондауымыз керек. Нысанда он бес адам жұмыс істейді», - деді «ARLAN TRANS-LOGISTICS» ЖШС Бас директоры Темірлан Жаманқұлов.

🔹 Ең ірі жоба – Елек көшесі мен қалалық сүт зауыты ауданы аумағынан жаңбыр мен еріген суды бұруға арналған нөсер кәріздерінің құрылысы. Каналдың ұзындығы 3,8 шақырым. Жобаның аяқталуы мерзімі келер жылға ауыстырылды.

📌 Облыс әкімі алдағы көктемгі су тасқынына тұрғындар алаңдаулы екенін алға тартты, сол себепті тұрғын алаптардың су басуына жол бермеу үшін жұмыстар сапалы орындалу қажеттігін және объектілерді мерзімінде аяқтауды тапсырды.

⚠️ Жеке көлігін сатпақ болып, базарға барған әйелді өлтірген ақтөбелік 22 жылға сотталды

Сотталушының жасы 44-те, жұмыссыз. Ақтөбе қаласының тұрғыны. Ол 55 жастағы әйелді қарақшылықпен өлтіріп, оның көлігін гаражына тығып қойған.

Сотталушы өзіне тағылған айыпты ішінара мойындап отыр. Жәбірленуші тарап оған кесілген 22 жылдық түрме жазасын тым аз деп санайды.

Жарыссөз кезінде прокурор сотталушыны 23 жылға бас бостандығынан айыруды сұраған.

Сот бұрын қылмыстық жауапқа тартылмағанын, кішкентай екі қызының бар екенін ескеріп, 22 жылдық түрме жазасын кескен.

Бұл оқиға биыл 6 маусым күні болған. Сол күні кешкілік туыстары полицияға хабарласып, 55 жастағы әйелдің жеке көлігін сатпаққа базарға кеткенін, содан қайтып оралмағанын айтқан.

Полиция алдымен Toyota Camry маркалы автокөлікті табады. Toyota-ны гаражына тығып қойған азамат кейін көлік иесін қауіпсіздік белдігімен буындырып өлтіргенін мойындаған. Әйелдің мәйіті қала сыртынан табылды.

Тергеу материалдарына қарағанда, қарақшы әйелдің алтын алқасын шешіп алып, бет-жүзін кісі танымастай етіп кескілеп тастаған.

Сот үкімі заңды күшіне енген жоқ.