Әйдә ШаяРТ!

♦️ 1/2 ФИНАЛ УЕНЫ ♦️

Икенче уен, искәртеп үтәбез Казанда түгел, ә Яр Чаллы шәһәрендә узачак!

Билетларны киләсе сылтама аша алып калыгыз:

🚨 БИЛЕТЛАР 🚨

Кемнәр ике уенгада килергә планлаштыра - смайллар куегыз😊😎✌❤️

♦️КӨЗГЕ КУБОК♦️
Хәерле кичләр!
Ишеткәнсездер Яр Чаллы шәһәрендә 2 көн рәттән уеннар булачак.

Беренче уен - 25 ноябрь - Көзге Кубок 🏆

Билетларны киләсе сылтама аша алырга була!🔻
🚨 БИЛЕТЛАР 🚨

Иртәгә, 7 ноябрьдә, «ТНВ» каналының «Манзара» тапшыруында Татарстанның Шаяннар һәм тапкырлар клубы директоры Рамил Агдеев һәм «Керәшеннәр» КВН командасы кунакта булачак.

Тапшыру республиканың Шаяннар һәм тапкырлар клубының 30-еллыгына багышлана.

Эфир вакыты: 6.00-8.00

📣 Бүген, 5 ноябрьдә, 9.35 сәгатьтә «Россия 1» телеканалындагы «Хәерле көн, Татарстан!» тапшыруында "Әйдә, ШаяРТ" татар КВН лигасының баш мөхәррире Руслан Харисов катнашачак.

Тапшыру Татарстанның Шаяннар һәм тапкырлар клубының 30-еллыгына багышлана.
Карамый калмагыз!

| «ТНВ-Татарстан» каналында |

📣 Бүген, 30 октябрьдә, 19.00 сәгатьтә «ТНВ-Татарстан» каналындагы «Таяну ноктасы» тапшыруы - Татарстанның Шаяннар һәм тапкырлар клубының 30-еллыгына багышлана.
Анда Татарстанның Шаяннар һәм тапкырлар клубы директоры Рамил Агдеев та катнашачак.

Карамый калмагыз!❤️

«Әйдә, ШаяРТ» татар КВН лигасының ярымфиналына сигез команда узды
 
Чирекфиналда җиңгән бер кешелек «Дилүс улы» командасына 100 мең сумга сертификат тапшырылды.
 
16 октябрьдә «Чулпан» мәдәният үзәгендә «Әйдә, ШаяРТ» татар КВН лигасының чирекфиналы узды. Чара Алия Нур чыгышы белән башланды.

2024-2025 ел сезоны ачылышында барлыгы сигез команда катнашты: «Сабалета» (Саба районы), «Изи» (Мамадыш районы), «Нәмәкәй» (Актаныш районы), «Безнекеләр» (Чирмешән районы), «Мәзәк» (Азнакай районы), «Теге ни» (Казан, Һади Такташ исемендәге 27 нче татар гимназиясе), «Дилүс улы» (КФУ), «Керәшеннәр» (Казан).

Татар КВНының чирекфиналын Татарстан Республикасы Рәисе каршындагы Татар телен саклау һәм үстерү мәсьәләләре комиссиясе әгъзасы, Татарстан Республикасы Дәүләт Советының Бюджет, салымнар һәм финанс комитеты рәисе урынбасары Камил Ногаев тамаша кылды.

Уенчыларга Татарстанның Шаяннар һәм тапкырлар клубы, «Әйдә, ШаяРТ» татар КВН лигасы, «Шалт, Мөхәммәтҗан» проектларының җитәкчесе Рамил Агдеев, Татарстанның халык, Башкортстанның атказанган артисты Җәвит Шакиров, «ТНВ» телеканалының алып баручысы Айваз Садыйров, татар КВН лигасының ике тапкыр чемпионы, стендап-комик, алып баручы Артур Сабиров, «ALGA» брендына нигез салучы Тимерхан Зыятдинов бәя бирде.

Чара дәвамында Рамил Агдеевка Татарстан Республикасы Президенты каршындагы татар телен саклау һәм үстерү мәсьәләләре комиссиясенең рәхмәт хаты тапшырылды. Бүләкне Камил Ногаев тапшырды.

Искәртеп узыйк, чирекфинал этабында командалар ярымфиналга чыгу өчен ярышты. Нәтиҗәдә, чирекфиналның җиңүчесе исеменә бер кешелек «Дилүс улы» командасы лаек булды. Ул 100 мең сум отты. Шуңа да карамастан, жюри әгъзалары бертавыштан барлык сигез команданы да ярымфинал этабына чыгарды.