#поэзия
Сораўлар
Қайғы-муң қашылмайтын қара тасқын..,
Қайғысын қашан айттым қара бастың!?
Шаңқай түсте руўхым қалып ғапылда,
Уйқысын ашалмай тур, қара, достым..!
Қайсы күн өзлик пенен араны аштым?
Қайсы күн дүнья менен араластым?
Неге мениң кеўил көзим парықлап,
Қайсы шын, қайсы жалған.., қарамас дым?
Айтысым тәғдир менен жарамас бул...
.., қайтысым шешеннен сөз соралмас күн!!!
(Неге мениң тал шашым ағарып жүр!?)
Айтшы шын, менсиз өмир сүралмас ким?!
Жай түсин.., буғып, жалғыз жыламас ким!?
Айлы түн.., уйқы менен жыр алмастым.
Маған неге жылаў.., күлиў.., қам пәтир,
Ай, күним.., өтпей турып қурым бастым..!
Исмайылов Абдирашид
Жазылған сәне: 21.X.2024
@Poeziya_Abdirashit
