Дил азык🌾

Сен менден “сизге эмне жетишпей жатат?” - деп сурай турган болсоң, биринчи сөздү окугун.

с.Рустам Абилов

#Дилазык🌾

Көкүрөк керип тоготпойт,
Жанына нарктуу жолотпойт.
Арамдан тапкан акчасын,
Жакшылык ишке коротпойт.

Ыймансыз байлык көптүрөт,
Акырет жашооң өлтүрөт.

с.Рустам Абилов

#Дилазык🌾

Өмүргө келдик эмнеге?
Түшкөнбүз сыноо кемеге.

с.Рустам Абилов

#Дилазык🌾

Жаркырайт көктө жылдыздар,
Жарыгын чачкан бир кыз бар.

с.Рустам Абилов

#Дилазык🌾

Бүгүн апта башы. Ушул аптада кайсы китепти окуп баштайсыз же окуп бүтүрөсүз? (коммент👇🏼)📚📚📚

Көптөн бери шаарга бүгүн келдим. Келип эле эки жыл мурун инсульт алып, төшөктө жатып калган аяш атамды зыярат кылдым. Бир тарабы жаным сыздай түштү. Дагы бир тарабы досумдун атасынын колун укалап, бутун укалап, шейшептерин, кийимдерин алмаштырып жатканын көрүп суктандым. Аяш атамдын канчалаган күнөөлөрүн оорунун себебинен Аллах Таалам кечирет. Досум болсо атанын кызматын кылып, бейишин куруп жаткандай туюлду. Аталарыбыз мынтип жатып калбаса да, мынчалык кызматын кыла албайт көрүнөбүз. Анткени атанын сүрү болот. Эркек баланын да ичинде сүйүүсү болкуп турганы менен, сыртына чыгарып айта албайт эмеспи. Ата менен бала эркекче эле мамиледе болот көбүнчө.

Бул жактан чыгып эле дагы бир досума зыяратка бардык. Жаркылдаган аяш апабыз рак илдетине чалдыгып, улам даарыланып, оору менен алпурушуп, үй-бүлөсү менен күрөшүп жаткан учуру. Досум ичиндегисин айтпаса да ой-санаасы, кайгы-муңу сезилип турат мага. 4 жыл мурун жашоосунда чоң жоготуу болуп, аяш атабыз да дүйнө салып кеткен эле. Эми мынтип батасын берээр аяш апам да катуу ооруп турса, санаага батпай кантсин..

Ата-энелерибиздин өмүрү узак болсун ылайым. Ар дайым ден-соолуктарын чың кыла көр Аллахым!🤲🏻

Миң ирет көрүп алган көрктүүдөн,
Бир ирет көрбөй алган тектүү артык.

Казак элинен

#Дилазык🌾

“Эркектин психологиясы мындай”- деп сабак өтүп жүргөн аялдарды түшүнбөймүн. Алар эмне эркек болуп көрүптүрбү? Аял киши миң изилденсе да эркектин психологиясын эркек болуп көрмөйүн түшүнбөйт. Кудум эле аялдын психологиясын эркек түшүнбөгөндөй.

с.Рустам Абилов

#Дилазык🌾

– Ата-энеге жаман сүйлөсө болобу?
– Ата-энеге жаман кароого да болбойт.

с.Рустам Абилов

#Дилазык🌾

Жазарым жанагы эле сен кайрадан.

Кыштын күнү арчага көзүм түштү. Суктандым.💞 Кычыраган кышта өз сулуулугун жоготпостон жашылданып, көрктөнүп турат.

Анан, ойго батып, шүгүр кылдым. Себеби жан дүйнөмдүн арчасы сенсиң. Дегеним: жан дүйнө сууктан тоңсо да, өз көркүң менен аны сулуулап, жылуулап турасың.💞

©Рустам Абилов.
12-март 2021-жыл.

Кардын жыты келгенсийт.

- Апалар да инсанбы?
- Жок, алар жердеги периштелер. Баласынын алдында өз напсисин, каалоолорун унуткан, көздөрүндө "Сенин жакшылыгың үчүн баарын берем"- деген терең сөз жаткан канатсыз периштелер.🫀

с.Рустам Абилов

#Дилазык🌾

Арадан 4 жыл өттү.

– Атасы, не кылып жатасыз?
– Сен жарык дүйнөгө алып келген кызымды сүйүү менен убарамын – деп, жомок угуп жатып уктап калган кызынын бетинен акыры-ын сүйүп, үстүн жаап койду.

с.Рустам Абилов

#Дилазык🌾

Сенден башканы акылыма киргизүүгө аракет кылсам да такыр кирбей койгон, өзүңдөн башканын баарын унуттурган деги кандай жансың?

с.Рустам Абилов

#Дилазык🌾

Түн – бирөөнү сагынгандардын борбору. Таштап кеткен жана унуткандардын болсо уктоочу сааты.

к.Рустам Абилов

#Дилазык🌾

Шайлоо учурунда сооп иш менен алектенип жаткан эл ичиндеги soopmenдердин, башка учурда ыкласы кайда кетет болду экен?

с.Рустам Абилов

#Дилазык🌾

Ушул күнгө келип апам менин көңүлүмө жакпаган бир да сөз сүйлөбөптүр, бир да иш жасабаптыр, бир да жолу мени ирээнжитпептир. А мен, татыксыз перзент, эсепсиз көңүлүн калтырыптырмын.💔

с.Рустам Абилов

#Дилазык🌾

Биз бышпаган(кам) сүт ичип чоңойгон адам баласы бизге келген баардык кыйынчылыктарга себеп таба беребиз. Ушундай кылганым үчүн ушундай болду. Ушундай кылбаганымда мындай болбойт эле деген сыяктуу. А чынында Улуу Даанышман Заттын көп жакшылыктары, кыпындай кыйынчылыктар артына катылганын сезбейбиз..

с.Рустам Абилов

#Дилазык🌾

– Караңгылыктан корком..
– Бирок, кантип? Караңгыда көп жүрөсүң го…
– Жарыктын караңгысынан эмес. Караңгы адам болуудан..

с.Рустам Абилов

#Дилазык🌾