Медиақұрылтайды да, оны ұйымдастырып жүрген Қазақстан Баспасөз клубын да, қатысқан әріптестерімді де қанша сыйлап, жақсы көре тұра...
Мына масқараны айтпай тұра алмаймын...
Кешірерсіздер, "вызовы" деген "шақырулар" болмайтынын, XVI дегеннен кейін "-шы" қойылмайтынын айтатын бір сауатты қазақ табылмағаны ма?
Мынау қорлық қой...

Осыдан бес жыл бұрын Медиақұрылтайда қазақ медиасындағы қазақ тілі туралы сессия жасағанбыз. Сол кезде кей әріптестер "әлі сөз түзеп жүрсіңдер, өзгелер ақша табуды айтады" деп сөгіп кеткен.
Енді... айтайын. Қазіргі медианың тілі сол кездегі біз сессияға шығарған, айтқан, талдаған тілден де жаман. Сол кездегі сорақы қателерге жылап көрісіп жүрміз. Ал ақша табу... Сол күйі. Сол қайыршы медиа әлі қайыршы медиа, тек қазақшасы одан бетер сорлы бола түскен.

Авторы: Назгүл Қожабек