📚 Кітаптар_әлемі 📚

Сұрақ: Қасиетті үш ай туралы мәлімет бересіз бе?

Жауап: Ертең, яғни 2 ақпан (сәрсенбі) күні қасиетті үш айдың (Ражаб, Шабан, Рамазан) біріншісі – Ражаб (Ережеп) айы басталады. Дінімізде күндердің алдымен түні келеді, демек бүгінгі түн – қасиетті Ражаб айының алғашқы түні болып табылады, ал ертең алғашқы күні болады. Бұл айлардың қасиетін ретімен қысқаша айтып өтейік:



РАЖАБ АЙЫ: Қасиетті төрт айдың бірі. Бір аяти кәримада: «Аллаһтың аспан мен жерді жаратқан күнінен бері айлардың саны он екі. Олардың төртеуі харам (құрметті) айлар» делінген. (Тәубә 36)

Хадис шәрифтерде былай делінеді:

«Харам (қасиетті) айлар – Ражаб, Зүл-қада, Зүл-хиджа және Мухаррам». (Ибн Жәрир)

«Жәннатта сондай зәулім сарайлар бар, оған тек Ражаб айында ораза тұтқандар кіреді». (Дәйләми)

«Аллаһу та'ала Ражаб айында ораза тұтқандарды кешіреді». (Ғунйа)

«Ражаб айының басында бір күн, ортасында бір күн және соңында бір күн ораза тұтқан адамға Ражаб айын толық ораза ұстағандай сауап беріледі». (Мифтахул-жәннә)

«Аллаһу та'ала Ражаб айында жақсылығын арттырады. Бұл айда бір күн ораза ұстаған адам бір жыл ұстағандай сауапқа кенеледі. Жеті күн ораза тұтқан адамға тозақ есіктері жабылады. Сегіз күн тұтқан адамға жәннаттың сегіз есігі ашылады. Он күн тұтқанға Аллаһу та'ала қалағанын береді. Он бес күн ораза ұстағанға бір хабаршы: «Өткен күнәларың кешірілді» дейді. Аллаһу та'ала Нұх алейһиссаламды Ражаб айында кемеге мінгізді. Ол Ражаб айын оразамен өткізіп, қасындағылардың да ораза тұтуына бұйрық берді». (Табарани)

«Ражаб айында тақуалықпен бір күн ораза ұстаған адам үшін ораза ұсталған күндерге тіл бітіп: «Йа, Раббым, оны кешір» деп айтады». (Әбу Мұхаммед)



Сұрақ: «Ражаб айының басында бір күн, ортасында бір күн және соңында бір күн ораза тұтқан адамға Ражаб айын толық ұстағандай сауап беріледі» деп жазылған. Басы айдың 1-і, ортасы 15-і, соңы 30-ы деген сөз бе?

Жауап: Жоқ. Басында дегені – айдың алғашқы күндері деген сөз. Ортасы – айдың ортасындағы күндер, ал соңы – айдың соңғы күндері дегенді білдіреді.



ШАБАН АЙЫ: Хадис шәрифтерде былай делінген:

«Шабан сондай құнды ай, адамдар одан ғапіл (хабарсыз) болады. Бұл айда амалдар әлемдердің Раббысына ұсынылады. Ал мен амалымның ораза тұтқан кезімде ұсынылғанын қалаймын». (Нәсаи)

«Рамазаннан кейінгі ең құнды ораза – Шабан айында ұсталған ораза». (Тирмизи)

«Шабан айында үш күн ораза тұтқан адамға Хақ та'ала жәннатта бір орын дайындайды». (Әюхәл уәләд ілімхалы)



РАМАЗАН АЙЫ: Хадис шәрифте былай делінген:

«Рамазан – мүбәрәк ай. Аллаһу та'ала сендерге Рамазан оразасын парыз етті. Ол айда рахмет (мейірім) есіктері ашылады, тозақ есіктері жабылады, шайтандар байланады. Ол айда мың айдан да қадірлі бір түн бар. Ол түннің (Қадір түнінің) жақсылығынан мақұрым қалған адам барлық жақсылықтан мақұрым қалған болып саналады». (Нәсаи)

@kitaptar_alem


Сұрақ:
Құранды қалай оңай жаттауға болады?


Жауап:
Құран – бұл бақыт кітабы. Әр мұсылман Құранның маңыздылығын түсінеді. Мұсылманның бар ғұмыры осы қасиетті кітаптың шеңберінен шықпайды. Құран біздің жолымызды шындыққа бұратын нұр. Онда Жаратушы Иенің ғибраты мен біз жүруге тиісті бағыттың мақсаты жасырылған. Сол себепті мұсылманның бір міндеті қасиетті Құран Кәрімді оқу.

Құранды оқу үшін қажет шарттар:

Шынайы ниет

Құранды Алла разылығына бөлену үшін оқу керек, сонда Алла Тағала оқуыңызды оңайлатып, алған біліміңізді қайырлы етеді.


Құранды ұқыпты ұстау

Құранды дәретпен ұстау керек. Жерге қоюға болмайды. Құран оқып отырған адамның киімі таза, әурет жерлері жабық болғаны абзал.


Ыңғайлы орын таңдау

Бар ойыңызды оқуға бұру үшін тыныш, оңаша, ыңғайлы орын таңдаған абзал.

Құранды оқудың үш жағдайы бар:


Оқу және Құранның арабша мәтінін түсіну.


Мағынасын түсінбей, арабша мәтінді оқи білу.

▫️Оқи алмау және арабша мәтінді түсінбеу.

Бұл істегі ең маңыздысы – бастау. Аяттың басын жаттасаңыз соңы өздігінен орайланады.

Құранды оқу ережесі

🔹Құранды оқыр алдында «Әузу биЛЛахи мина-шшайтани-ражим» деп айту керек.

🔹Әр сүренің басында «Бисми-ЛЛахи-Рахмани-Рахим» дейді.

🔹Оқып отырған адам асықпай, әдемі дауыспен оқығаны абзал.

🔹Мұсылман адам Құранды дұрыс оқу үшін араб әріптері мен дыбыстарының қалай оқылатынын білуі тиіс.

Құранды тек мән-мағынасыз оқып қоя салуға болмайды. Себебі Құранды оқығаннан кейін, оны күнделікті өмірде қолдану керек. Адам Құранды әр оқыған сайын ойлануы тиіс. Мейірім аяттарын оқыған кезде Алладан мейірім сұрауы, жаза туралы аяттарды оқыған кезде жасаған күнәлары үшін кешірім сұрауы қажет.

Құран – Алланың сөзі, Жұмақтың кілті. Ал Құранның кілті араб тілі. Сондықтан Алла разылығына ие болғысы келетін адам араб тілін үйреніп, Құранды араб тілінде оқығаны жөн.

Келесі кеңестер сізге қасиетті Құранды жаттауға көмектеседі:



Құранды жаттау жоспарын жасаңыз (мысал үшін күніне қанша аятты жаттауыңыз керек) және сол жоспарыңызды орындаңыз.
Құранды күнделікті оқып, жаттап отырыңыз. Себебі аяттарды неғұрлым жиі оқысаңыз соғұрлым есте сақтау оңай болады. Апталап, айлап үзіліс жасамаңыз.
Бұл істе бөгде ойлардың алаңдатпауын қадағалаңыз. Өзіңізді бөтен ойлардан аулақ ұстауға тырысыңыз.
Аяттарды мағынасымен қосып есте сақтаңыз: аятты оқымас бұрын
Аяттарды мағынасымен қосып есте сақтаңыз: аятты оқымас бұрын аудармасын оқып, жазылған сөздің мағынасын түсініңіз.
Жаттар алдында өзіңіз жаттағыңыз келетін аяттың аудио нұсқасын тыңдаған жақсы. Бұл сізге аятты дұрыс оқып, дұрыс жаттауға көмектеседі.
Сүрелерді дауысыңызды шығарып оқыңыз.
Ең бастысы Алла Тағаладан Құранды жаттауда көмек, жеңілдік беруін сұраңыз.

@kitaptar_alem

Түсінгенім, қазақпыз, "ҰЛЫ" халықпыз деп көкірек қағамыз, ал, шын мәнінде, ішкі мәдениетіміз өте төменгі (плинтус) деңгейіне жетіпті!

Батыстағы Еуропаға еліктедік, Кореяға еліктедік, жалпы, еліктеуден жалықпайтын халықпыз! Егер еліктейтін обьект дұрыс болса, еліктегіш субьект дұрыс болады!Еліктеуден жалықпайтын халық екенбіз, "жапон" халқына бет бұрайық! Себебін өзіңізде айқын білесіз: әр адамның ішкі мәдениетінің жоғары деңгейі, мәмілеге (диалогқа) тез келе алуы!

Осы болған оқиғалардан билік те, халық та жақсы сабақ алды және енді екінші мүмкіндік берілмейтінін түсінді деген ойдамын! Билік пен басшылыққа президент өз тапсырмаларын берді, ол тапсырмалар іс жүзінде тиісті деңгейінде орындалады деп үміттемін! Халық ретінде, біз, оның ішінде 6,5млн жастар өз деңгейімізді, ең бастысы, ішкі мәдениетімізді көтерейік! Қалай? Қарапайым қоқысты жәшікке тастаудан, өзге адамдармен жылы сөйлесу арқылы мәмілеге келу, әрдайым жақсы ойлауға тырысу, өзгелердің қателігін сөз етіп күлмей, сабақ ала білу, өзгелердің пікірлерін құрметтей отырып, өз ойын анық жеткізуге дейін. 1 ай немесе 30 күн осылай жасап көріңіз, автоматты түрде осы уақытқа дейінгі өзіңіздің қателіктеріңізді көресіз және өмір сүруіңіздің жеңілдегенін байқайсыз!

Әркімнің өз ойы бар, тек, менің жеткізгім келген ойды түсінсеңіз болғаны!

Қорытынды: Қоғам мен өмірде Жапония секілді дамыған мемлекет болу үшін, санадағы Ауғанстанды Жапонияға алмастырайық,
ақылды менің Жас досым✊🏻

P.s: Маған жағымпаздану мен біреуге ұнау емес, тәуелсіз ел керек!

@kitaptar_alem

#күшімізбірлікте
#ескіше_ойлау_негізсіз
#жаңаша_болу_керекпіз
#Әуесқой_жазбагер 📝

Дайындық пен мүмкіндік
⠀
Жетістік мүмкіндік пен дайындық түйіскен кезде келеді дейді. Мысалы, жалақысы жоғары бір жұмысқа ұсыныс түсті. Басты талап: ағылшын тілін IELTS 6.0 деңгейінде білу. Тура сенің деңгейің. Бұған дейін тіл үйреніп, өзіңді дамытқан едің. Дайындығың жақсы болып, жұмысқа оп-оңай тұрып кеттің. Жетістікке жеттің.
⠀
Бірақ өмірде әуелі мүмкіндік іздеп, сосын "соған сай дайындық жасармын" деп жүрген жандарды жиі көремін. Мысалы, жалақысы жоғары жұмыс іздейді, сұранысқа ие мамандыққа түскісі келеді, т.б.
⠀
Бірақ меніңше мүмкіндік іздей бермей, дайындыққа, өзіңді дамытуға ден қою дұрысырақ сияқты. Сонда мүмкіндіктерді шертіп жүріп таңдайсың.
⠀
Күнде алдымыздан мыңдаған мүмкіндіктер шығып отырады. Бірақ өзіміз дайын болмаған соң, көбін өткізіп аламыз. "Дайындық пәлсапасын" өзіңді үнемі жан-жақты дамытып отыру деп түсінемін. Қандай курс оқысаң да, қандай мамандық игерсең де, қандай машық меңгерсең де – бәрі мүмкіндік есіктерін ашады.
⠀
Дайындық пен мүмкіндік түйісіп, жетістікке жету деген осы емес пе?)

Ағылшын тілін үйренушілерге арналған

Аллаға тәуекел ету | 📍

Мұсылман адам қандай да бір істі бастар алдын Аллаға сыйынып, бастаған ісіне береке, хайырлы болуын сұрайды.
Денеміздегі бір кесек ет «жүректің» тыныштығы болғанда атқарар ісіміз де берекелі болады. Омар (р.а) «Алла елшісінің (с.а.у):

لَوْ أَنَّكُمْ تَوَكَّلْتُمْ عَلَى اللَّهِ حَقَّ تَوَكُّلِهِ لَرَزَقَكُمْ كَمَا يَرْزُقُ الطَّيْرَ، تَغْدُوا خِمَاصاً وَتَرُوْحُ بِطَاناً

«Егер де Аллаға шынайы түрде тәуекел етсеңдер, Хақ тағала сендерді таңертең ұясынан аш құрсақ ұшып шығып, кешке қарай жемсауы толып оралған құстарды ризықтандырғаны секілді ризықтандырар еді», деп айтқанын естідім»,- деген. Демек, адам баласына ризық беруші, бізді махаббатпен жаратқан мейірім иесі Алланың кеңшілігі мен қамқорлығы шексіз.
Ал енді кез-келген қайырлы істі істеуге бел байлаған сәтте, өз күшіңе, ақыл-ойыңа, тәжірибеңе ғана сүйеніп қоймай, тәуекел етіп, тағдырыңды Тәңірге тапсыруды мына аяттан байқаймыз:

فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ

«Егер бір іске бел байласаң, Аллаға тәуекел ет. Сөзсіз, Алла тәуекел етушілерді жақсы көреді».

Имам Табари тәпсірінде Абдулла ибн Масғудтың (р.а): «Құрандағы Алланың кепілдік танытқан ең үлкен аяты:

وَمَن يَتَوَكَّلْ عَلَى اللَّهِ فَهُوَ حَسْبُهُ

«Кім Аллаға тәуекел етсе, оған бір Алла жеткілікті» деген аят» дегенін жеткізеді. Тәуекелдің ақиқатын осы аяттан түсіне берсеңіздер болады. Имам Қуртуби (р.а): «Тәуекел деген – әлсіздігіңді сезініп, ісіңде Аллаға арқа суйеу» деген.

📌 Біздің проблемамыз :
Барлығы біздің жоспарымыздай, ойлағанымыз болады деп өз күшімізге көбірек үміт артып қоюымызда. Яғни, болашақта болып қалуы мүмкін жағдайды өз ойлау деңгейімізде шешім шығаруымыз. Ал бірақ, Алланың жоспары әр уақытта біз ойлағандай бола бермейді.
Қысқасы, «Әрекет - адамнан, берекет - Алладан». Тек қана дұғамен сұрап қана қоймай, қолымыздан келгенін жасау - шынайы тәуекелді білдіреді.

P/s: Бір тәуекел өміріңді түбегейлі өзгертіп жіберуі мүмкін, ал бір тәуекелден бас тарту өмір бойы өкінішке алып келуі мүмкін...

#Мүмкіндікті_жіберіп_алмайық
#Бүгінгі_ой 📝
@Maratt_smm

Абайдың 10 қара сөзі

Біреулер құдайдан бала тілейді. Ол баланы не қылады? Өлсем орнымды бассын дейді, артымнан құран оқысын дейді, қартайған күнімде асырасын дейді. Осыдан басқасы бар ма?
Балам орнымды бассын демек не сөз? Өзіңнен қалған дүние иесіз қалар дейсің бе? Қалған дүниенің қамын сен жемек пе едің? Өліп бара жатқанда өзгеден қызғанып айтқаның ба? Өзгеге қимайтұғын сенің не қылған артықша орның бар еді? Баланың жақсысы - қызық, жаманы - күйік, не түрлі боларын біліп сұрадың? Дүниеде өзіңнің көрген қорлығың аз болды ма? Өзіңнің қылған иттігің аз болды ма? Енді бір бала туғызып, оны да ит қылуға, оған да қорлық көрсетуге мұнша неге құмар болдың?
Артымнан балам құран оқысын десең, тірлікте өзіңнің жақсылық қылған кісің көп болса, кім құран оқымайды? Егер жаманшылықты көп қылған болсаң, балаңның оқыған құраны сені неге жеткізеді? Тірлікте өзіңе-өзің қылмаған істі, өлген соң саған балаң кәсіп қылып бере ала ма? Ахирет үшін бала тілегенің - балам жасында өлсін дегенің. Егерде ержетсін десең, өзі ержетіп, ата-анасын тұзақтан құтқарарлық бала қазақтан туа ма екен? Ондай баланы сендей әке, сенің еліңдей ел асырап өсірмек пе екен?
Қартайғанда асырасын десең, о да - бір бос сөз. Әуелі - өзің қаруың қайтарлық қартаюға жетемісің, жоқ па? Екінші - балаң мейірімді болып, асырарлық болып туа ма, жоқ па? Үшінші - малың болса, кім асырамайды? Малың жоқ болса, қай асырау толымды болады? Баланың мал табарлық болары, мал шашарлық болары - ол да екі талай. Хош, құдай тағала бала берді, оны өзің жақсы асырай білесің бе? Білмейсің. Әуелі өз күнәңді өзің көтергеніңмен тұрмай, балаңның күнәсіне тағы да ортақ боласың. Әуелі балаңды өзің алдайсың: «Әне, оны берем, міне, мұны берем» деп. Басында балаңды алдағаныңа бір мәз боласың. Соңыра балаң алдамшы болса, кімнен көресің? «Боқта!» деп, біреуді боқтатып, «кәпір - қияңқы, осыған тимеңдерші!» деп, оны мазаттандырып, әбден тентектікке үйретіп қойып, сабаққа бергенде, молданың ең арзанын іздеп, хат таныса болады деп, қу, сұм бол деп, «пәленшенің баласы сені сыртыңнан сатып кетеді» деп, тірі жанға сендірмей жат мінез қылып, осы ма берген тәлімің? Осы баладан қайыр күтесің бе?
Және мал тілейсіңдер, неге керек қылайын деп тілейсіңдер? Әуелі, құдайдан тілеймісің? Тілейсің. Құдай берді, бергенін алмайсың. Құдай тағала саған еңбек қылып мал табарлық қуат берді. Ол қуатты адал кәсіп қыларлық орынға жұмсаймысың? Жұмсамайсың. Ол қуатты орнын тауып сарып қыларды білерлік ғылым берді, оны оқымайсың. Ол ғылымды оқыса, ұғарлық ақыл берді, қайда жібергеніңді кім біледі?.. Ерінбей еңбек қылса, түңілмей іздесе, орнын тауып істесе, кім бай болмайды? Оның саған керегі жоқ. Сенікі - біреуден қорқытып алсаң, біреуден жалынып алсаң, біреуден алдап алсаң болғаны, іздегенің - сол.
Бұл - құдайдан тілеген емес. Бұл - абыройын, арын сатып, адам жаулағандық, тіленшілік. Хош, сүйтіп жүріп-ақ мал таптың, байыдың. Сол малды сарып қылып, ғылым табу керек. Өзің таба алмасаң, балаң тапсын. Ғылымсыз ахирет те жоқ, дүние де жоқ. Ғылымсыз оқыған намаз, тұтқан ораза, қылған хаж, ешбір ғибадат орнына бармайды. Ешбір қазақ көрмедім, малды иттікпен тапса да, адамшылықпен жұмсаған. Бәрі де иттікпен табады, иттікпен айрылады. Бейнет, күйігі, ызасы - сол үшеуінен басқа ешнәрсе бойында қалмайды. Барында баймын деп мақтанады. Жоғында «маған да баяғыда мал бітіп еді» деп мақтанады. Кедей болған соң, тағы қайыршылыққа түседі.

#толғандырарлық_ой_түйін