Қазан айының 3-жұлдызында Жаңаөзен қаласында қос мерейтойға арналған үлкен іс-шара ұйымдастырылды. Жаңаөзен қаласының 55 жылдығы және "Алға" мүгедектер спорт клубының құрылғанына 30 жыл толуына орай волейбол жарысы өткізілді. Аталған іс-шараға Маңғыстау облысының әкімі Нұрлан Ноғаев және Жаңаөзен қаласының әкімі Айбек Қосуақов мырзалар қатысып, құттықтау лебіздерін білдірді.
Бұл жарыстың басты ерекшелігі - Холдинг пен еншілес компаниялар басшылары мүмкіндігі шектеулі жандармен бірлесіп ойнады. Дәлірек айтқанда, "КазПетроДриллинг" АҚ вице-президенті Ербол Айтуов, "ТрубРемЦентр"ЖШС Бас директоры Жандос Ғазиз және "КазПетроДриллинг" АҚ қаржы менеджері Темірлан Станбаев секілді азаматтар қол арбаға таңылған спортшылармен бірге өнер көрсетті.
Мүгедек спортшыларды қолдау мақсатында ұйымдастырылған спорттық шара көпшіліктің көңілінен шықты.