NASIYAT.UZ |Рәсмий канал

«ЖАҚСЫ СӨЗ САДАҚА»

#Ибратлы

    Ҳаялы ерине айтты:
    – Мендеги сизге унамайтуғын ҳәм өзгериўим керек болған қәсийетлеримниң ҳәммесин жазып берсеңиз. Мен ағза болған ҳаяллар жәмийети соны сорап атыр.
    Ери бир қағазға жазды: «Мен ҳаялымды қалай болса солай сүйемен. Онда ҳеш қандай айып көрмеймен». Ол бүкленген қағазды ҳаяллар жәмийети талап қылғанындай ҳаялына берди.
    Кеште ери үйине келгенинде ҳаялы оны бир қушақ гүллер менен күтип алды. Оның көзлеринде қуўаныш көз жаслары жылўаланатуғын еди. Ол ерине: «Бул мениң ушын күтилмеген саўға болды. Әсиресе, бул мақтаў жазылған хатты көпшиликтиң арасында ашқаным…».

    Ери айтады:
    «Ҳаялымның оннан артық айыплары бар еди. Бирақ мен соны билдим, ол айыпларды айтыў арқалы оны улыўма дүзетип болмайтуғын екен». Ең қызығы сонда, оның ҳаялы жетпис пайызға өзгерди.

    Айыпларды айтыў жек көриў, душпанлықты пайда қылады. Мақтаў болса муҳаббат ҳәм қуўанышты пайда қылады. Үй ҳәм шаңарақта унамлы энергия ҳасыл қылады.

    Расулуллаҳ саллаллаҳу алайҳи ўа саллам: «Жақсы сөз садақа», деген.

    Муҳаммад Ратиб Набулсий

   «« »» «« »» «« »» «« »» «« »» «« »»

t.me/nasiyatuz

#Дуўа

   Шайх Шинқитий раҳимаҳуллаҳ айтады: "Егер ийманың әззилесип, ибадатқа ериншеклик қылып атырған болсаң:

اللهُمَّ لا تجعلْنِي شَقِيًّا ولا محْرُومًا

"Аллаҳуммә ләә тәжъәлний щәқийян ўә ләә мәҳруўмән" дуўасын көп айт!".

Мәниси: "Аллаҳым! Мени бахытсыз ҳәм Сеннен (Сениң раҳметиңнен) айырылған қылма!".

📱http://t.me/nasiyatuz

Аўқатланыў ўақытындағы жағымсыз ислер

Аўқатланыў ўақытында жағымсыз саналған ислерди қылыў адамларға хош келмейди. Олардың иштейин кетиреди. Аўқаттан да берекет кѳтериледи.
Аўқатланыў әдебине туўры келмейтуғын макруҳ (жағымсыз) ислер 3 түрге бѳлинеди:

I) Аўқат жеўдеги макруҳ ислер:

1. Шеп қолда аўқатланыў;
2. Аўызындағыны жутпастан аўқатқа қол созыў;
3. Тик турып яки жүрип аўқатланыў;
4. Жамбаслап ямаса аяқты созып аўқатланыў;
5. Аўызындағы аўқат пенен сѳйлеў;
6. Шылпылдатып жеў, қурыллдатып ишиў;
7. Асығып аўқат жеў;
8. Әстен аўқат жеў;
9. Аўқатқа үплеў;
10. Тойғаннан кейин де жей бериў.

II) Ѳзин тутыўдағы макруҳ ислер:

1. Аўқатты айыплаў;
2. Жағымсыз сѳзлерди сѳйлеў;
3. Дастурханға қарап жѳтелиў, түшкириў;
4. Мурын, тис яки қулақты шуқлаў;
5. Бир жерин қасыў.

III) Басқалар менен аўқатланғандағы макруҳ ислер:

1. Аўқатқа шақырғанда тез келмеўлик;
2. Жасы үлкенлерден алдын аўқатты баслаў;
3. Биреўдиң аўызына яки аўқатына қараў;
4. Тағамның жақсысын ѳзине алыў;
5. Биреўдиң алдындағыны алып жеў;
6. Ҳәммеден алдын қолды тартып алыў;
7. Адамлар жеп болғаннан кейин де жей бериў;
8. Басқалардан тез ҳәм кѳп жеў;
9. Ҳәммеден кѳп сѳйлеў;
10. Үндемей отырыў.
Булардан тысқары қасық ҳәм ыдысларды қатты тақылдатыў, тѳгип-шашып аўқатланыў да жақсы емес. Сынған ҳәм жарылған ыдыстан аўқат жеў саламатлық ушын зыян болады.

📚"Бала – әдеби менен әзиз" китабынан.

http://t.me/nasiyatuz

#Зикир_лер

🤗«БИСМИЛЛӘҲ» деп баслаң, «ӘЛҲӘМДҮЛИЛЛӘҲ» деп тамамлаң.

❤️ Не ушын «ЛӘӘ ИЛӘӘҲӘ ИЛЛАЛЛОҲ» дегенде, еринлер бир-бирине тиймеўин билесизбе? Себеби өлим келгенде аңсат еслеў ҳәм айтып атырғанда қыйналмаў ушын. Бул Аллаҳтың бенделерине болған раҳмети..!✔️

🔹 «ЛӘӘ ИЛӘҲӘӘ ИЛЛАЛОҲ» кәлиймасы менен дем алың.

🔸 Өзиңизди «АСТАҒФИРУЛЛАҲ» деп ескертип қойың.

🔹 Азаплансаңыз, қыйналсаңыз «ӘЛҲӘМДҮЛИЛЛӘҲ» деп айтың.

🔸 Таң қалғаныңызда «СУБҲАНАЛЛОҲ» деп айтың.

💖 РАСУЛУЛЛАҲ САЛЛАЛЛАҲУ АЛАЙҲИ ЎА САЛЛАМға салаўат айтып шадланың.

☝️ «ИННӘӘ ЛИЛЛӘҲИ ЎӘ ИННӘӘ ИЛӘЙҲИ РООЖИЙЪУН» (Биз Аллаҳтикимиз ҳәм әлбетте Оған қайтамыз) деп қайғыны сезиниң.

☝️ «МӘӘ ЩӘ АЛЛОҲУ ЛӘӘ ҚҮЎЎӘТӘ ИЛЛӘӘ БИЛЛӘҲ» деп көзиңиздиң зәҳәрин кеткизиң.
♾♾♾♾♾♾♾♾♾♾♾♾♾♾
  🚢 Ҳәзир алдыңыздан истиғфар айтыўшылардың кемеси өтеди, егер сиз де сол жолаўшылардың бири болыўды қәлесеңиз, истиғфарды мүмкиншилигиңиз барында айтып қалың.

💯 Ҳақыйқат…

     Бир ҳаялдың жас қызы қайтыс болғанда, көзи толы жас пенен күлимсиреп: «Ақыретке барғанымда, жәннет есигин қақсам, мени күтип алыўшы периштем бар енди».

🗝 «Мүсийбет сабырының гилти бул – ЖӘННЕТ».

📱http://t.me/nasiyatuz

#Қараң

ЗЫЯНЛЫ НӘРСЕЛЕР

🌿 1 – Әмелсиз илим.

🌿 2 – Ықлассыз әмел.

🌿 3 – Жумсалмайтуғын мал-дүнья.

🌿 4 – Аллаҳтың муҳаббатынан бос қәлб.

🌿 5 – Аллаҳтың таатынан бос қалған дене.

🌿 6 – Ийги ис қылынбай өткерилген ўақыт.

🌿 7 – Пайдасыз нәрсе ҳаққында жүргизилген пикир.

  🌿 8 – Хызмети Аллаҳқа да, дүньялық пайдаға да жақынластырмайтуғын адамлардың хызметин қылыў.

🌿 9 – Иқтыяры Аллаҳтың қолында болған кимседен үмит қылыў ҳәм қорқыў.

✍ Ибн Қаййум раҳимаҳуллаҳ

📱http://t.me/nasiyatuz

#Қураный_дуўа

   ӨТКЕНЛЕРДИҢ РУЎҲЫНА БАҒЫШЛАНАТУҒЫН ДУЎА

Бул дуўа ийманда өткен ата-бабалардың руўҳына бағышлаў ғана емес, өзимиздиң ҳәм заманлас бирадарларымыздың гүналарын кешириўин Аллаҳтан сораў ушын да айтылыўы мүмкин.

رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ، وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا، رَبَّنَا إِنَّكَ رَءُوفٌ رَحِيمٌ

Айтылыўы: "Роббәнәғфирләнәә ўә лий-ихўәәнинәлләзийнә сәбәқуўнәә бил-иймәән, ўә ләә тәжъал фий қүлүўбинәә ғилләллилләзийнә әәмәнүў Роббәнәә иннәкә Роуўфур Роҳийм".

Мәниси:

«Я Рәббимиз! Өзиң бизлерди ҳәм бизлерден алдын ийман менен өткен бирәдарларымызды кешир ҳәм кеўиллеримизде ийман келтиргенлерге деген жек көриўшиликти (пайда) қылма! Я Рәббимиз! Әлбетте, Сен – Меҳрибан, Рейимлисең».

Ҳашр сүреси, 10-аят.

📱http://t.me/nasiyatuz