ҚҰРАЛАЙ ХАНЫМ

Қайырлы күн🌸
Менің қызым Камиланың телеграм каналына жазылып қойыңыздар!

Шетелде өмір сүру, оқу гранттарын алу т.б. Қазақ тілінде сауатты ақпарат алғысы келетін ұл-қыздарыңызды тіркеп қойсаңыздар болады

Ақынның өлең жазуы
Суретшінің сурет салуы
Бизнес бастау
Адамдарды басқару
Бүкіл қасиетіміз, нұрымыз, креатив идеяларымыз - бәрі - бәрі жан деңгейінде жасалады.

‼️Сондықтан да рухты оятамыз, қыздар

❓Жан қай кезде емделеді?

Ең бірінші - бұл Аллаға деген сенім. Сіздің иманыңыз, дұғаларыңыз, намазыңыз, оразаңыз, т.с.с.

Екінші - өміріңіздегі жақсы адамдар. Біз уже әліміз құрып, үзіліп бара жатқанда, Алла біздің өмірімізге жақсы адамдарды жібереді екен. Рухыңызды көтеру үшін.

Үшінші - табиғат арқылы. Тауға барыңыз, теңізге түсіңіз, жерде жалаңаяқ жүріңіз, места силыға барыңыз. Табиғат адамның рухын өте қатты көтереді.

Осы үш нәрсе арқылы сіз жаныңызды емдеп ала аласыз.
Бұл өте маңызды, себебі құр сана мен тән деңгейінде өмір сүрсек, біздің өміріміз қате шешімдерге, қиындықтарға толы болады.

Құралай ханым

«КҮЙЕУІМНІҢ КӨҢІЛІНЕН ҚАЛАЙ ШЫҒАМЫН?!»
(әйелдерге арналған маңызды кеңестер)

Алла Тағала ерлі-зайыпты екі жасқа олардың отау көтерудегі мақсатын айқындап берген: «Әрі сендердің тыныштық, тыным тауып орнығуларың үшін өздеріңнен жұбайлар жаратуы және араларыңда сүйіспеншілік пен мейірім-жанашырлық пайда етуі де – Оның белгілерінен» («Рум» сүресі, 21-аят). Яғни ер мен әйел үнемі «Алла берген сүйіспеншілік, мейірім-жанашырлықты қалай сақтап қаламыз?» және «Жарымның тыныштық, тыным табуы үшін не істей аламын?» деген сауалдарға жауап іздеп, тапқанын амалына асыра алғанда ғана отбасы баянды болмақ.

🌸1. "ҰМЫТШАҚ" БОЛҒАН ЖАҚСЫ!
Сіз бір күнә жасасаңыз, дереу Алладан кешірім сұрайсыз. Сол секілді жарыңыздың кейбір ұсақ қате-кемшіліктеріне де «жарайды» деп қол сілтеуге, елеп-ескермей өткізіп жіберуге тура келеді. Сіз бір үлкен күнә жасасаңыз, арнайы тәубе намазын оқып, сол күнәңізді тастайсыз, өкінесіз, содан кейін қайталамайсыз. Дәл осылай, арада болған үлкен кикілжің, түсініспеушіліктерді біржола ұмытып, «тез қайтқыштық», «ұмытшақтық» қасиетіне орын беріп, жүрегіңізді өкпе-реніштен босатыңыз. Жарыңыздың одан кейінгі қарым-қатынастарына есік ашып беру керек болады. Бұл – өте қиын. Әйтсе де бұлай жасау сіздің қолыңыздан келеді!

🌸2. "СЕН ӘЛЕМДЕГІ ЕҢ КЕРЕМЕТ ЖАНСЫҢ!"
Жақсы сөз – садақа. Сіздің аузыңыздан шығатын бұл садақаға жан жарыңыздан артық лайық адам бар ма? Оның сізге жасаған қамқорлығы мен сүйіспеншілігіне орынды айтылған бір ауыз комплимент – екі есе керемет істермен қайтады. Мақтау, қолдау сөздерді естіген ер адам алға жылжиды. Ол одан да жақсысын жасауға талпынады. Сіз білесіз бе, асыл дініміз ер мен әйелге араларын жақындастыру мақсатында осындай әдістерге баруға рұқсат берген. Сол себепті әйел адам үнемі (олай болса да, болмаса да): «Сіз әлемдегі ең керемет күйеусіз!», «Әлемдегі барлық әйелдің күйеуі сіз сияқты болса, ешкім де бақытсыз болмас еді!», «Сіз Алланың маған берген ең үлкен бақытысыз!» деген секілді сөздерді айтып тұрғаны жақсы.

🌸3. ОҒАН МЫНА ҮШЕУІН ДЕ ЖАСАП КӨРІҢІЗ!
Еркек үйдің отағасы, тіреуі бола тұра, күтімі жағынан келгенде үйдің үлкен баласы екенін ұмытпайық. Ол әйелінің анасы сияқты өзіне қамқорлық жасағанын, қарындасы сияқты өзін сыйлағанын және сүйген жар ретінде өзіне адал болғанын қалайды. Ендеше, оған керек кезде "ана", кейде "қарындас","сүйікті жар" бола біліңіз.

🌸4. ЖАРЫҢЫЗДЫ МЫНА ӘДІСПЕН БАУРАЙ БІЛІҢІЗ!
«Қызда қылық болмаса, құр шырайдан не пайда?» деп Бұқар жырау айтқандай, ер адамды қылығыңызбен баурап үйреніңіз. Еркелете біліңіз, өзіңіз де еркелей біліңіз. Тек шектен шығып кетпеңіз. Ақылды ерке атаныңыз. Себебі, «әйел еркелесе – бәрін де жеңеді» Осыны ұмытпағынымыз дұрыс)

🌸5. ТӘТТІ СӨЗДЕРДІ ДЕ ҚОЛДАНУЫҢЫЗҒА БОЛАДЫ!
Жолдасыңыз іссапармен не жұмыс бабымен сыртта жүргенде әсерлі сәттерді суретке түсіріп, оған жолдап отырыңыз. Сезіміңізді білдіретін тәтті сөздерді СМС арқылы жолдап, әлеуметтік желілерде түрлі жағымды смайликтерді пайдалануға болады. Бұл әдістерді жастар қауымы жиі пайдаланып жүрген болар, ал орта жастағы ерлі-зайыптылардың қатынасына серпіліс әкелетініне сенімдіміз.

🌸6. МЫНА ӘДІС АРАДАҒЫ СЕЗІМНІҢ КҮШЕЮІНЕ СЕБЕП БОЛАДЫ!
Күйеуіңізге ыстық ванна дайындап, бөлмеңізді сәндеп, естен кетпес кештер ұйымдастырыңыз және оны өз қолыңызбен тамақтандырыңыз, массаж жасап беру секілді әрекеттердің өзі – арадағы сезімнің күшеюіне себеп болмақ. Әйелінің тізесін жастанып Құран оқыған еркектің бейнесі нендей керемет еді?! Ендеше, осы әдісті жасап тұруға тырысып көріңіздер.

🌸7. БҰЛ – РҰҚСАТ ЕТІЛГЕН ӘРІ ЕҢ ӨТІМДІ ӘДІС!
Сезіммен сиқырлаудың тағы бір ұтымды әдісі бар. Ілгергі буынның ізгі ғалымдары: «Егер қайсыбір әйел күйеуі үшін күнде әтірленетін болса, ерінің көзінше әсем киініп, үнемі оның сүйікті тамағын дайындап, ол жоқ кезде дүние-мүлкіне сақ болатын болса, ол әйел күйеуін сиқырлап алады» деген. Бұл – рұқсат етілген әрі ең өтімді әдіс! «Өзіміз ғой, сыртқа шыққанда киінемін, үйде боянуға уақыт
жоқ» деу – үлкен ағаттық. Сіздің сұлулығыңызды көруге лайықты жалғыз жан тек жарыңыз екенін ұмытпаңыз!

P.S. Ақпарат желіден алынды.

Отбасылық өмірден мыналарды күтпеңіз 👇🏻


Отбасы құрғанда өз көзқарастары мен үміттері бар екі адам қосылады. Отбасылық өмір олар ойлағандай бола бермейді, кейде олардың үміттері ақталмай жатады. Көңіліңіз қалмас үшін отбасылық өмірден нені күтпеу керек?

"Ол менің бақытым үшін жауапты" ❌

Өзіңіздің бақытыңыз үшін жауапкершілікті тек серігіңіздің мойнына іліп қоймаңыз. Күйеуіңізде сіздің қажеттіліктеріңізді немесе үміттеріңізді қанағаттандыратын мүмкіндік әркез бола бермейді. Бақыт — көбіне өзіңізге байланысты болатын эмоция. Ол әдеттерден, әлемге деген көзқарасыңыздан және айналаңыздағы жақсы нәрселерді байқай алудан қалыптасады. Сізді бақытты ететін басқа да нәрселер табу маңызды: хобби, жаныңызға жақын жұмыс, жағымды ұсақ-түйектер.

"Ол мені әркез түсінуі керек"❌

Өкінішке орай, серігіңіз қатты тырысса да, сізді әркез 100% түсіне бермейді. Мысалы, ер адам әйелдердің жүктілік кезіндегі сезімдерін түсінбейді. Себебі ол физиологиялық тұрғыда мүмкін емес. Әрине, мұнымен оның осындай қиын кезеңде сізге қолдау көрсетпеуі дұрыс дегіміз келіп тұрған жоқ. Тек кей сұрақтарда мінсіз түсінікке жету мүмкін емесіне дайын болу маңызды екенін жеткізгіміз келеді.

"Ол достарынан бас тартады"❌

Кей жұптар некеге отырғаннан кейін серігі кей достарынан бас тартуы керек немесе оларға өте аз уақыт бөлу керек деп санайды. Алайда дұрыс қарым-қатынаста серігінің достық қатынастары мен қызығушылықтары да махаббат секілді маңызды. Ешкім серігі мен жақын достары арасында таңдау жасағысы келмейді. Оған қоса, адамның жеке кеңістігі болса, ол берік әрі сенімді қарым-қатынас жасауға мүмкіндік береді.

"Ол өзгереді" ❌

Серігіңіздің өзіне тән мінез-құлқы мен нақты әдеттері бар. Сізге оның кейбіреулері ұнамауы мүмкін. Бірақ отбасы құрсаңыз, оны өзгертіп алу оңай болады деп өзіңізді жұбатпаңыз. Әр адам өзі қаласа ғана өзгере алады. Оған қоса, серігіңізді өзгерткіңіз келуі өз таңдауыңызға деген сенімсіздікті көрсетеді.

"Біздің пікірлеріміз бен көзқарастарымыз үнемі бір жерден шығады"❌

Сіз кешкісін фильм қарағыңыз келсе, ол тыныш жерде кітап оқып отырғысы келуі мүмкін. Бос уақытты қалай өткізу жайлы пікірлеріңіз әркез бір жерден шықпауы мүмкін. Бұл басқа да сәттерге байланысты: саяси көзқарастар, талғам, тәрбиелеу әдістері. Бірақ айырмашылықтардың болуы екеуіңіздің бір-бірлеріңізге келмейтіндігіңізді білдірмейді. Мұндай айырмашылықтар ерлі-зайыптыларды қызықты әрі бірегей жеке тұлға етеді. Бірақ ортақ құндылықтарды табу маңызды.

Ал сіз жолдасыңыздан не күтесіз? Көбінесе не үшін ренжісесіз?

Ақпарат дереккөзден алынды

Баяғыда 3 бақа бақыт іздеп жолға шығыпты.

Жолда бұларға шыбын-шіркей, жәндіктің бәрі қайда барасың сорлы бақа, қайт, ертең барыңнан айырылып өлесіңдер деп айқайлапты.

Жарты жолда, бір бақа райынан қайтып, үйіне оралыпты.
Екі бақаға да алда түрлі жәндік-жануар атаулы кездесіп, қайт-қайт деп шуылдасыпты. Айналасына жалтақтаған екінші бақа да, жолдан қайтыпты.

Айлар жүріп, түрлі қиындық пен қызықтарды көріп, бақытына жеткен бақаға, айналасындағылар таңданып, қалай жеттің деп сұраса, әлгі байғұстың құлағы естімейді екен...

Мен де сол:

- Осы жерден қайт, Құралай!
- Қайдағы Ханымсың, еріккен хотунсың.
- Қолыңнан келмейді!, - деген сөздерді кезінде естімей, саңырау бақа секілді, алға баса бергенім дұрыс болыпты...

Адамдардың аласымен де, құласымен де танысып, түрлі қызық-қызық оқиғалардың куәсі болып, аяғым жер планетасының бұрыш-бұрышын кезіп және көптеген қыз-келіншектің санасының трансформациялануының себепшісі болғаныма риза болып отырмын 💖

Өмір ғажап қой, қыздар 💎
Сүре білген адамға!
Қорықпаңыздаршы Құдай үшін!


Құралай ханым