Telegram-канал "Үйде жатпа!" — @uidezhatpa

Үйде жатпа!

18 Nov, 11:43

💡💡💡💡💡💡💡

Білім алуға деген құлшынысты қалай оятуға болады? — 5 әдіс

1️⃣ Ең алдымен “не үшін үйренгім келеді” деген сұраққа жауап беріп, нақты мақсаттардың тізімін жазыңыз☝🏻

✍🏻 Оларды қағазға жазып, көз алдыңызға елестетіңіз. Мектепке барғыңыз келмеген сәтте, сол тізімді оқып шығыңыз. Осы сәтте автоматты түрде шабыт пайда болады.

2️⃣ Барлық істен қызықты нәрсе табыңыз

Зерттелетін материалдың сіздің өміріңізбен қандай байланысы бар екенін қарастырыңыз. Мысалы, әдеби кітапты оқудан жалықсаңыз - мұндағы кейіпкерлермен ортақ нәрсені табуға тырысыңыз. Ал егер биологияны оқығыңыз келмесе, өзіңіз және басқа тіршілік иелері туралы қаншалықты көп білетініңізді елестетіп көріңіз.

3️⃣ Таймер пайдаланыңыз⏰

📌Сабақ оқуға 30-50 минут бөліп, содан кейін қысқа үзіліс жасаңыз. Ол аяқталғаннан кейін оқуға қайта кірісіңіз.

4️⃣ Өзіңізді үнемі жігерлендіріп отырыңыз✅

Сабақ оқып болғаннан кейін өзіңізді марапаттаңыз. Мәселен, сүйікті тамағыңызды жеп, үй жануарларымен ойнаңыз, қызықты видео қараңыз немесе ыстық ванна қабылдаңыз. Ал емтиханнан кейін өзіңізді әлдеқайда маңызды нәрсемен қуантыңыз. Мысалы, достарыңызбен кофе ішіңіз немесе көптен бері қалап жүрген нәрсеңізді сатып алыңыз.

5️⃣ Біреумен үйреніңіз👫

Ол адаммен бір бөлмеде бірге тұрудың қажеті жоқ. Бірақ сіздің мәселелеріңізге бей-жай қарамайтын және сіздің жетістіктеріңіз туралы сөйлесетін адамның болуы маңызды. Бір-біріңізге әр апта сайын жасалған жұмыс туралы есеп беріп отырыңыздар. Осы кезде мақсатқа жету оңай болады және уақытты тиімді басқарасыздар.

#қазынакеңес

328 0 5 1 4

Үйде жатпа!

18 Nov, 06:30

💡📆📆📆📆📆18 қараша

🔍1991 жылдың 18 қарашасында қандастарды Қазақстанға көшіру басталды. Бұл күні Қазақ КСР Министрлер кабинеті шетелдегі этникалық қазақтарды Қазақстанға көшіру туралы қаулы қабылдады. Құжат қандас бауырларымыздың туған жеріне оралуының тарихи нүктесі болды. Қазақстан Республикасы тәуелсіздік алған сәттен бастап 1,1 миллионнан астам қазақ тарихи отанына қоныс аударған.

💊18 қарашада Біріккен Ұлттар Ұйымының бастамасымен Дүниежүзілік антибиотиктерді дұрыс пайдалану апталығы басталады. Көптеген адам вирустарды басу үшін антибиотиктерді өз бетінше қабылдап жатады. Бұл келеңсіз жайттарға алып келеді. Мәселен, дәрі-дәрмекке деген сезімталдық төмендеп, дисбактериоз бен басқа да жанама әсерлердің пайда болуына әсер етеді. Ал ал ең нашар жағдайда адам тіпті өліп кетуі де мүмкін. Бұл апталық тұрғындарға антибиотиктерді дұрыс тағайындауды және қолданудың маңызын еске салуға арналған.

🏰Бүгін әлемдегі ең танымал кейіпкерлердің бірі Микки Маус 96 жасын атап өтеді. 1928 жылы 18 қарашада осы кішкентай тышқан бейнеленген "Пароход Вилли" толық метражды мультфильмі жарыққа шықты. Уақыт өте келе ол Дисней студиясының символына және американдық поп-мәдениеттің көрнекті кейіпкеріне айналды. 20 жыл бойы Уолт Дисней Микки Маустың дауысын өзі дыбыстаған.

Сіздің сүйікті мультфильм кейіпкеріңіз кім?

❄️Бүгін — танымал кейіпкер Аяз Атаның туған күні. Ресей жеріндегі Ұлы Устюг ресми түрде оның Отаны деп танылды. Сондықтан олар мереке алдында ерекше дайындық жасайды. Бұл күні Аяз Атаға жазылған құттықтау хаттарды табыстауға болатын арнайы пошта жәшіктері қойылады. Аяз атаның нақты нешеде екені белгісіз. Бірақ ол шамамаен 2000 жастан асқан болуы мүмкін. Сонымен қатар ол әр уақытта түрлі образдарға ие болып, есімі де өзгеріп отырғаны анық.

Сіз жаңа жылға дайындықты бастадыңыз ба?

#күнтізбе #18қараша #жаңажыл

721 0 0 2 3

Үйде жатпа!

17 Nov, 13:02

💡🎞🎞🎞🎞🎞

Бүгінгі кино шолуымыз “Судьба” атты драма фильміне арналады.

Керемет актерлер мен қызықты сюжет ешкімді бей-жай қалдырмайтынына сенімдіміз.

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау білдіріп кетіңіз❤

https://youtube.com/shorts/JCQ4wr5GAJg

#судьба #кино #фильм #кинообзор #рек #үйдежатпа #драма #алматы #мегаполис

Алматыда ақшасыз қалай аман қалуға болады? | Қазақша кино шолу | Кинообзор | Судьба

1k 0 1 5 10

Үйде жатпа!

17 Nov, 07:30

💡📆📆📆📆📆 17 қараша

👏Бүгін - Халықаралық студенттер күні. Бұл мереке жастық шақтың, романтика мен шат-шадыман көңіл күйдің символы болғанымен, оның тарихы қайғылы оқиғалармен астасып жатыр. 1939 жылы фашистер басып алған Прагада студенттер мен оқытушылар Чехословакия мемлекеті құрылған күні нацистерге қарсы шеруге шығады. Ал басқыншылар шеруді күшпен басады. Нәтижесінде көптеген адам қамауға алынып, бір студент оққа ұшады. 17 қарашада ажал құшқан студентті жерлеу рәсімінде тағы да наразылық акциясы болады. Мұнда жастардың көбі тұтқынға алынып, жер аударылып және өлім жазасына кесіледі. Сонымен қатар барлық оқу орны жабылады. 1946 жылы Дүниежүзілік студенттер конгресінде осы оқиғаны еске алу мақсатында бұл күн студенттер күні болып бекітілді.

Барлық студентті мерекемен құттықтаймыз!

👤17 қарашада ата-аналар мен олардың сәбилерін қолдау мақсатында халықаралық шала туған нәрестелер күні аталып өтеді. ДДҰ мәліметтеріне сәйкес, жыл сайын әлемде 15 миллион нәресте мерзімінен бұрын өмірге келеді. Қазақстанда олардың саны — 22 мың. 2008 жылдан бастап еліміз ДДҰ-ның аман-есен өмірге келген нәрестелерге байланысты жаңа талаптарына көшті. Мұнда 500 гр салмақта шала туған шақалақтар 22 аптасынан бастап ем қаблыдайды. Арнайы күтім мен емдеудің тиімді әдістерінің арқасында мұндай балалардың өмір сүру деңгейі 80% - ға жетті. Бұрын бұл көрстекіш 20-30%-ды ғана құрайтын. Шала туған балалар дені сау әрі толыққанды азамат болуымен қатар, олардың арасынан ұлы тұлғалар да шыққан. Мәселен, Альберт Эйнштейн, Исаак Ньютон, Бонапарт Наполеон және басқа да танымал тұлғаларды атап өтуге болады.

👀Қарашаның үшінші жексенбісі – Дүниежүзілік жол-көлік апаты құрбандарын еске алу күні. Жол қозғалысынан туындайтын келеңсіз жайттар көп болғандықтан, жүргізушілер мен жаяу жүргіншілерге ережелерді қатаң сақтау талап етіледі. Қауіпсіздікті нығайту мақсатында іс-шаралар жүргізіліп, айыппұл мөлшері артқанымен, жолдарда төтенше жағдайлардың өсуі тоқтамай тұр. Өткен жылы Қазақстанда жол-көлік оқиғасы салдарынан 19 554 адам зардап шегіп, 2543 адам қаза тапты. Апаттың басым бөлігі Алматы қаласында, Алматы және Жамбыл облыстарында орын алады.

Жолда абай болыңыздар!

👥17 қарашада өмірге келген танымал адамдар. 84 жыл бұрын көрнекті қазақ ғалымы және археолог Карл Байпақов (1940-2018) дүниеге келді. Оның Отырар, Құрықтөбе, Қостөбе қорымы, Қойлық қалашығындағы будда ғибадатханасы және басқа да нысандарды зерттеуі Қазақстан мен Орталық Азияның ежелгі тарихының негізін кеңейтті. Ғылымға айтарлықтай үлес қосқан қайраткердің 50-ден астам монографиясы, жоғары оқу орындарына арналған Қазақстан археологиясы бойынша 6 оқу құралы, 15 альбомы және 500-ден астам ғылыми мақаласы бар. Сондай – ақ бүгін XXI ғасырдың ең ұлы және ықпалды кинорежиссерлерінің бірі Мартин Скорсезе 82 жасқа толды. Өнер иесі Оскар және басқа да беделді марапаттардың иегері. Ол Роберт Де Ниро мен Леонардо Ди Каприо сынды танымал актерлермен үнемі жұмыс істейді. Режиссердің ең көрнекті картиналары - "Славные парни”, “Банды Нью-Йорка”, “Авиатор”, “Волк с Уолл-стрит”, және “Убийство цветочной луны”.

Сізге Мартин Скорсезенің соңғы фильміне шолу ұнады ма? https://youtube.com/shorts/1oKfqmXOgpM?si=R1YFwZAES6QUyQ90

#күнтізбе #17қараша #студенттер

Убийцы цветочной луны - оскарға лайық фильм | Кинообзор | қазақ тілінде киноға шолу

1.1k 0 2 10 12

Үйде жатпа!

16 Nov, 14:40

💡🎞🎞🎞🎞🎞

⚔ Бүгінгі кино шолуымыз “Гладиатор 2” атты боевик фильміне арналады.

Керемет актерлер мен қызықты сюжет ешкімді бей-жай қалдырмайтынына сенімдіміз.

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау білдіріп кетіңіз❤

https://youtube.com/shorts/VH3ADP26GyQ

#гладиатор2 #кино #фильм #кинообзор #рек #үйдежатпа #гладиатор #драма #рим #история #тарих #боевик

Неліктен "Гладиатор 2" фильмін көру керек? | Қазақша кино шолу | Кинообзор

1.2k 0 0 5 11

Үйде жатпа!

16 Nov, 08:30

💡🎬🎬🎬🎬🎬🎬🎬🎬🎬🎞

Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызықты іс-шараларды пікірде бөлісе аласыз.

АЛМАТЫ:

🗣"Оқиғалар желісі" көрмесі

Efes Art Space-тің кезекті көрмесінде қазақстандық суретші Майя Колосова диджитал коллаж техникасымен орындалған туындыларын ұсынады. Мұнда автордың терең сезімдері мен әлемге деген ерекше көзқарасы бейнеленген.

Орны: Орталық көрме залы, Желтоқсан көшесі, 137
Күні: 16 және 17 қараша, 10:00 – 19:00

👏Öziñ zine fair жәрмеңкесі

Көрмеде қазақстандық ерекше авторлардың жұмыстарымен таныса аласыздар. Ал жәрмеңкеде зиндер (әуесқойларға арналған шағын тиражды басылымдар), арт-кітаптар және әртүрлі әдемі әшекей-бұйымдар ұсынылады. Сонымен қатар қызық воркшоптар, дәрістер мен талқылаулар өтеді. Бұған қоса, зиндерді басып шығаруға арналған шеберхана да жұмыс істейді.
Осы сәтті пайдалана отырып, сіз де өзіңіз қалаған зинді басып шығарып, үйіңізге алып кете аласыз.

Орны: Бәрібаев 36-дағы үй, Бәрібаев көшесі, 36
Күні: 16 және 17 қараша, 12:00 – 20:00

🤑Фатима Өмірдің “Сары жол" атты жеке көрмесі

Суретші әңгімелерін кескіндеме арқылы баяндап, оларды шынайы өмірдегі заттармен толықтырады. Экспозицияда көп мөлшерде сары түс қолданылады. Ол кеңістікті жылу мен жарыққа толтырып, ең қараңғы сәттердің өзінде қуаныш пен үміттің бар екенін еске салады.

Орналасқан жері: 101 Dump галереясы, Панфилов көшесі, 101
Күні: 16 және 17 қараша, 14:00 – 22:00

😱"Әй-ел!” көрмесі

Суретшілердің жұмыстары Салтанат Нүкенованың қайғылы тарихына арналған. Сондай-ақ зорлық-зомбылықтан зардап шеккендерді қолдауға, қоғамдағы осы мәселені белсенді талқылауға бағытталған. Көрме 9 қараша күні сағат 16:00-де ашылады. 10 қарашада "тұрмыстық зорлық-зомбылыққа қарсы қоғамдағы өзгерістер" панельдік пікірталасы өтеді.

Орны: Бәрібаев 36-дағы үй, Бәрібаев көшесі, 36
Күні: 16 және 17 қараша, 09:00 – 21:00

🥳Ice Party

"Медеу” мұз айдынында Халықаралық студенттер күніне арналған іс-шара өтеді. Қатысушыларды арнайы автобус, ыстық шай, фотосессия, шоу-бағдарлама және сыйлықтар күтеді. Мұз айдынына кіру құны – 1000 теңге. Конькиіңізді өзіңізбен бірге ала келіңіз (конькиді жалға алу ақысына жеңілдік жасалады, бағасы – 1000 теңге).

Орны: Сәтбаев және Байтұрсынов көшелерінің қиылысында жиналады.
Күні: 17 қараша, 07:00

😊"Қайта өрлеу" заманауи өнер көрмесі

Көрме трансформация, жаңару, ішкі және сыртқы шекараларды еңсеру сынды тақырыптарды зерттейтін авторлардың жұмысын біріктіреді. Негізгі назарда — жеке және ұжымдық жаңғыру идеялары, пішіндер мен мағыналардың метаморфозалары, сондай-ақ өзгеру үдерісіндегі өткен мен болашақтың өзара әрекеттесуі.

Орналасқан жері: Esentai Mall, Әл-Фараби даңғылы 77.8
Күні: 16 және 17 қараша, 10:00 – 22:00

АСТАНА:

🤩"SHE RUG" көрмесі

Көрме қазақ кілемі мен қазақтың заманауи тоқыма өнерінің интерпретациясына арналған.

Орны: Forte Kulanshi Art Space, Достық көшесі 8/1
Күні: 16 және 17 қараша, 10:00 - 20:00

👏Вячеслав Лидің "Таңғы алаңдаушылық " көрмесі

Қазақстандық суретші Еуразиялық көркемөнер Одағының және басқа да халықаралық жобалардың көрмелерінің жеңімпазы, жүлдегері және қатысушысы.

Орны: "Жастар" сарайы, Республика даңғылы, 34
Күні: 16 және 17 қараша, 12:00 – 18:00

Естеріңізге сала кетейік, әр жұма сайын біздің арнада өткізілетін викторинада Қазақстанның кез келген қаласынан кез келген фильмге тегін билеттер ұтып алуға болады. Сонымен қатар ең көп пікір қалдырған үш белсенді оқырманға айына бір мәрте киноға тегін билет табыстаймыз. Демалыс күндеріңіз жақсы өтсін! Баршаңызға сәттілік!

1.9k 0 3 8 27

Үйде жатпа!

16 Nov, 07:00

💡📆📆📆📆📆 16 қараша

👏Бүгін – Панфиловшы батырлардың ерлігіне арналған күн. 1941 жылдың 16 қарашасында Мәскеуді фашистік басқыншылардан қорғау кезінде генерал Панфиловтың қазақстандық дивизиясынан шыққан 28 жауынгері жанкешті ерлік көрсетті. Олар жиырмаға жуық танкті жойып, немістердің шабуылына тойтарыс берді. Мәскеу түбіндегі шайқастарда басқа да батырлықтың үлгісі көрініс тапқанымен, тарихта дәл осы панфиловшылар ерлігі ерекше орын алады. Бұл соғыс жылдарында халыққа жігер сыйлап, аңызға айналды. Дивизия құрамының 40%-ы қазақтардан, 30%-ы орыстардан құралды, ал қалған 30%-ы Қазақстанда өмір сүрген 26 ұлт өкілінен еді. Оның қатарында белгілі қазақтар – Бауыржан Момышұлы, Мәлік Ғабдуллин және басқа да батырлар болды.

Батырларға мәңгілік даңқ!

🗣16 қараша - Халықаралық анорексиямен күрес күні. Қыздар мен әйелдер қауымы сыртқы келбетін заманауи сұлулық стандарттарына сәйкестендіру мақсатында тұтынатын тағам мөлшерін азайтады немесе тамақтануды мүлдем бас тартады. Ал бұл үлкен мәселеге жол ашады. Мәселен, салмақ тастау, тамақтану тәртібінің бұзылуы, көздің шөгуі, есінен тану, терінің құрғауы, тырнақтар мен шаштың сынғыштығы, тіпті инфаркттан болатын өлім туындайды. Анорексияны жеңген атақты адамдар арасында Анджелина Джоли, Леди Гага және Виктория Бекхэмді атап өтуге болады.

Диета ұстанғанда абай болыңыз!

💪16 қараша – Дүниежүзілік қолөнер күні. 1975 жылы ЮНЕСКО қолөнерді материалдық емес мәдени мұра қатарына қосты. Тарих беттеріне сүйенсек, қолөнердің ұмыт қалған сәттері мен қайта жаңғырған кезеңдері қатар жүрді. Дегенмен ол үнемі сән әлеміне қайта оралып отырды. Бүгінде қолдан жасалған әшекей-бұйымдар, тоқыма киімдер және басқа да hand made бұйымдар ерекше танымалдыққа ие.

Қазіргі таңда шеберлер сұраныста болуы үшін көне әдістер мен заманауи техникаларды қатар қолдана білуі қажет.

👥16 қарашада өмірге келген танымал ер адамдар. Бүгін Mario, Donkey Kong және басқа да танымал бейне ойындардың авторы Сигэру Миямото 72 жасқа толды. 28 жасында ол Nintendo компаниясына суретші болып жұмысқа орналасады. Мұнда ақыл-ойының арқасында компанияның бас менеджері қызметіне дейін көтеріледі. Миямото ойын индустриясындағы ең ықпалды адамдар тізімінде және оның есімі компьютерлік ойындардың “Даңқ” залында орналасқан. Көпшіліктің айтуынша, ол - қарапайым адам. Тіпті жұмысқа велосипедпен баратын көрінеді. Сондай – ақ бүгін Қазақстанның ең атақты боксшыларының бірі Серік Сәпиев 41 жасын атап өтеді. Серік 2012 жылы Олимпиада чемпионы атанды. Оған Вэла Баркер кубогы үздік техникалық боксшы ретінде берілді. Спортшы екі дүркін әлем чемпионы, екі дүркін Азия чемпионы, Әлем чемпионаттарының күміс-қола жүлдегері және Азия ойындарының жеңімпазы. Спорттағы мансабын аяқтағаннан кейін Серік саясатқа ауысты. 2021 жылы оның құрметіне "Боксшы" фильмі жарыққа шықты.

Сіздің сүйікті боксшыңыз кім?

#күнтізбе #16қараша

1.7k 0 0 14 10

Үйде жатпа!

15 Nov, 17:34

💡📰📰📰📰📰📰

Кеш жарық, қыздар мен жігіттер!

Назарларыңа бүгінгі күннің ТОП-3 жаңалығын ұсынамыз✅

🗣”Веном: соңғы би” фантастикалық фильмі Қазақстан, Орталық Азия және Кавказ елдерінің арасында 2 млрд теңгеден астам касса жинады

Сізге фильм ұнады ма?😍

https://youtube.com/shorts/OaViAm7eK4E?si=dafbtkLAp3PeyXdX

👏 Енді шұғыл әскерге шақыру туралы мәліметті eGov Mobile қосымшасынан көруге болады

Тағы бір жаңа қызмет іске қосылыпты👍

🥳 Қазақстанда жылқы шаруашылығы институты құрылады

Тамаша!🔥

👇Толығырақ сайттан оқыңыз👇

https://zhatpa.kz/kyn-zhanalyktary/venom-zhyl-y-sker-15-arashany-top-zha-aly-tary/

#новости #жаңалықтар #елденеболды

Мембер «Ninety One» написал саундтрек к фильму Веном: Соңғы би | ZAQ KIIM | Жаңалықтар | Новости

1.3k 0 0 7 7

Үйде жатпа!

15 Nov, 16:35

Тағы да сәлем қыздар мен жігіттер! Естеріңізге сала кетейік, кімдер комментті көп жазады, солар да киноға тегін билет алады!

1 желтоқсан күні қазан айында “ең белсенді болған оқырманға” билет табыстаймыз!

‼️‼️‼️‼️‼️‼️‼️‼️‼️‼️‼️
Егер бүгін біреу билет ұтып алмаса, уайымдамаңыз, біз билеттерді әр жұма сайын таратамыз.

Арнамыздағы ақпаратты қадағалап отырыңыз. Келесі жолы сұрақтарға бірінші болып жауап бересіз!

Бізде тағы бір жақсы жаңалық бар! Ең белсенді оқырмандарымызды ынталандыруды жөн көрдік. Әр айдың соңында біз ең көп коммент жазған 3 жеңімпазды анықтаймыз, оларға кез келген қаладағы кез келген фильмге 2 кинотеатр билеті беріледі.

Шарт - біздің жазбамыз шыққаннан кейін екі күннен кешіктірмей пікірлер қалдыру керек.

Бізді мақтаудың қажеті жоқ, біз әрқашан объективті сынды қабылдаймыз.
Біз өз тарапымыздан сіздерді пайдалы ақпаратпен байытуға уәде береміз. Жақын арада оқырмандарымызға киноға, музыкаға арналған жаңа бөлімдер сыйлаймыз.
Сонымен, ең белсенді комментаторларға арналған жаңа байқау басталды, оның қорытындысын 1 желтоқсан шығарамыз. Коммент жазыңыздар!

Тағы да сәлем қыздар мен жігіттер! Естеріңізге сала кетейік, кімдер комментті көп жазады, солар да киноға тегін билет алады!

‼️‼️‼️‼️‼️‼️‼️‼️‼️‼️‼️
Егер бүгін біреу билет ұтып алмаса, уайымдамаңыз, біз билеттерді әр жұма сайын таратамыз.

Арнамыздағы ақпаратты қадағалап отырыңыз. Келесі жолы сұрақтарға бірінші болып жауап бересіз!

1.1k 0 0 9 7

Үйде жатпа!

15 Nov, 16:35

Жеңімпаздарымызды құттықтаймыз🥳

896 0 0 4 5

Үйде жатпа!

15 Nov, 16:20

Сұрақтар 3:
1)Біз кеңес берген топ-5 кітап?

2)Фитнес күні қашан?

3)12 қараша дүниеге келген танымал ер адамдар?

1k 0 0 9 4

Үйде жатпа!

15 Nov, 16:10

Сұрақтар 2:
1)Бухгалтерлар күні қашан?

2)11 қараша дүниеге келген танымал адамдар?

3)Дүниежүзілік мейірім күні?

991 0 0 7 4

Үйде жатпа!

15 Nov, 16:01

Сұрақтар 1:
1)Соңғы аптадағы кино шолулар?

2)Қай жылы кириллицаға негізделген 41 әріптен тұратын жаңа қазақ әліпбиі бекітілді?

3)Энергия үнемдеу күні қашан?

1k 0 0 9 8

Үйде жатпа!

15 Nov, 15:31

‼️‼️💡❓❓❓❓❓‼️‼️

Кез-келген викторинадан ұту жолын тауып алатын өте пысық оқырмандарымыз бар 😄
Оқырмандарымыз әділдік сұраған соң, жаңа форматта өткізуді жөн көрдік☑️

Сол себепті, шарттар біршама өзгерді.

Сағат 18:00-де, 18:10-да, 18:20-да 3 пост шығады (3 түрлі сұрақтары бар). Әр посттың астында бірінші болып жауап берген қатысушымыз жеңіске жетеді.

Егер біздің арнамызды мұқият оқып жүрсең, барлық сұраққа дұрыс жауап бере аласың. Сәттілік!

Шарт:
✅Тез әрі дұрыс жауап жазу.

✅Біздің инстаграм парақшамызға тіркелу.
https://instagram.com/uidezhatpa?utm_medium=copy_link

ЕСКЕРТУ!
Жауап есептелмейтін жағдайлар:

1. Өз жауабыңның астына инста-аккаунтыңды жазып кетпеген кезде;

2. Жауап өзгертілген жағдайда;

3. Соңғы айда викторина жеңімпазы атанған жағдайда;

1k 0 0 2 6

Үйде жатпа!

15 Nov, 11:50

💡🎞🎞🎞🎞🎞

🩸 Бүгінгі кино шолуымыз “Жезтырнақ” атты комедия фильміне арналады.

Керемет актерлер мен қызықты сюжет ешкімді бей-жай қалдырмайтынына сенімдіміз.

Осындай қызықты контенттің тұрақты түрде шығып отыруы үшін лайк басып, пікір қалдырып, қолдау білдіріп кетіңіз❤

https://youtube.com/shorts/-MJ8rIqRPxI

#Жезтырнақ #кино #фильм #кинообзор #рек #үйдежатпа #мистика #фэнтези #миф #история #тарих

Мен Жезтырнақ фильмінен кейін ұйықтай алам ба? | Қазақша кино шолу | Кинообзор | Жезтырнак

1.1k 0 1 8 4

Үйде жатпа!

15 Nov, 07:29

💡🎬🎬🎬🎬🎬🎬🎬🎬🎬🎞

🎬"Жезтырнақ" мистикалық комедиясы. Мирас – Алматының қарапайым жігіті, оған сұлу да табысты Айна есімді ару ғашық болады. Бұл жаңалық Мирастың ата-анасын ерекше қуанышқа бөлейді. Осылайша олар бақуаттты отбасымен тезірек құда болуды әрі балаларының сол ортаға күйеу бала ретінде қосылуын асыға күтеді. Басты рөлдерде: Есентай Ниязбаев, Динара Мирасбек, Назгүл Қарабалина, Сырым Қашқабай. Жас рейтингі: 16+

Трейлер мына жерде: https://www.youtube.com/watch?v=NNHRQW9EGWQ

🎬"Судьба" драмасы. 19 жастағы ауыл баласы Азат ірі мегополис Алматыға арман қуып келіп, ағасы Мұраттың құрылыс бригадасында тас қалаушы болып жұмыс істеуді көздейді. Алайда Мұрат таудағы құрылыс нысанында кідіріп қалады, сондықтан ол ағасы қайтып келгенше Алматыда екі-үш күн ақшасыз өмір сүруіне тура келеді. Басты рөлдерде: Ермек Тұрғанбек, Индира Құлчанова. Жас рейтингі: 16+

Трейлер мына жерде: https://www.youtube.com/watch?v=PR9APRySjsY

🎬"Гладиатор 2" тарихи боевигі. Сюжет оқиғасы "Гладиатор" фильмінің түпнұсқасынан 25 жыл өткеннен кейін басталады. Басты рөлдерде: Пол Мезкал, Педро Паскаль, Дензель Вашингтон. Жас рейтингі: 18+

Трейлер мына жерде: https://www.youtube.com/watch?v=cd4rfpexOg8

🎬"Агент на уикенд" боевигі. Ол – кез келген тапсырманы орындай алатын арнайы агент. Басты рөлдерде: Люк Эванс, Сон Ган. Жас рейтингі: 18+

Трейлер мына жерде: https://www.youtube.com/watch?v=9mIFt0YLhl4

🎬"Заманчивое предложение" триллері. Түсік тастағаннан кейін жаңа өмір бастауға бел буған ерлі-зайыпты армандаған үйлерін сыйға алады, бірақ бір шарт қойылады – олар жертөленің есігін ешқашан ашпауы керек. Басты рөлдерде Скотт Спидман, Джордана Брюстер. Жас рейтингі: 18+

🎬"Вампиры лёгкого поведения" комедиясы. Рэдлилер отбасы — Хелен, Питер және олардың жасөспірім балалары Клара мен Роуэн шағын қалашықта тыныш өмір сүріп келеді. Бірде Клараға сыныптасы шабуыл жасайды. Қыз өзін қорғау барысында оны өлтіріп, сыныптасының қанын ішіп қояды. Басты рөлдерде: Келли Макдональд, Дэмиан Льюис. Жас рейтингі: 18+

Трейлер мына жерде: https://www.youtube.com/watch?v=5pIs0JFIrqA

🎬"Месье Азнавур" мелодрамасы. Фильмде аты аңызға айналған Чарльз Азнавурдың алғашқы қадамдарынан бастап әлемдік даңқты бағындыруға дейінгі кезеңі қамтылған. Басты рөлдерде: Тахар Рахим, Бастиен Буйон. Жас рейтингі: 16+

Трейлер мына жерде: https://www.youtube.com/watch?v=hWeOCLGsZV4

🎬"Руки Вверх!” өмірбаяны. Қыздардың жүрегін махаббат жайлы әсерлі әндермен жаулап алуды армандаған ауыл балаларының арасынан Сергей Жуков есімді өнер иесі жарып шығады.Ол жоғары сұранысқа ие әртіс атанып, бүкіл ұрпақтың дауысына айналады. Басты рөлдерде: Сергей Жуков, Алексей Потехин.

Трейлер мына жерде: https://www.youtube.com/watch?v=Gfpn7tO9M2s

🎬"Изгоняющий дьявола: Апокалипсис" қорқынышты фильмі. Жын-шайтанды қуып шығару рәсімін орындау кезінде ауыр жарақат алған атақты экзорцист туған қаласына оралады. Мұнда ол бірнеше адамды жамандық қаптағанын сезеді, себебі ең күшті жын-шайтан бір ғана денеде жасырын түрде басқаларға үстемдік етеді.
Басты рөлдерде: шарап Бастиан, Марша Тимоти. Жас рейтингі: 18+

Трейлер мына жерде: https://www.youtube.com/watch?v=Oygl3lpoICw

Жезтырнақ Трейлер В кино с 14 ноября

1.1k 0 0 3 6

Үйде жатпа!

15 Nov, 07:25

Бүгін сағат 18:00-де әдеттегідей сіздер үшін кинотеатр билеттерінің ұтыс ойынын өткіземіз.

Естеріңізге сала кетейік, бізде әдеттегідей 3 жеңімпаз болады.

Сондай-ақ, викторинаның барлық қатысушылары Instagram желісінде бізге жазылуы керек
https://instagram.com/uidezhatpa?utm_medium=copy_link

Ақпаратты біздің арнадан қадағалаңыз! Біз кейде қитұрқы сұрақтар қоямыз. Мұқият оқып отырыңыздар. Бәріңе сәттілік!

Құрметпен, Uide zhatpa командасы

1k 0 1 2 7

Үйде жатпа!

15 Nov, 06:30

💡📆📆📆📆📆 15 қараша

😅Бүгін Қазақстанда ұлттық валюта күні аталып өтеді. 1993 жылы 15 қарашада теңге айналымға енгізілді. Бұл - еліміз үшін маңызды оқиға болды. Ұлттық валютаның арқасында еліміз дербес ақша-несие және экономикалық саясат жүргізуге мүмкіндік алды. Валютамыздың қорғаныс деңгейі мен дизайнын халықаралық қаржы қауымдастығы жиі атап өтеді. Айта кетейік, бүгін Қазақстан қаржыгерлерінің күні.

Егер қаржы ұйымдарында жұмыс істейтін таныс қызметкерлер болса, оларды мерекесімен құттықтап қойыңыз!

😥 Қарашаның үшінші жұмасында халықаралық кемсітушілікке қарсы күрес күні аталып өтеді. Мектепте, студенттер арасында немесе жұмыс барысында қоғамдық буллинг пен кемсітушілікке ұшыраған құрбандар жиі кездеседі. Әдетте мұндай адамдар басқалардан сыртқы немесе ішкі жан дүниесімен ерекшеленеді. Яғни, мінезі тым жұмсақ әрі мейірімді сипатқа ие болып келеді. Көптеген адам мазақ ету мен қорлық көрсетуді зиянсыз әрекет деп санайды. Бірақ бұл ұзақ мерзімді психологиялық ауыртпалыққа немесе суицидке әкеледі. Сондықтан қорқытуға қарсы тұру - маңызды әлеуметтік мәнге ие.

Сіз осындай бастамаларды қолдайсыз ба?

🤗15 қарашада тәтті құмар жандар шоколадты кекс күнін атап өтеді. Әйгілі кондитерлік өнім Ежелгі Римде пайда болды. Бұл кезеңде адамдар арпа езбесіне жаңғақты, анарды, мейізді және басқа да қоспаларды араластырғанды ұнататын. Шоколадты кекстер 16 ғасырда Америкадан Еуропаға қант пен какао әкеле бастаған кезде танымал болды. Бүгінде шоколадты кекстер әлемдегі ең көп таралған десерттердің біріне айналды.

Сіздің сүйікті десертіңіз қандай?

👥15 қарашада өмірге келген қазақтың танымал тұлғалары. 130 жыл бұрын қазақ әдебиетінің негізін қалаушылардың бірі Бейімбет Майлин (1894-1938) дүниеге келді. Ол 25 пьесаның, либреттоның, сценарийдің авторы. Сонымен қатар 15 повесть пен "Азамат Азаматұлы" романын жазды. Шығармашылық жолының шарықтау кезінде Кеңес өкіметі тұтқынға алып, ату жазасына кесті. Осылайша оның екі романы аяқсыз қалды. 1957 жылы қоғам қайраткері ақталды. Сондай - ақ 109 жыл бұрын қазақ ғалымы және жазушысы Мәлік Ғабдуллин (1915-1973) дүниеге келді. Ол 14 жасынан бастап белгілі жазушы Сәбит Мұқановтың отбасында тәрбиеленген. Панфилов дивизиясының құрамында соғысып, Кеңес Одағының Батыры атанды. Қазақ әдебиетінің көп томдық тарихын дайындауға және басып шығаруға атсалысты. Оның "Қазақ қаһармандық эпосы" атты ғылыми еңбегі 1972 жылы Шоқан Уәлиханов атындағы сыйлыққа ие болды.

#күнтізбе #15қараша

1.1k 0 1 11 5

Үйде жатпа!

14 Nov, 18:11

💡📰📰📰📰📰📰

Бәріне сәлем!

Қыздар мен жігіттер, назарларыңа кезекті ТОП-3 жаңалықты ұсынамыз!✔️

😅 Қазақстандық мәнерлеп сырғанаушы Эстонияда күміс жүлде иеленді

Құтты болсын!🔥

😍 Енді жүргізушілер курсын аяқтағаны туралы куәлік электронды нұсқаға көшіріледі

Бұған қалай қарайсыз?🤔

😇 Әке болайын деп жүрген азаматтар әскерге шақырылмайды

Сонымен қатар жұбайы босанған жағдайда үйіне қайтарылады екен👍

👇Толығырақ сайттан оқыңыз👇

https://zhatpa.kz/kyn-zhanalyktary/syr-anaushy-zh-rgizushi-sker-14-arashany-top-zha-aly-tary/

#новости #жаңалықтар #елденеболды

1.1k 0 2 10 7

Үйде жатпа!

14 Nov, 11:25

💡💡💡💡💡💡💡

2025 жылы “7-20-25” ипотекасында қандай өзгерістер болады?

📢 ҚР Ұлттық Банкі 2025 жылы “7-20-25” ипотекалық бағдарламасына енгізілетін өзгерістерді жариялады.

Өзгерістер Ұлттық Банктің 2024 жылғы 30 қазандағы № 65 Басқарма қаулысымен енгізіледі.

🔹 Бағдарламаны қаржыландырудың жылдық көлемі 2025 жылы 100 млрд теңгеге дейін шектелмек.

🔹 Әскери қызметшілерге жеңілдіктер: негізгі қарыз және сыйақы бойынша төлемдер әскери қызмет өткеру мерзіміне, сондай-ақ ол аяқталғаннан кейін 60 күнді қоса алғандағы мерзімге кейінге шегеруді енгізу.

🔹 Жаңа талаптар: 2025 жылдың 1 қаңтарынан бастап әрбір отбасы мүшесіне пайдалы ауданы 15 шаршы метрден кем жатақханалардағы бөлмелерді, сондай-ақ Қазақстан Республикасының заңнамасында белгіленген тәртіппен апат жағдайында деп танылған тұрғын үйлерді қоспағанда, Қазақстан Республикасының аумағында соңғы 18 ай ішінде қарыз алушының (және жұбайының/зайыбының) меншік құқығында тұрғын үйінің болмауы туралы талапты енгізу көзделеді.

🔸 Ұлттық банк бұл өзгерістер тұрғын үйге мұқтаж қазақстандықтарды қолдау мақсатында енгізіліп отырғанын айтты. Ал ипотека шарттары өзгеріссіз қалды: ең төменгі бастапқы жарна, несиенің ең жоғары сомасы, сыйақы мөлшерлемесі және т.б.

"Бұл нормалар халықты, әсіресе, баспанаға мұқтаж азаматтарды мейілінше көбірек қамту мақсатында, сондай-ақ мерзімді әскери қызметтің әскери қызметшілері үшін банктік қарыз шарттары бойынша негізгі борыш пен сыйақы бойынша төлем мерзімін кейінге қалдыруды көздейтін заңнамадағы өзгерістерге сәйкес енгізіледі. Бағдарлама аясында берілетін ипотекалық тұрғын үй қарыздарының параметрлері (бастапқы жарнаның ең төменгі мөлшері, қарыздың ең жоғары сомасы, сыйақы мөлшерлемесі, қарыз мерзімі, өңірлер бөлінісінде сатып алынатын тұрғын үйдің ең жоғары құны және т.б.) өзгеріссіз қалады", - делінген хабарламада.

📊 Бағдарлама нәтижесі: 2018 жылдан бері 1 триллион теңгеден астам сомаға 76 753 жеңілдетілген несие берілген.

✒️ “7-20-25” бағдарламасы 2018 жылы жұмыс істейтін азаматтарға 20% бастапқы жарнамен, жылдық 7% сыйақымен, 25 жылға дейін қолжетімді ипотека ұсыну үшін іске қосылған болатын.

🏡 Бұл бағдарламаның мақсаты - Қазақстан азаматтарының баспана мәселесін шешу жолында қолдау көрсету.

Қаулының толық мәтінімен Қазақстан Республикасы Ұлттық Банкінің ресми интернет-ресурсында танысуға болады.

#қазынакеңес

1.2k 0 2 3 5

3 урока по Telegram бесплатно

Донаты в Telegram

Продаётся канал l Wildberries l

Үйде жатпа!

Гео и язык канала

Категория

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

Үйде жатпа!

11 696

Популярное в канале

Язык сайта

3 урока по Telegram бесплатно

Донаты в Telegram

Продаётся канал l Wildberries l

Үйде жатпа!

Гео и язык канала

Категория

11 696

Популярное в канале