Үйде жатпа!

💡💡💡💡💡💡💡

“Кальмар ойыны” сериалының жұлдызы Ли Джон Джэнің жетістік жолы мен өмірі

🎬 Ли Джон Джэ — Оңтүстік Кореяның танымал актері әрі сән сахнасының жұлдызы. Өмір жолында ұзақ уақыт бойы кәсіби тоқырауды бастан өткерген ол 50 жасқа толар алдында әлемдік деңгейдегі танымалдыққа ие болды. Өнер иесі Netflix тарихындағы ең ауқымды жоба “Кальмар ойыны” сериалында басты рөлді ойнап, шығармашылығы жаңа серпін алды. Ендеше назарларыңызға оңтүстіккореялық актердің жетістік жолын ұсынамыз.

📍Балалық шағы мен жастық кезі

Ли Джон Джэ 1972 жылдың 15 желтоқсанында Сеулде дүниеге келді. Сұхбаттарының бірінде актер өзінің ауқатты отбасында дүниеге келгенін, бірақ мектеп жасына жеткенде отбасының қаржылай жағдайы нашарлап кеткенін айтқан. Қаражы тапшылығынан мектепке төлемақы төлеу қиындап, бұл жағдай мұғалімдердің қысым көрсетуіне әкелген.

Жасөспірім кезінде Джон Джэ кафеде жұмыс істеген. Сол жерде оның тартымдылығын байқаған белгілі дизайнер Лиді модель ретінде бақ сынап көруге шақырады. Кездейсоқ кездесуден кейін ол бірнеше жыл сән сахналарында жүріп, фотосессияларға қатысты. Оның шоколад жарнамасына түсуі танымалдыққа жол ашып, түрлі фильмге шақырулар түсе бастайды. Бірақ алғашқы жобадан кейін актер мамандыққа дайын емес екенін түсініп, білімін жетілдіру үшін Тонгук университетінің театр өнері факультетіне оқуға түседі. Бос уақытында актерлік шеберлік бойынша жаттықтырушымен тынбай еңбектенеді.

📽️ Фильмографиясы

Джон Джэ кино әлеміндегі дебютін 1993 жылы “Айдаһар мұғалімі” дорамасынан бастады. Осы жобадан кейін оған толықметражды фильмдер мен телесериалдарда басты рөлдер ұсыныла бастады. Алғашқы ірі жобасы — “Жас жігіт” атты криминалдық драма болды. Бұл рөлі үшін Ли “Көгілдір айдаһар” және “Үлкен қоңырау” сыйлықтарын жеңіп алды. Кейінірек “Сезімдер” атты студенттік дорамадан кейін актер бүкіл елге танымал болды.

1998 жылы Джон Джэ “Күншығыс қаласы” драмасында ойнап, “Көгілдір айдаһар” сыйлығын тағы да жеңіп алды. 2000 жылы “Теңіз жағасындағы үй” мелодрамасында басты рөлді сомдады. Бұл фильмнің авторлық құқығын Warner Bros. сатып алып, кейін “Көл жағасындағы үй” ремейкі жарық көрді. Ондағы Ли ойнаған кейіпкерді Киану Ривз сомдады.

2003 жылы актер “О, бауырлар!” комедиясында ойнап, фильм 3 миллионнан астам көрермен жинады. Алайда, бұл рөлден кейін Ли экраннан екі жылға жоғалып кетті. Ортақ табысқа жету үшін ол 2008 жылы театр сахнасында дебют жасап, жаңа шығармашылық ізденістерге кірісті.

2010 жылы Ли Джон Джэ эротикалық “Қызметші” триллерінде басты рөлді сомдады. Фильм Канн фестивалінде және Торонто кинофестивалінде көрсетіліп, азиялық және корейлік бірнеше марапатқа үміткер болды. Осыдан кейін актердің мансабы қайта жандана бастады. 2012 жылы “Ұрылар” фильмінде ойнады, ал 2015 жылы “Қанішерлер” тарихи боевигі арқылы үлкен танымалдылыққа ие болды.

2022 жылы Ли режиссер ретінде дебют жасады. Ол “Аңшылық” атты тыңшы триллерін жазып, басты рөлде ойнады.

🎞️ “Кальмар ойыны”

Ли Джон Джэнің 2021 жылы Netflix платформасында көрсетілген “Кальмар ойыны” драмасындағы Сон Ки Хун кейіпкері арқылы жұлдызы жанды. Сериал әлемнің 90-нан астам елінде көрерменнің жоғары бағасына ие болды. 2022 жылы актер “Эмми” сыйлығын жеңіп алды.

Сериалдың екінші маусымы 2024 жылы желтоқсанда жарық көрді. Ли осы жобадағы рөлін қайталап, көрермендердің сүйіспеншілігі мен ыстық ықыласына тағы да бөленіп жатыр.

📍Бүгінде Ли Джон Джэ мансабының шыңына табан тіреді. Ол халықаралық жобаларда, соның ішінде “Жұлдызды соғыстар” әлеміне негізделген “Аколит” сериалында басты рөлді сомдады. Ли Джон Джэ — өнері мен өмірі үйлескен актер.

#қазынакеңес #кальмар

💡📆📆📆📆📆 30 желтоқсан

💃30 желтоқсан — Cыйлықтарды орау күні. Аталмыш күн дәл уақытында таңдалған. Өйткені жаңа жылдық сыйлықтардың басым бөлігі 30 желтоқсанға дейін сатып алынады. Ал жаңа жылдан бір күн бұрын сыйлықтарды орау бойынша қызу дайындық жүреді. Сыйлықтарды алдын ала орап қоюдың өзіндік кемшіліктері бар екенін ескерген жөн. Мәселен, мұндай жағдайда қаптама мыжылып, лас болып қалуы мүмкін. Сонымен қатар уақытынан бұрын оралған сыйлықтар көп орынды алып, бірден үй ішіндегі адамдардың көзіне түседі. Ал оралмаған сыйлықты оңай жасыруға болады.

Сіз туыстарыңыз бен жақындарыңызға сыйлық сатып алдыңыз ба?



💪1922 жылы 30 желтоқсанда әлем тарихындағы ең ірі КСРО мемлекеті құрылды. Оның құрамына Әзірбайжан, Армения, Беларусь, Грузия, Қазақстан, Қырғызстан, Латвия, Литва, Молдова, Ресей, Түрікменстан, Тәжікстан, Украина, Өзбекстан және Эстония кірді. 1991 жылы 16 желтоқсанда Қазақстан одақтас республикалардың арасында КСРО құрамынан соңғы болып шықты. Ал 1991 жылы 26 желтоқсанда КСРО ресми түрде жұмысын тоқтатты.


🗣2018 жылы Малайзия астанасы Куала Лумпурде өткен менталды арифметика бойынша XXIII бүкіләлемдік жарыста қазақстандық “есептеуіш-балалар” 37 медаль жеңіп алды. Чемпионатқа 80 елден 5 мыңға жуық “есептеуіш-балалар” қатысты. Ал Қазақстаннан еліміздің барлық облысынан 62 бала бой көрсетті. Нәтижесінде олар 1 алтын, 12 күміс, 24 қола медаль жеңіп алды. Ментальды арифметикалық мысалдардың қиындығы баланың деңгейіне байланысты болды. Мысалы, жоғары деңгейде балалар квадрат түбірлерді, пайыздарды, бөлшектерді, бөлшекті қосуды және көбейтуді ойша есептеді.


👥30 желтоқсанда екі танымал спортшы өмірге келді. Бүгін америкалық гольфшы Тайгер Вудс 49 жасқа толды. Ол мансап жолында бірнеше рет рекорд орнатты. Ал жеңістер саны бойынша гольф тарихында екінші орында бой көрсетті. Тайгер әлемде алғашқы миллиардер спортшы. Алайда ол ақшаның басым бөлігін гольф алаңынан емес, жарнама арқылы табады. 2019 жылы Дональд Трамп спортшыны Президенттің Бостандық медалімен марапаттады. Сондай - ақ бүгін америкалық баскетболшы Леброн Джеймс 40 жас мерейтойын атап өтеді. Оның бойы - 206 см, салмағы - 113 кг. Cпортшы екі дүркін Олимпиада чемпионы және NBA финалында 4 мәрте жеңіске жетті. Джеймс тарихтағы ең үздік баскетболшылардың бірі. Сол себепті оны көп жағдайда Майкл Джорданмен салыстырады. Өткен жылы оның байлығы миллиард доллардан асты.

Сізге қай спортшы ұнайды: Майкл Джордан немесе Леброн Джеймс?

#күнтізбе #30желтоқсан

💡📆📆📆📆📆 29 желтоқсан

🗣29 желтоқсанда музыка әуесқойлары халықаралық виолончель күнін атап өтеді. Бейресми мереке каталондық виолончелист, дирижер, композитор және қоғам қайраткері Пабло Казальстың (1876-1973) туған күніне орай таңдалды. Виолончель – орындау техникасы бай әрі мүмкіндіктері кең музыкалық аспап. Сондықтан ол жеке орындауда да, симфониялық оркестр мен ішекті ансамбль құрамында да кеңінен қолданылады. Бұл аспаптың қатысуы әсіресе трагизм немесе лиризмді ерекше көрсету қажет болғанда маңызды саналады. Аталмыш аспап қайғылы немесе лирикалық сәтті жеткізу мақсатында қолданылады.

Егер таныстарыңыздың арасында виолончельде ойнайтын жан болса, оларды мерекесімен құттықтауды ұмытпаңыз!

💪29 желтоқсанда Жамбыл облысының Қордай ауданында Қазақстандағы алғашқы өнеркәсіптік күн электр станциясы пайдалануға берілді. Жеке инвестиция есебінен салынған “Отар” күн электр стансасы мемлекеттік электр желілеріне қосылған. Бірінші кезеңнің қуаты 200-ден астам үй шаруашылығының электр энергиясына деген қажеттілігін өтеуге жеткілікті болды. Бүгінде Қазақстанда 30-дан астам күн электр станциясы салынды. Айта кететін жайт, елімізде жел электр станциялары да белсенді түрде салына бастады.

Жаңартылатын энергия көздерін дамытуға қалай қарайсыз?

👀2013 жылы 29 желтоқсанда Михаэль Шумахер шаңғы тебу кезінде құлап, миынан қатты зақым алады. Ол тарихта ең үздік “Формула 1” жүргізушілерінің бірі. Мансаптық жолында бірнеше рет рекорд жасаған. Оның әлемге танымал болғаны соншалық, халық барлық жүйрік жүргізушілерді “Шумахер” деп атай бастады. 2021 жылы Михаэль Шумахер жайлы деректі фильм жарық көрді. Мұнда Шумахердің әйелі мен ұлы оның қозғала алмайтынын және басқалармен толық қарым-қатынас жасауға қабілетсіз екенін растады.

Сондықтан әрдайым сақ болып, қауіпсіздік ережелерін сақтаңыз!

👥29 желтоқсан — қос тұлғаның туған күні. Бүгін британдық театр және кино актері Джуд Лоу 52 жасқа толды. Өнер иесі "Талантливый мистер Рипли", "Шерлок Холмс" және "Отпуск по обмену" фильмдерімен көпшілікке танымал болды. 2004 жылы People журналы оны “әлемдегі ең сымбатты” адам деп таныды. Сондай - ақ бүгін Оңтүстік Кореяның Twice қыздар тобының жапондық әншісі Минатозаки Сана 28 жасын атап өтеді. Сана K-POP жанкүйерлеріне сүйкімді келбетімен және тәтті дауысымен ұнайды. Әнші - көптеген трендтің авторы. Ол көпшлілік арасында талқыға түсіп, тіпті оны атақты адамдар да қайталады.

#күнтізбе #29желтоқсан

💡🎟🎟🎟🎟🎟🎟🎟🎟🎟📆

Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызықты іс-шараларды пікірде бөлісе аласыз.


АЛМАТЫ:

👣“Қысқы вернисаж” көрмесі

Қазақстанның белгілі қылқалам шеберлері Нұршидин Баратов пен Алексей Уткин көрермендерге туған жер мен қалаға деген терең сүйіспеншілікке толы шығармаларын ұсынады. Суретшілерді табиғи жарықта, табиғи ортада жұмыс істеу әдісі біріктіреді. Бұл тәсіл олардың туындыларына табиғаттың бай бояулары мен әсемдігін дәл жеткізуге мүмкіндік береді. Сол себепті олардың картиналары көрерменге шынайылығымен жақын, табиғаттың тынысы мен ақиқатын айқын сезінуге шақырады.

Орны: Almaty Gallery, Достық даңғылы, 44
Күні: 28 және 29 желтоқсан, 11:00 – 19:00

👤“Скандинавиялық Рождество” отбасылық фестивалі

Фестиваль қонақтарын келесі қызықты шаралар күтеді: балалар мен ересектерге арналған кинозал, белсенді өмір салты мен басқа да қызықты тақырыптар бойынша дәрістер, жергілікті қолөнершілер жәрмеңкесі, Жаңа жылға өз қолымен сыйлық дайындау шеберханасы және хош иісті ыстық глёгг сусыны (шие шырынынан жасалған, имбирь, даршын, алма және апельсин қосылған жылы скандинавиялық сусын). Фестиваль бағдарламасымен сілтеме арқылы танысуға болады.

Өтетін орны: Сапарғали Бегалин атындағы кітапхана, Төле би көшесі, 27
Күні: 28 және 29 желтоқсан, 10:00 – 19:00

💪Рысбек Ысқақовтың жеке көрмесі

Суретшінің 40-тан астам картинасы қазақ мәдениеті мен дәстүрлерін жан-жақты бейнелеп, адамның табиғатпен тығыз байланысты екенін көрсетеді.

Орналасқан жері: Ular галереясы, Панфилов көшесі 92 (интерком 77)
Күні: 28 желтоқсан, 12:00 – 18:00

🥳Жаңа жылдық шаралар

29 желтоқсан, 14:00-16:00 – бүкіл отбасыға арналған аспаздық шеберлік сабағы (MEGA 2, үлкен атриум).
29 желтоқсан, 18:00-19:00 – жаңажылдық хордың мерекелік концерті (MEGA 1, фуд-холл).
Өтетін орны: MEGA Alma-Ata, Розыбакиев көшесі, 247А.

🤩Саид Атабековтың “Мың салт аттының дұғасы” көрмесі

Қазақстанның заманауи өнерінде жетекші орын алатын суретшілердің бірі өз туындылары арқылы дәстүр мен заманауи құндылықтарды, сондай-ақ дәстүрдің мәдени бірегейлікті қалыптастырудағы рөлін зерттейді. Оның туындылары көрермендерді өткенге, бүгінгі күнге және болашаққа ой жүгіртуге шақырып, жаһандық өзгерістер жағдайында ұлттық сана мен мәдени кодтардың өзара байланысын зерделейді.

Орналасқан жері: Aspan Gallery, Әл-Фараби даңғылы, 140 а/3
Күні: 28 және 29 желтоқсан, 12:00 – 18:00

😁Балхия Мұхамеджанованың "Иірім" атты көрмесі

Суретшінің туындыларының басты кейіпкерлері – ішкі әлемі мен сезімдерін, махаббаты мен нәзіктігін бейнелейтін әйелдер мен жас қыздар. Сонымен қатар автор шығармаларында “ана” тақырыбын көтеріп, әйел денсаулығына және жалпы адамзаттың болашағына теріс әсер ететін экологиялық мәселелерге назар аударады.

Орны: Almaty Gallery (кіші зал), Достық даңғылы, 44
Күні: 28 және 29 желтоқсан, 11:00 – 19:00


АСТАНА:

👀"ADAMGERSILIK" көрмесі

Бұл көрме — Қазақстанның үздік суретшілерінің бірлескен шығармашылығының нәтижесі. Олар күнделікті өмірде жиі шетте қалатын аутизммен ауыратын балаларды қолдауға және олардың мәселелеріне назар аударады.

Орны: Forte Kulanshi Art Space, Достық көшесі 8/1
Күні: 28 және 29 желтоқсан, 10:00 - 20:00

🎄Жаңа жылдық шаралар

29 желтоқсан, сағат 17:00 – оркестр концерті.
Өтетін орны: MEGA Silk Way, басты сахна (MEGA Arena), Қабанбай батыр даңғылы, 62.

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз жақсы өтсін! Баршаңызға сәттілік!

💡📆📆📆📆📆 28 желтоқсан

👤Бүгін — Халықаралық кино күні. 1895 жылы 28 желтоқсанда капучинок бульварындағы Париж кафесінде ағайынды Люмьерлер адамзат тарихындағы алғашқы "Прибытие поезда на вокзал Ла Сьота" фильмін көпшілікке ұсынды. Бұл туынды көрермендерді қатты дүрбелеңге түсірді. Тіпті экраннан жүріп келе жатқан пойыздан қорқып, орындарынан секіріп, залдан қашып та кеткен. Ал 1939 жылы қазақтың ең алғашқы "Амангелді" фильмі жарыққа шықты.

Барлық жұмысшылар мен кино сүйер қауымды осы мерекемен құттықтаймыз!


👋1972 жылы 28 желтоқсанда Медеу кешені пайдалануға берілді. Табиғи мұз айдыны “рекорд фабрикасы” атағына ие. Бұл орын спорттық кешендер арасында барлық қашықта орнатылған әлемдік рекордтар саны бойынша көшбасшы болып қала бермек. Әлемдегі ең биік қысқы спорт кешенінде 51 жыл ішінде 320 рекорд орнатылды.

Медеуге соңғы рет қашан бардыңыз?

👀2015 жылы 28 желтоқсанда америкалық блогерлер Торғай геоглифтерін жылдың ең таңдаулы 10 жаңалығының қатарына қосты. 2007 жылы Торғайда қазақстандық геоглифтер табылды. Алайда бұл туралы ақпарат әлемге 8 жыл өткеннен кейін ғана белгілі болды. Себебі тек осы сәтте NASA суреттерді жариялаған еді. Қазақстанның солтүстік өңірінің спутниктік бейнелері орасан зор жер құрылымдарын - шаршы, крест, сызықтар мен сақиналар түріндегі бірнеше геометриялық пішіндерді анықтады. Оларды тек жоғарыдан тамашалауға болады. Ежелгі пішіндердің жасы 8000 жылға бағаланады.

Қазақстанның тағы қандай әдемі жерлерін білесіз?

👥28 желтоқсанда танымал екі тұлға өмірге келді. 126 жыл бұрын Қазақстандағы әйелдер қозғалысының негізін қалаушы Алма Оразбаева (1898-1948) дүниеге келді. Ол қарапайым мұғалім-журналист қызметінен ірі қоғам және мемлекет қайраткеріне дейін көтерілді. Бар ғұмырын қоғамның мәдениетін көтеруге әрі қазақ әйелдерінің құқығы үшін күреске арнады. Оның күш-жігерінің арқасында қалың мал, әмеңгерлік, көп әйел алуға заң жүзінде тыйым салынды. Сондай-ақ бүгін америкалық актер, режиссер және продюсер Дензель Вашингтон 70 жас мерейтойын атап өтеді. Өнер иесі “Оскар” сыйлығын екі мәрте, “Алтын глобус” сыйлығын үш мәрте және басқа да көптеген беделді марапаттарды жеңіп алды. 2020 жылы The New York Times Вашингтонды ХХІ ғасырдың ең ұлы актері деп жариялады. Ал 2022 жылы Джо Байден Президенттік Бостандық медалін табыстады.

#күнтізбе #28желтоқсан

💡📆📆📆📆📆 27 желтоқсан

💉27 желтоқсанда БҰҰ-ның бастамасымен Халықаралық эпидемияға қарсы дайындық күні аталып өтеді. Қазіргі таңда жаһандық мәселелермен тоқтаусыз күресіп келеміз. Алайда олардың саны әлі де қысқармай тұр. Мәселен, бұған дейін жылдам таралған COVID-19 пандемиясына әлем халқының дайын болмағанын білеміз. Ал өткен жылы қазақстандықтар қызылша мен тұмау індетінен зардап шекті.

Профилактика шараларын әрдайым сақтап жүріңіз!

💞27 желтоқсанда көптеген елде романтикалық мереке — арбау күні тойланады. Арбау — жүрегіңізден орын алған жанмен жақын болуға мүмкіндік беретін тамаша тәсіл. Бұл қасиетке ерлер де, әйелдер де ие. Алайда бұған кедергі келтіретін бірнеше фактор бар. Мысалы, шешім шығара алмау, сенімсіздік, тәкаппарлық және ұялшақтық сынды қасиеттерді атап өтуге болады. Ал негізгі шектеуші — адамның өзі. Себебі басым көпішілігі ең алдымен кемшіліктерін ойлап, бойындағы артықшылықтарына мән бермей жатады. Егер ішкі тосқауылды жеңіп, өзіңізге сенім арта білсеңіз, көптеген мүмкіндікке жол ашатыныңыз анық.

Егер әлдекімге сезіміңізді айтуға ұялып жүрсеңіз, дәл бүгін соны орындауға тамаша мүмкіндік бар!



📚1892 жылы 27 желтоқсанда Павлодарда тегін оқу залы бар қоғамдық кітапхана ашылды. Ол қалалық биліктің шешімімен, көпес Артемий Деров пен қаланың басқа да меценаттарының қайырымдылық көмегінің арқасында іске қосылды. 1896 жылға қарай кітапхана уездік мәртебеге ие болды. Кейін бұл күн кітапхананың құрылған жылы болып саналды. 1996 жылы 100 жылдық мерейтойына орай Павлодар облыстық кітапханасына қазақ ақыны Сұлтанмахмұт Торайғыровтың есімі берілді.

Қазақстандағы алғашқы кітапхана қай қалада ашылды?



👥27 желтоқсан — танымал қос тұлғаның туған күні. 121 жыл бұрын қазақ тілі білімінің негізін қалаушылардың бірі, түркітанушы — ғалым Сәрсен Аманжолов (1903-1958) дүниеге келді. Ол бастауыш, орта және жоғары оқу орындары үшін қазақ грамматикасы мен қазақ жазуының (әліпби және орфография) және қазақ терминологиясының негізгі қағидаларын жасап, кириллицада қазақ диалектологиясының құрылымын әзірледі. Сонымен бірге орфография және қазақ-орыс сөздіктерін құрастырып, редакциялады. Сондай-ақ бүгін француз актері Жерар Депардье 76 жасқа толды. Ол 200-ден астам фильмге түскен заманауи кино өнерінің ең танымал әрі еңбекқор актерлерінің бірі. Оның рөлдерінің ауқымы Голливудтың блокбастерлерінен бастап фестиваль шедевріне, бюджеті төмен комедиялар мен телехикаяларға дейін қамтылды. "Оскар" сыйлығының және көптеген беделді марапаттардың иегері — Шешен Республикасының құрметті азаматы.

Сізге Жерар Депардьенің қай фильмі ұнайды?

#күнтізбе #27желтоқсан

💡💡💡💡💡💡💡

Қаржылай біліміңізді арттыруға көмектесетін 6 қадам

💸 Қазіргі заманда қаржылай білім тек экономистер мен қаржыгерлерге емес, барлық адамға ауадай қажет. Қаржылай сауатты болу өміріңізді жақсартып қана қоймай, болашақта қаржылай еркіндікке қол жеткізуге мүмкіндік береді. Олай болса, қаржылай біліміңізді арттыруға көмектесетін қадамдарды қарастырайық.

1️⃣ Қаржы тақырыбындағы әдебиеттерді оқу

Танымал қаржыгерлердің кітаптары – қаржы саласын түсінудің ең қарапайым әрі тиімді жолы. Мысалы:

📕Роберт Кийосакидің “Бай әке, кедей әке” кітабы;
📗Наполеон Хиллдың “Ойлан және байы” еңбегі;
📘Бодо Шефердің “Қаржылай тәуелсіздікке апаратын жол”.

Аталған еңбектер қаржы құралдарын түсінуге және байлыққа жету жолдарын меңгеруге көмектеседі.

2️⃣ Онлайн курстар мен тренингтерге қатысу

Қаржылай сауатыңызды арттыруға арналған курстарға қатысыңыз. Мысалы, арнайы платформаларда қолжетімді курстар:

📍Coursera мен Udemy-де қаржылық жоспарлау сабақтары;
📍Kaspi.kz пен Халық банкі сияқты жергілікті қаржы ұйымдарының тренингтері.

3️⃣ Маманнан кеңес алу

Қаржылай кеңес беретін мамандар сізге жинақ, инвестиция немесе несие туралы дұрыс шешім қабылдауға көмектеседі. Бұл әсіресе ірі қаржылай шешім қабылдар алдында маңызды.

4️⃣ Қаржы тақырыбына байланысты жаңалықтарды назардан тыс қалдырмау

Жаһандық және жергілікті экономикалық жаңалықтарды бақылау арқылы қаржы саласындағы өзгерістерді түсінуге болады. Мысалы, қаржы нарығындағы инфляция, валюта бағамдары, инвестициялық мүмкіндіктер туралы ақпарат пайдалы болады.

5️⃣ Тәжірибе жасау

Тек теорияны біліп қоймай, оны тәжірибеде қолдану маңызды. Жеке бюджетті жоспарлауды бастап, шағын инвестициялар жасауды үйреніңіз. Бұл арқылы сіз қаржы әлемін жақсырақ түсінесіз.

6️⃣ Қаржылай білімді балаларға үйрету

Қаржылай сауатты жас кезден бастап дамыту керек. Балаларыңызға ақшаны үнемдеу мен жинаудың маңызын түсіндіріп, қаржы жоспарлауға үйретіңіз.

Қаржылай білім – ұзақмерзімді инвестиция

Сонымен қатар бұл өз болашағыңызға салынған ең тиімді инвестиция. Сауатты қаржылай шешімдер қабылдай отырып, сіз тек өзіңізге емес, отбасыңыз бен қоғамға да оң үлес қосасыз.

Қаржылай сауатты болуға бет бұрып, бүгіннен бастап қаржылай білім алуға асығыңыз!

#қазынакеңес

💡📆📆📆📆📆

🌚26 желтоқсан — Халықаралық сыйлық күні. Дәл осы күні үлкен және кішігірім дүкендерде тауар сатылымы өте жоғары болады. Мерекенің пайда болу тарихы Еуропадан бастау алды. Орта ғасырда бай адамдар арасында Рождество алдында бір-біріне сыйлық табыстау рәсімі аталып өтті. Ал мерекеден кейін жұмысшылары мен қызметкерлері де арнайы сыйлықтарды олжаланды. Бүгінде бұл дәстүр жаңа бағытта жалғасын тапты. Мәселен, мереке алдында сыйлықтар туған-туысқа, дос-жаранға, кейін әріптестер мен көршілерге беріледі. Ендеше бүгін еліміздегі дүкендер де осы бастамаға қосылып, үлкен жеңілдіктер жасайды деп үміттенеміз.

Ал сіз туыстарыңыз бен жақындарыңызға сыйлық дайындадыңыз ба?



🗣20 жыл бұрын қазіргі цунами тарихындағы ең қауіпті оқиға орын алды. 2004 жылдың 26 желтоқсанында таңғы сегіз шамасында 9.1 баллдық жер сілкінісі болды. Жер сілкінісінің ошағы Индонезияға жақын мұхит түбінде орналасқандықтан, оның күші бастапқыда қатты сезілмеді. Алайда бірнеше сағат өткеннен кейін цунами толқыны бүкіл Үнді мұхитынан өтіп, Африкадан Тайландқа дейінгі жағалауды қамтыды. Осылайша туристік маусымның шарықтау шегінде тұрған 14 ел ауыр соққыға ұшырап, 230 мыңға жуық адам қаза тапты. Зардап шеккендердің арасында қазақстандықтар да болды.


👀2018 жылы 26 желтоқсанда Түркияның Болу қаласында әйгілі "Көроғлы" түркі эпосына арналған ескерткіш орнатылды. Қазақ мүсіншісі Мұрат Мансұров жасаған туынды атақты халықаралық саябақта орналасқан. Салмағы 500 тонна және биіктігі 70 метр болатын алып мүсін Түркияға бөлік-бөлігімен жеткізілді. Жобаның аннотациясын белгілі ақын Олжас Сүлейменов жазды. "Көроғлы" - XVII ғасырда қалыптасқан Орталық Азия мен Таяу Шығыста таралған түркі халықтарының фольклорлық-эпикалық ескерткіші.

👥26 желтоқсан — танымал екі тұлғаның туған күні. 130 жыл бұрын қазақ саясаткері Тұрар Рысқұлов (1894-1938) дүниеге келді. Қазақ зиялыларының жарқын өкілі 1916 жылы Орталық Азия халқының ұлт-азаттық көтерілісіне қатысты. Кеңес заманында Түркістандағы түркі этностарының бірлігін сақтау мәселесін бірнеше рет көтерді. Ол Түркістандағы түркітілдес халықтардың біртұтас халық екенін, ал Түркістан Орталық Азияны мекендеген түркі тілдес халықтардың ортақ үйі екенін алға тартты. 1932-1933 жылдары Сталинге жазған хатында Голощекин саясаты салдарынан ашаршылыққа ұшыраған туған халқының тағдыры туралы ашық жазады. Нәтижесінде Қазақстанды азық-түлікпен қамтамасыз ету мәселесі шешіледі. 1938 жылы “Халық жауы” деген айып тағылып, ату жазасына кесілді. Сондай-ақ бүгін америкалық актер және рок – музыкант Джаред Лето 53 жасқа толды. Өнер иесі көптеген марапаттың иегері. Соның ішінде "Оскар", "Алтын глобус" және АҚШ киноактерлер гильдиясының сыйлығын атап өтуге болады. Ол "Александр", "Оружейный барон", "Дом Gucci" және "Морбиус" фильмдеріндегі рөлі арқылы әлемге әйгілі болды.

Сіздің қалаңызда Тұрар Рысқұловтың есімімен аталған қандай орындар бар?

#күнтізбе #26желтоқсан #сыйлық

💡🐴🐴🐴🐴🐴🐴🐴🐴🐴🐴

Көшпелі қазақтардың халықаралық экономикалық байланысы қалай дамыды?

📌 Көшпелі қазақтардың халықаралық экономикасы олардың мал шаруашылығы негізіндегі өмір салтына, географиялық орналасуына және көршілес елдермен сауда-саттыққа негізделді. Қазақ жері Ұлы Жібек жолы сияқты ірі сауда жолдарының торабында орналасқандықтан, бұл аймақ Азия, Еуропа және Таяу Шығыс елдері арасындағы экономикалық қатынастарда маңызды рөл атқарды.

1️⃣ Мал шаруашылығы — экономикалық негіз

Қазақтардың негізгі сауда капиталы мал шаруашылығына байланысты болды:

• Экспорттық тауарлар:
• Жылқы: Қазақ даласының жылқысы ерекше төзімділігімен танылып, Қытай, Орта Азия және Ресейге көптеп экспортталды.
• Қой: Жүн, ет және тері мақсатында айырбасқа түсті.
• Сиыр және түйе: Азық-түлік, көлік және шикізат ретінде сұранысқа ие болды.
• Өнім өңдеу:
Малдан алынған шикізат (жүн, тері, сүт) өңделіп, қолөнер бұйымдары ретінде сатылды.

2️⃣ Сауда қатынастары

Ұлы Жібек жолы

Ұлы Жібек жолы қазақ даласындағы халықаралық экономикалық байланыстардың негізгі арнасы болды.

• Тауар айналымы:
• Қазақтар жүн, тері, киіз, жылқы және ет өнімдерін айырбастады.
• Орта Азия мен Қытайдан мата, шай, керамика, қару-жарақ әкелінді.
• Керуен саудасы:
Көшпенділер керуендерді қорғап, сауда жолдарын қауіпсіз ету арқылы экономикалық пайда көрді.

📍Ресеймен сауда

Ресеймен экономикалық байланыстар әсіресе XVIII ғасырдан бастап күшейді:

• Орынбор және Троицк жәрмеңкелері:
Ресей қазақ даласына өндірістік тауарлар (мата, құрал-жабдықтар, қант, тұз) жеткізіп, айырбасқа қазақтардың мал өнімдерін алды.
• Экспорт және импорт:
Қазақтар Ресейге жылқы, қой, тері және шикізат жеткізді. Ресейден дайын бұйымдар мен тұрмыстық заттар әкелінді.

📍Орта Азия елдерімен байланыс

Қазақтар Бұхара, Хиуа, Ташкент сияқты Орта Азия қалаларымен тығыз сауда жасады:

• Мал және шикізат: Жылқы, тері және қой Орта Азияға жеткізілді.
• Айырбас жүйесі: Орта Азиядан мата, қару-жарақ, киім-кешек, қант пен шай әкелінді.

📍Қытаймен сауда

Қытаймен экономикалық байланыс негізінен сауда керуендері арқылы жүзеге асты:

• Қазақтар Қытайға жоғары сапалы жылқыны көп мөлшерде сатты.
• Түйе мен қой өнімдері Қытай нарығында жоғары бағаланды.
• Ал Фарфор, шәйі мата, шай және тұрмыстық заттар қазақтарға жеткізілді.

📍Еуропамен байланыс

Қазақтардың Еуропамен тікелей байланысы болмағанымен, Ресей арқылы жанама түрде сауда жүргізілді:

▪️Жылқы мен тері: Ресей қазақ даласынан жылқы мен шикізатты сатып алып, Еуропаға экспорттады.
▪️Еуропалық тауарлар: Еуропадан келген дайын тауарлар (сағат, әшекей, құралдар) Ресей арқылы қазақ даласына жетті.

3️⃣ Жәрмеңкелер және ішкі сауда

Көшпелі қазақтар халықаралық байланыстарын жәрмеңкелер арқылы нығайтты.

✔️ Ірі жәрмеңкелер:
• Қоянды, Қарқара, Орынбор сияқты жәрмеңкелер қазақтардың сауда-саттық орталығы болды.
• Бұл жәрмеңкелерде Ресей, Қытай және Орта Азия саудагерлері жиналды.
Алайда бұл уақытта ақша жүйесі толық енгізілмегендіктен, тауар айырбасы кең тараған болатын.

4️⃣ Керуен саудасы

Қазақтардың көшпелі өмір салты халықаралық сауда керуендерінің қауіпсіздігін қамтамасыз етуге жағдай жасады:

▪️Керуен жолдары:
Керуендер қазақ жері арқылы Орта Азия, Қытай және Ресей бағытында жүріп отырды.
▪️Логистика:
Көшпенділер көлік мүмкіндіктерін (жылқы, түйе) пайдаланып, керуендерді тасымалдауға белсене қатысты.

#көшпенділер

💡📆📆📆📆📆 25 желтоқсан

👀45 жыл бұрын Ауған соғысы басталды. 1979 жылы 25 желтоқсанда Кеңес әскерлері Ауғанстанға кіре бастады. Тарихшылар бұны КСРО үшін мән-мағынасыз әрі Ұлы Отан соғысынан кейінгі ең қанды шайқастардың бірі болғанын атап өтті. Себебі мұнда оппозициялық күшті басу мүмкін болмады. Сәйкесінше, Ауғанстан ішінде саяси тұрақтылық жойылып, ары қарай ел ішіндегі азаматтық соғысқа жалғасты. 1979-1989 жылдар аралығында Қазақстаннан Ауған соғысына 21 239 жауынгер қатысып, олардың 947-cі қаза тапты. Ал 1770 адам жарақат алды.




🌚2017 жылы 25 желтоқсанда жыл сайын ұйымдастырылатын "Asian Chess Excellence Awards" сыйлығының марапаттау рәсімінде қазақстандық гроссмейстер Динара Сәдуақасова Азияның үздік ойыншы-қызы атанды. Бұл іс-шара БАӘ-де өткен Азия шахмат саммиті аясында өтті. Халықаралық әйелдер гроссмейстері Динара Сәдуақасова — 20 жасқа дейінгі қыздар арасында әлем чемпионы. Сонымен қатар Азия чемпионы әрі 2022 жылы Алматыда өткен әлем чемпионатының күміс жүлдегері. Қала берді өз еркімен "ЮНИСЕФ" ұйымының ұлттық елшісі болды. Ол Қазақстанның ең үздік үш шахматшысының қатарына кіреді.

Қазақ шахматшыларының тағы қайсысын білесіз?


🎄25 желтоқсанда жаңа жылдық шыршаға арналған мерекелік шарларды сыйға тарту күні аталып өтеді. Мереке қарсаңында достарыңыз бен әріптестеріңізге, балаларыңызға және ата-аналарыңызға шыршаға арналған ойыншықтарды тарту ету — тамаша сыйлықтың бірі болмақ. Ойыншықты арнайы дүкендерден сатып алуыңызға болады. Ал қолдан жасасаңыз, тіпті керемет. Бұл қарапайым сыйлық болғанымен, кез келген адамға жағымды көңіл-күй сыйлайды. Аталмыш мереке Германиядан бастау алған. Аңыз бойынша, бұл дәстүрді неміс реформаторы Мартин Лютер енгізген.

Сіз Жаңа жылда үйіңізге шырша қоясыз ба?


👥25 желтоқсан — қазақтың әйгілі қос тұлғасының туған күні. 134 жыл бұрын қоғам және саяси қайраткер Мұстафа Шоқай (1890-1941) дүниеге келді. Ол ақсүйектер отбасында тәрбиеленіп, мұсылмандық және зайырлы білім алды. Саяси қайраткер орыс, ағылшын, француз, поляк және түркі тілдерін жетік меңгерді. Революцияға дейін Ресей Мемлекеттік Думасының мұсылман фракциясының хатшысы қызметін атқарды. Мұстафа Алашорда үкіметі мен Түркістан автономиясының құрамына кірді. Большевиктерді жеңгеннен кейін Түркияда, Францияда және Германияда тұрып, мұсылман оппозициясының жетекшісі болды. Сонымен бірге 85 жыл бұрын Қазақстанның халық жазушысы әрі ақын Фариза Оңғарсынова (1939-2014) өмірге келді. Ол бірқатар поэтикалық кітап пен басылымдардың авторы, Абай сыйлығының лауреаты. Сондай-ақ қоғам қайраткері ретінде де белгілі. Ақын Астанадағы Ұлттық пантеонда Қабанбай батыр кесенесінің жанында жерленген.

Сіздің қалаңызда Мұстафа Шоқайдың есімімен аталған қандай орындар мен ғимараттар бар?

#күнтізбе #25желтоқсан

💡💡💡💡💡💡💡

Ми жұмысын жақсартуға арналған ТОП-8 жаттығу

🧠 Ми жұмысын жақсарту үшін тұрақты жаттығу қажет. Ғалымдар ми белсенділігін арттыру үшін бірнеше әдісті ұсынады.

1️⃣ Мидың белсенділігін арттыратын ойындар

▪️Шахмат және тоғызқұмалақ: Стратегиялық ойлау мен есте сақтау қабілетін дамытады.
▪️Кроссвордтар мен пазлдар: Шығармашылық пен зейінді күшейтеді.
▪️Сандық немесе сөздік ребустар: Логиканы жетілдіреді.

2️⃣ Оқу және жазу

Кітап оқу және күнделік жазу – ми үшін тамаша жаттығу. Оқу зейін мен сөздік қорды байытады, ал жазу ойды жүйелеуге көмектеседі. Әсіресе, жаңа тақырыптарды зерттеу мидың белсенділігін арттырады.

3️⃣ Физикалық жаттығулар

Дене қозғалысы мен ми арасында тығыз байланыс бар. Мұндай жағдайда қан айналымы жақсарып, миға оттегі жеткізіледі. Күнделікті серуендеу, йога немесе медитациямен айналысу – ойлау қабілетіне оң әсер етеді.

4️⃣ Қолдың моторикасын дамыту

Қолмен жазу, сурет салу, мүсін жасау секілді істер мидың оң және сол жақ бөліктерінің жұмыс істеуіне септігін тигізеді. Бұл зейін мен шығармашылық қабілетті күшейтеді.

5️⃣ Жаңа дағдыларды меңгеру

Жаңа тіл үйрену, аспаптарда ойнау немесе жаңа мәзір бойынша тамақ пісіру – мидың икемділігін арттырып, нейрондық байланыстарды нығайтады.

6️⃣ Мнемоникалық жаттығулар

Есте сақтау қабілетін жақсарту үшін:

• Ақпаратты өлең немесе ән түрінде жаттау.
• Бірнеше сөзді немесе санды топтастырып есте сақтау.
• Жаңа есімдер мен оқиғаларды ассоциация арқылы есте қалдыру.

7️⃣ Медитация және тыныс алу жаттығулары

Медитация миды тыныштандырып, стрессті азайтады. Терең тыныс алу әдістері зейінді жинақтауға және концентрацияны жақсартуға көмектеседі.

8️⃣ Күн тәртібін сақтау

• Ұйқы: Түнгі 7-8 сағат ұйқы ми қызметін қалпына келтіру үшін маңызды.
• Пайдалы тамақтану: Жаңғақ, балық, көкөніс пен жеміс мидың жұмысын жақсартады.

📍Мидың қызметін жақсарту үшін күнделікті осы жаттығуларды жасап, үнемі жаңа нәрселерді үйренуге ұмтылыңыз. Миыңыз үшін жасалған әрбір қадам оның ұзақ уақыт белсенді болуына ықпал етеді.

#қазынакеңес