BICAP Grand Hackathon 2024 республикалық хакатонының бірінші кезеңіне қатысқандарыңыз үшін алғыс айтамыз! Бұл іс-шараны CAP Education, Абиш Кекілбаев атындағы BINOM мектебі және Astana Daryny ұйымдастырды. Іс-шараға еліміздің түкпір-түкпірінен 200-ден астам команда қатысты — сіздердің қызығушылықтарыңыз бен қатысуларыңыз үшін ризашылығымызды білдіреміз!
Хакатонның екінші кезеңіне келесі шарттарды орындаған командалар өтті:
28 және одан жоғары балл жинағандар (28 балл қосқанда).
Қатысу регламенттерін сақтағандар.
Барлық қажетті мәліметтерді дұрыс толтырғандар.
Өкінішке орай, тест аяқталғаннан кейін ешқандай мәлімет енгізбеген командалар, өтпелі балл жинаса да, екінші кезеңге жіберілмеді. Бірақ, команда атауын көрсетпей, басқа деректер (мектеп атауы немесе қатысушылардың есімдері) көрсетілген командалар келесі кезеңге қосылды.
Бірінші кезеңге қатысқан барлық қатысушылардың көрсеткен почтасына электронды сертификаттар жіберіледі. Сонымен қатар, CAP Education бағдарламалау мектебі екінші кезеңге өтпеген қатысушылар үшін арнайы сыйлықтар дайындады.
Екінші кезең
Екінші кезең 8 қарашада басталады, 10:00-де басталып, 24 сағатқа созылады. 5 қарашадан бастап вебинарлар өткізіледі, онда қатысу ережелерін түсіндіреміз, тапсырма үлгілерін көрсетеміз және пайдалы кеңестер береміз.
Әрбір командаға өз категориясында көмек көрсету үшін менторлар бекітіледі.

Хаттама