«ҚазАгроҚаржы» АҚ ақша міндеттемелерін уақытында орындамау нәтижесінде туындаған тұрақсыздық айыбын есептен шығару акциясын ұзартатынын жариялайды.

Клиенттер айыппұлдар мен өсімпұлдарды 2024 жылғы 27 желтоқсанға дейін есептен шығара алады.

Акцияға келесі санаттағы клиенттер қатыса алады:
- Негізгі борыш, сыйақы немесе айыппұл бойынша мерзімі өткен міндеттемелері, соның ішінде сот шешімімен өндіріп алынған берешектері бар клиенттер;

- Акция басталғанға дейін мерзімі өткен берешегі болмаған, бірақ акция өткізу кезеңінде міндеттемелерді орындау мерзімін бұзған клиенттер.

Акцияда өтінім санына шектеу қойылмайтынын атап өтеміз.
«ҚазАгроҚаржы» АҚ барлық мүдделі клиенттерді осы мүмкіндікті пайдаланып қалуға шақырады.

Өтінім беру және толық ақпарат алу үшін біздің компанияның өңірлік филиалдарына хабарласыңыз. Филиалдармен байланысу ақпараты www.kaf.kz сайтында көрсетілген.