Burgylau

ҚҰБЫР ЦЕХЫНДА ЖАҢА МОДУЛЬДІ ҒИМАРАТЫ ПАЙДАЛАНУҒА БЕРІЛДІ

«Бұрғылау» ЖШС-не қарасты Құбыр цехында жаңа модульдік ғимараты пайдалануға берілді. Көлемі 12х5 метрді құрайтын нысанның жалпы ауданы 60 шаршы метрді құрайды.

Жаңа ашылған модульдік ғимаратында киім-ауыстыру, жуынып-шайыну, дәретхана, киімдерді кептіру және демалыс орындары қарастырылған. Барлық кабинеттер заманауи үлгідегі құрылғылармен, тұрмыстық техникаларымен жабдықталған.

Модульдік ғимараттың негізгі сыйымдылығы 43 адамға қарастырылған. Жаңа ғимаратты жүк реттеуші және қысыммен тексеруші қызметкерлері қолдануда. Жұмысшылардың бір сәт бой жазып тынығып алу үшін демалыс орында теледидар тамашалауғада мүмкіндіктер қарастырылған, жұмсақ жиhаздар мен жазу үстелдері де демалушылар үшін өте ыңғайлы. Ал гигиеналық бөлмеде үш душ кабинасы орналасқан. Үздіксіз ауа айналымы болуы үшін іштегі ауаны сыртқа және сырттағы ауаны ішке жүргізетін вентиляциялық жүйлері жүргізілген. Әрбір бөлмеге тартылған электр желісі арнайы қапталған, өрт сөндіру құрылғылары талаптарға сай орнатылған. Құстың ұясындай ғана ғимарат болғанымен, қыста – жылы, жазда – салқын. Әр бөлмесі шаршы метріне қарай арнайы салқындатқыштар және жылытқыш пештермен қамтамасыз етілген.

Сонымен қатар сырттан қосылатын инженерлік желілерін жүргізу барысында Құрылыс-шаруашылық бөлімшесінің қызметкерлері белсенділік танытып, кәріз және су құбырларын талаптарға сай негізгі жүйеге қосып берді. Қысқасы, шағын жерде қажеттіліктің бәрі де өте ыңғайлы әрі қолжетімді етіп жасалғаны жылылық сыйлап, көз сүйсіндіреді.

«БҰРҒЫЛАУ» ЖШС «КӨКТЕМ-2025» РЕСПУБЛИКАЛЫҚ КОМАНДАЛЫҚ-ШТАБТЫҚ ОҚУ-ЖАТТЫҒУЫНА ҚАТЫСТЫ

Ақпан айының 6 мен 7 күндер аралығында Қазақстан Республикасы Төтенше жағдайлар министрлігінің еліміздің барлық өңірлерінде төтенше жағдайларды жою жөніндегі іс-қимылдарды, авариялық-құтқару қызметтерімен және азаматтық қорғау құралымдарымен тәжірибелік іс-қимылдарды пысықтау үшін жоспарланған «Көктем – 2025» республикалық командалық-штабтық оқу-жаттығуы Жаңаөзен қаласында өтті.

Екі күнге созылған шара барысы, оқу жаттығу жоспарына сай су тасқыны кезінде қиын жағдайға тап болған «Кендірлі» ауылының «Жұлдыз» шағын ауданында тәжірибелік жұмыстары жүргізілді. Яғни, көшедегі ойылған жерлерге құм төгіп тегістеу іс шарасын өткізді. Сонымен қатар, су астында қалған 10 үйді құтқарды. Одан бөлек, 5548 әскери бөлімінің сарбаздары мен төтенше жағдайлар қызметкерлері зардап шеккен 2 адамды қауіпті аймақтан алып шықты. Зардап шеккендерге алғашқы медициналық көмек көрсету де пысықталды. Шараға қала әкімінің орынбасары Шалабаев Бексұлтан Айбекұлы, Ақтау және Жаңаөзен қаласы төтенше жағдайлар бөлімінің басшылары мен мамандары және коммуналдық, өндірістік мекемелердің қызметкерлері қатысып, азаматтық қорғау қызметтері мен құрылымдарының дайындығын тексерді. Олар әр саланың техникаларымен танысты.

Оқу-жаттығудың негізгі мақсаты - 2025 жылғы су тасқыны кезеңіндегі төтенше жағдайлардың алдын алу және салдарын жою жөніндегі іс-қимылдарға азаматтық қорғау мемлекеттік жүйесінің басқару органдары мен күштерін дайындау. Сонымен қатар, көктем кезеңінде болуы мүмкін төтенше жағдайлар кезінде басшы құрамның басқару, шешім қабылдау, азаматтық қорғау органдарымен өзара әрекет ету, авариялық-құтқару жұмыстарына күш-құралдарды дайындыққа келтіру, жергілікті азаматтық қорғау қызметтерінің дайындығын тексеру, өзара іс-қимылдарды пысықтау.

«Көктем-2025» республикалық командалық-штабтық оқу-жаттығуына 55 техника, 100-ге жуық құрал жабдықтар мен 200-ден астам қызметкерлер жұмылдырылды. Шарада техникалардың жарамдылығы мен мүмкіндіктері тексерілді. Оқу жаттығу шарасына Бұрғылау мекемесінен арнайы 5 техника және авариялық-құтқару жұмыстарына арналған құралдармен жабдықталған 10 нан астам қызметкерлер қатысты. Тапсырмаға сай «Бұрғылау» ЖШС «Кендірлі» ауылының «Жұлдыз» шағын ауданында арнайы техникалармен су тасқыннан опырылған жергелерге құмдар тасып, тасқын суларды бөгеу және жиналған суларды тазартты. Қала әкімшілігі мен төтенше жағдайлар бөлімі оқу жаттығу шарасына белсенді түрде ат салысқан «Бұрғылау» ЖШС-не алғыстарын білдірді.

БҰРҒЫЛАУ МЕКЕМЕСІНІҢ 60 ЖЫЛДЫҚ МЕРЕЙТОЙ АЯСЫНДА «IRON MAN» АТТЫ ЖІГІТ СҰЛТАНЫ ӨТТІ

Сонау өткен ғасырдың алпыс бесінші жылдары құрылған «Бұрғылау» жауапкершілігі шектеулі серіктестігінің 60 жылдық мерейтой аясында «Алтын Дария» мейрамханасында ер азаматтар арасында «IRON MAN» атты жігіт сұлтаны сайысы өтті. Бұндай сайыс Бұрғылау ұжымында алғашқы рет ұйымдастырылып тұр.

Сайыстың басты мақсаты – ұлттық рухты көтеру, ұлттық құндылықтарды және жігітке тән қасиеттерді дәріптеу, салауатты өмір салтын насихаттау, ер азаматтардың қабілеттіліктері мен белсенділіктерін арттыру.

Шараға жеті қырлы, бір сырлы, сайдың тасындай іріктелген мықты-мықты Бұрғылаудың белсенді жігіттері қатысты. Кіл жүйрік сынға түскен байқау 8 кезеңнен тұрды. Олар өздерінің шығармашылық, интеллектуалдық және физикалық дайындықтарын көрсетті. Алғашқы кезең – таныстыру. Одан кейін шығармашылық бөлім басталып, жігіттер ән шырқап, актерлік шеберліктерін көрсетіп, өлең оқыды. Шығармашылық бөлімнен кейін қатысушылар қойылған сұрақтарға жарыса жауап беріп, ұлттық киімдерін таныстырды. Байқаудың соңғы кезеңінде жігіттер нағыз ер мінезге тән қасиеттерін көрсетіп, қоссырықта серпілу, кермеге тартылу, кір тасын көтеріп отырып-тұру, бір қолмен жұдырықта тұру кезеңдері бойынша өзара мықтыны анықтады.

Бұрғылау қызметкерлер арасынан «Жігіт сұлтаны» болуға талаптанған 15 жігіт қатысты. Әрқайсысы өздерінің жақсы қырларын көрсетіп, бар өнерлерін паш етті. Әрине, ұлттық дәстүрлерден үзінділер де қойылды. Спорттық сайыс болсын, дәстүр болсын, қатысушылар әр бөлімде ұлттық нақыш пен заманауи әдістерді қолданды.

Әділ қазылар алқасының шешімі бойынша "Жігіт сұлтаны-2025" атағына Б-11 қондырғы бригадасының бұрғышы көмекшісі Жөнелбеков Сәттіғұл лайық деп танылды. К-5 бригадасының бұрғышы көмекшісі Шохан Еркебұлан екінші орынға тұрақтаса, Энергетика бөлімінің аға инженері Гокгозов Нурлан үшінші орынды қанжығасына байлады.

Марапаттау рәсімінде Бұрғылау" ЖШС бас директоры Қанат Ермекұлы, "KazPetroDrilling” АҚ-ның Маңғыстау обылысы бойынша өкілі ӨТБ бастығы Алиев Нұрлан, еншілес мұнай компанияларының басшылары және "Бұрғылау" ЖШС кәсіподақ төрағалары жеңімпаздарды марапаттап, өнерлерін паш еткен барша қатысушыларға ризашылықтарын білдіріп, сайыстың өте жоғары деңгейде өткендігін сөз етіп, «Жігіт сұлтаны» бұдан әрі компания көлемінде дәстүрлі түрде өтуіне ұсыныстар айтылды.

Жеңімпаздарға Жігіт сұлтаны белдігі, бағалы сыйлықтар, 300, 200, 100 мың теңге көлемінде қаржылай сыйлықтар табысталды. Одан бөлек, барлық қатысушылар 30 мың теңге сертификаттарымен марапатталды.

Сонымен қатар «Жігіт сұлтаны» сайсының эстафеталық туы еншілес «МұнайФилдСервис» компаниясына ұсыныс ретінде табысталды.