Бұл іргелі өзгерістерді заңдастыратын құжатты – "ҚР кейбір заңнамалық актілеріне сот жүйесін реформалау және процестік заңнаманы жетілдіру мәселелері бойынша өзгерістер мен толықтырулар енгізу туралы" заңын Парламент қабылдады. Таяуда Президент оған қол қойды.

2027 жылғы 1 шілдеде қолданысқа енгізілетін бірқатар баптарын қоспағанда, заң негізінен күшіне енді.

Оның аясында мысалы, елімізде "әкімшілік істер бойынша эксаумақтық соттылық енгізіледі".

Жоғарғы соттың Азаматтық істер жөніндегі сот алқасының төрағасы Нұрсерік Шәріповтің түсіндіруінше, бұған дейін, 2022 жылдың тамызынан бері республикада азаматтық істер бойынша эксаумақтық соттылық енгізілген болатын.

Оған сәйкес, Қазақстанның кез келген азаматы қай өңірдің тұрғыны болғанына қарамастан, өзіне қолайлы кез келген қаланың сотына жүгіне алады.

Соның нәтижесінде, бір ғана 2023 жылы 1 600-ден астам іс бойынша азаматтар эксаумақтық соттылық мүмкіндіктерін пайдаланыпты.

Источник: inbusiness.kz