Library ENU

📌1 қараша күні Л.Н. Гумилев атындағы Еуразия ұлттық университетінде Жошы Ұлысының 800 жылдығына және «Еуразия тарихы мен мәдениетін зерттеу» орталығының директоры, ҚР ҰҒА Құрметті академигі, «Күлтегін» сыйлығының лауреаты, т.ғ.д., профессор Сыздықов Сатай Мақсұтұлының 70 жасқа толуына арналған «Қазақ мемлекеттілігі: бастаулары, тарихи сабақтастығы және эволюциясы» тақырыбында халықаралық ғылыми-теориялық конференция өтті.
📍Конференция аясында ғылыми кітапхана тарихшы-түркітанушы Сатай Сыздықовтың еңбектерінен «Тарихты таңбалаған ғалым» тақырыбында кітап көрмесін ұйымдастырды. Көрмеге ғалымның тарих ғылымының дамуына елеулі үлес қосқан «Түркі халықтарының тарихы», «Түркілердің тарихи-мәдени мұрасы», «Қарлық-Қарахан мемлекеті», «Мәңгілік ел» идеясы: қалыптасуы, үш негізі және тарихи сабақтастығы», «Қарқаралы – Қазылық» атты ғылыми еңбектері, академиялық басылымдары, сондай-ақ «Әл-Фараби және Ұлы Дала идеясы – «Мәңгілік ел», «Абай және Ұлы дала тұлғаларының мұралары: өркениеттік сабақтастық», "Рухани жаңғыру: Алаш идеясы және мемлекетшілдік", "Рухани жаңғыру: "Мәңгілік Ел" идеологемасы" атты монографиялары мен оқу-әдістемелік басылымдары қойылды. Сонымен қатар Web of Science базасында индекстелген және Scopus базасында рецензияланған ғылыми басылымдардағы мақалалары, жетекшілік жасаған Халықаралық және республикалық ғылыми жобалары (мәтін түрінде), ғылыми-әдістемелік еңбектердің (ұжымдық) қолданысқа енгізу нәтижелері бойынша Актылардың көшірмелері, «Әділетті Қазақстан» құру тақырыбында жарияланған мақалаларымен конференцияға келген зиялы қауым, ғалымдар мен қонақтар танысып, Сатай Мақсұтұлының ғылым жолы, шығармашылығы туралы мол мағлұмат алды.

#libraryenu #enu

📌29-шы қазан күні ғылыми кітапхана қызметкерлері А.Айтуарова, Г.Оразбек, А.Аржанова Көлік-энергетика факультетінің профессор-оқытушыларына Силлабус бағдарламасына енгізілген өзгерістерге байланысты «Пәннің оқу-әдістемелік қамтамасыз етілуі» жөнінде семинар өткізді.
📍Семинар барысында кітапхананың толық қолжетімді деректер қорына шолу жасалып, тіркелу және қазақ, орыс, ағылшын тілдеріндегі электронды басылымдарға қол жеткізу, библиографиялық жазбасын көшіріп алу, сілтеме арқылы кітаптың толық мәтініне өту жолдары көрсетілді. Семинарға факультеттің пәндік кітапханашылары А.Шаяндина мен К.Омарова да қатысып, бұл семинардың алдағы уақытта да жалғасын табатындығын және оқытушыларға әрқашан көмекке келуге әзір екендіктерін жеткізді
...
📌29 октября сотрудники научной библиотеки Айтуарова А., Оразбек Г. и Аржанова А. провели семинар для профессорско-преподавательского состава транспортно-энергетического факультета «Учебно-методическое обеспечение дисциплины» в связи с изменениями, внесенными в программу Силлабуса.
📍В ходе семинара был проведен обзор базы данных библиотеки, продемонстрированы способы регистрации и доступа к электронным изданиям на казахском, русском и английском языках, копирования библиографической записи, перехода по ссылке к полному тексту книги.
📍В семинаре приняли участие предметные библиотекари факультета А. Шаяндина А., Омарова К., которые отметили, что семинар будет продолжен и на других факультетах. Библиотекари всегда готовы к сотрудничеству.

#libraryenu #enu

📌23-қазанда Ғылыми кітапханада кітап, кітапханашы мамандығы, оның қыр-сыры мен маңызы жайлы «Кітапханашы мамандығы: дәстүр, жаңашылдық және шабыт» атты ток-шоу өтті.
📍Бұл іс-шараға кітапхана қызметкерлерінің үш буыны мен 1 курс студенттері, кітап сүйер оқырмандар қатысты.
📍Кітап - білім бұлағы болса, сол білімнің көзін ашар ұстаз - кітапханашылар екендігі баршаға мәлім. Зор шыдамдылық пен асқан білімділікті талап ететін мамандықтың иелері қатысушыларға өз жұмыстары жайлы әңгімелеп берді. Жалпы кітап не үшін оқылады? Кітап оқудың пайдасы қандай? Сіз оқыған бір кітап өміріңізге қалай әсер етті? - деген сияқты қатысушылар тарапынан қойылған сұрақтарға кітапхана ісінің майталман, іскер мамандары Ж.Бекайдарқызы, А.Абибуллақызы, А.Әлиқызы, Р.Лахайбекқызы, Қ.Балғабайқызы жауап беріп, өз тәжірибелерінен қызықты әңгімелермен бөлісті. Кітапханашы жас маман Қ.Балғабайқызы әріптестерін мерекемен құттықтап, әннен шашу шашты.
📍Шара аясында филология факультетінің студенттері Ә.Асылназ, А.Нұрай, физика-техника факультетінің студенті А.Нұрсезім, журналистика және әлеуметтік ғылымдар факультетінің 3 курс студенті Х.Күзеухан кітап құндылығы жайлы өлеңдер топтамасынан үзінділер оқыды.
📍 Іс-шара барысында қатысушылар кітапханашы мамандығының ұлағат пен тәрбиеге толы, өзіне тән қызығы мен қиындығы қатар жүретін мәртебелі мамандық екендігіне тағы да бір рет көз жеткізді.

#libraryenu #enu

📌Ғылыми кітапхананың №12 оқу залында қазақтың атақты ақыны, мемлекет қайраткері Сәкен Сейфуллиннің 130 жылдығына арналған «Сәкеннің сыршыл әлемі» атты әдеби саяхат өтті.
Іс-шараға филология, журналистика және әлеуметтану ғылымдары факультеттерінің студенттері қатысты.
📍Қазақ әдебиеті кафедрасының профессоры Рахымжан Тұрысбек ақынның өмірі мен шығармашылығы жайлы баяндама жасады. Студенттер Е.Сансызбай ақынның «Нұра» өлеңінен, М.Ұзақбаева «Көкшетау» поэмасынан, Н.Жапар «Мереке майданында» атты өлеңінен үзінділер оқыды. Қатысушылар Сәкеннің қазақ әдебиеті, мәдениеті мен тарихына қосқан үлесін талқылап, ақын мұрасының бүгінгі ұрпақ үшін маңыздылығына тоқталды. Магистрант Ә.Бекмұханбетов өз шығармашылығынан «Сәкенге арнау» атты өлеңін оқыды.
📍Филология факультетінің студенттері «Тау ішінде» әнін қосыла шырқап, кешті әсерлі аяқтады.
...
📌В читальном зале №12 научной библиотеки прошел литературный экскурс, посвященный 130-летию известного казахского писателя, поэта и государственного деятеля Сакена Сейфуллина «Сәкеннің сыршыл әлемі».
📍В мероприятии приняли участие студенты факультетов филологии, журналистики и социальных наук.
📍О жизни и творчестве поэта рассказал профессор кафедры казахской литературы Рахымжан Турысбек.
📍Студенты читали отрывки из произведений автора такие, как «Нұра» Е.Сансызбай, из поэмы «Кокшетау» М.Узакбаева, «Мереке майданында» Н.Жапар.
Участники отметили вклад Сакена Сейфуллина в казахскую литературу, культуру и историю, подчеркнули важность его наследия для современного поколения.
Магистрант А.Бекмуханбетов прочитал свое стихотворение «Сәкенге арнау».
Завершили встречу студенты филологического факультета, исполнив песню «Тау ішінде».

#libraryenu #enu

📌«Ешкім де назардан тыс емес» онкүндігі аясында Ғылыми кітапхананың Инклюзивті ақпараттық ресурстар орталығы мен Жоғарғы колледж кітапханасы бірлесе отырып «Поэзия әлемінде» атты әдеби кеш өткізді.
Инклюзивті ортаны қалыптастыруға арналған іс-шараға университет пен Жоғарғы колледждің бірінші курс студенттері, университеттің «Дала сазы» оркестрі мен «Топжарған» ақындар клубы, оқытушылар және өзге де поэзиясүйер жастар қатысты.
📍Іс-шарада көрермендер Ғылыми кітапханадағы Инклюзивті ақпараттық ресуртар орталығы жайлы видеороликті тамашалап, кітапханадағы мүмкіндіктер мен ресурстар, көрсетілетін қызметтермен танысты.
Кеш шымылдығы Құрманғазының «Балбырауын» күйімен ашылып, Жоғарғы колледж білім алушылары Р.Ділдахан, Ж.Алдияр, К.Егор, Д.Ислам қазақ-орыс тілдерінде жыр оқып, өз өнерлерін ортаға салды.
📍«Өнер» орталығының жас әншісі Аяулым халық әнін шырқап, «Топжарған» ақындар клубының мүшелері мен «Тарих», «Журналистика және әлеуметтік ғылымдар», «Филология» факультеттерінің бірінші курс студенттері сүйікті ақындарының жырларын, өз өлеңдерін жатқа оқыды.
📍Кеш жүргізушілері қатысушылар арасында ақындардың жыр шумақтарынан үзінділер оқып, жалғасын айтқан жеңімпаздарға естелікке кітаптар сыйлады.
📍Механика-математика факультетінің 1-курс студенттері Ж.Мағжан мен Е.Жасұлан ән орындап, жиналғандарға керемет көңіл-күй сыйлады.
📍Әдеби кештің соңында жоғары колледждің ерекше білім беруді қажет ететін студенттеріне кітапхана бөлімдеріне экскурсия жасалды.
@_topzhargan_
@enu_library_kolledzh
@enu.college
@oner_ortalygy
@library.enu_inclusive.centre
#libraryenu #enu