Биыл шетел чемпионаттарында бақ сынап жүрген қазақ футболшыларының қатары көбейді. Назарыңызға 21 жасқа дейінгі шетелде ойнап жүрген футболшыларымыздың тізімін ұсынамыз.

🇵🇹 Ілияс Әбіл, 18 жаста – «Жил Висенте» (Португалия)

Әбіл Бірінші лигадан Португалия чемпионатына ауысты. Қазір жастар құрамасында ойнап жүр.

🇷🇺 Давид Есімбеков, 20 жаста – «Черноморец» (Ресей)

«Жетісудан» «Черноморецке» ауысып, Ресейдің Бірінші лигасында өнер көрсетеді.

🇧🇾 Мирас Көбеев, 20 жаста – «Ислочь» (Беларусь)

«Қайрат» түлегі «Ислочь» клубына ойнайды. Қазіргі уақытта Беларусь чемпионаты қазақ футболшылары үшін жақсы трамплин.

🇺🇿 Абинұр Нұрымбет, 19 жаста – «Әндижан» (Өзбекстан)

Былтыр Беларусьте ойнаған 18 жастағы Абинұр биыл мансабын Өзбекстан чемпионатында жалғастырып жатыр.

🇩🇰 Дулат Талыспаев, 19 жаста – «Хеге» (Дания)

«Атыраудың» қақпашысы Данияда «Хеге» қақпасын қорғап жүр.

🇪🇸 Данил Анкудинов, 21 жаста – «Менсахеро» (Испания)

Соңғы үш жылда төрт елді ауыстырған (Молдова, Армения, Литва, Беларусь) биыл бағын Испанияда сынап жатыр.

🇹🇷 Дінмұхамед Сайын, 19 жаста – «Самсунспор» (Түркия)

Қазақстанда Екінші лигада ойнаған Дінмұхамед Сайын қазір Түркияның жастар лигасында доп тебеді.