Type to search
Advanced channel search

Postal

Мульти-бот с премиум emoji Постинг+приветствие!
img
ad

Живые подписчики по 15 р.

Запусти рекламу в MiniApp с оплатой за подписчика
img
ad

Дешевле только даром

Быстрый набор подписчиков от 3 руб
img
ad

Һин. Шиғыр. Донъя.

@shigridonja
Channel's geo and language: Kazakhstan, Kazakh
Category: Books

Шиғырҙар һәм тәҡдимдәр: @shigridonjabot
Беҙ ВК-ла https://vk.com/shigridonja

Related channels  |  Similar channels
Channel's geo and language
Kazakhstan, Kazakh
Category
Books
Statistics
Is this your channel? Confirm Канал в реестре блогеров РКН? Confirm Channel history
79
99
86
68
56
25
Posts filter

Һин. Шиғыр. Донъя.

20 Dec, 05:15

Open in Telegram Share Report
ОСРАШЫУ👩‍❤️‍👨🛤🎭

Осраштырҙы тағы таныш ҡала.
Тик икебеҙ ике замандан.
Әллә кемдәр булып хәбәр һаттыҡ,
Ә күңелдәр йөҙ ҡат ямалған.

Хәл һорашҡан булдыҡ әҙәп һаҡлап,
Гүйә, бына мөһим мәсьәлә.
Яуап бирҙек ғорур ғына итеп,
Донъя бөтөн, ҡулдар - кеҫәлә.

Хәл һорашыу кемгә кәрәк инде?
Унан килеп нимә үҙгәрһен?
Һинең ошо ғәмһеҙ хәбәреңде
Минән башҡа кем һуң үҙ күрһен?

Бергә булмаҫҡа ла бер сәбәп юҡ...
Тик ни өсөн бергә булырға?
Йылдың-йылы исемең дә һинең
Күсә бара моңһоу бер йырға...

Барыһы ла яҡшы. Яҡшы булыр.
Әүәлгесә яҡшы буласаҡ.
Осрашыуҙың бойоҡ таты булып,
Көндәремә һағыш ҡунасаҡ.

- Ярай, һау бул!.. Иҫән генә йөрө...
(Осрашырбыҙ, бәлки, бер ҡасан?)
Был донъяла бөтөн булалманыҡ..
Бәлки, тегеһендә?
Исмаһам...

#ЛарисаАбдуллина

🤍 Һин.Шиғыр.Донъя
130 0 2 11
Һин. Шиғыр. Донъя.

17 Dec, 05:01

Open in Telegram Share Report
🤐🫂❤️

Ҡаты әйткән саҡтар була,
Әйткән һүҙ - атҡан уғым.
Туғаныма тура әйтеп,
Йәнем өҙөлгән сағым.

Ағыу өсөн түгел дәһә
Асыулы минең һүҙҙәр.
Әрләһәм дә яратҡанды
Әйтеп тора бит күҙҙәр.

Туғанлыҡтың ептәрендә
Уйнаусылар етерлек.
Арҡаға арҡа терәһәк,
Булмаҫ елдәр үтерлек.

Туғанлыҡты ерҙә боҙа,
Тәккәберлек - бер дошман.
Туғандарҙы ят итергә
Намыҫым ғына ҡушмай.

#ФәнилБүләков

🤍 Һин.Шиғыр.Донъя
234 0 1 14
Һин. Шиғыр. Донъя.

7 Dec, 05:07

Open in Telegram Share Report
🩵💜❤️

Алпан-толпан атлап ҡаршы килә,
Ҡулын һуҙып, яҡты йылмая.
Шул минутта унан матурыраҡ
Бер кем дә юҡ кеүек донъяла.

Үҙ телендә ниҙер һөйләй-һөйләй,
Күҙен ҡыҫып, серле көлә ул,
Был донъяның бөтә мәшәҡәтен
Оноттороу серен белә ул.

Кескәй ҡыҙым ҡулдарымда саҡта
Бәхетемә, гүйә, донъя тар.
Балаларым шат йылмайһын өсөн,
Тыныс булһын, бер үк, донъялар!

#ФирүзәАбдуллина

🤍 Һин.Шиғыр.Донъя
400 0 2 19
Һин. Шиғыр. Донъя.

29 Nov, 05:00

Open in Telegram Share Report
КҮҢЕЛ  АПТЫРАЙ 💫❓🤷‍♀️

Буш тор(а) алмай күңел, йә шатлыҡты,
Йә һағышты өйҙәш итә һала.
Уйынсыҡтай күреп ул шуларға
Әүрәй һала, хас та сабый бала.
Берен ала ла ул, берен һала,
Өмөт кенә өҫтә, гел уртала.
Шатлыҡ менән һағыш араһында,
Күренмәйсә генә гел бутала.
Тик тор(а) алмай күңел, йә талпына,
Үҙен-үҙе этә упҡындарға.
Һәм көнләшеп ҡарай тәбиғәттә
Тыныслыҡтың йәмен тапҡандарға.
Күңел күҙе – ике яҡлы миҙал,
Тәгәрәй ҙә, ҡолай ул, туҡтаһа.
Шул миҙалды устарына йомоп,
Йылытыусы ғынаһы юҡ таһа.
Йә шатлығын, йә һағышын асып,
Ҡояш аҫтарында йән ялтырай.
Күләгәһе уның ҡояш түгел,
Күләгәһе уның яп-ялтыр ай.

Ниңә икән? Күңел аптырай..

#ГөлнараХәлфетдинова

🤍 Һин.Шиғыр.Донъя
483 0 1 14
Һин. Шиғыр. Донъя.

13 Nov, 05:00

Open in Telegram Share Report
БӘХЕТ ТУРАҺЫНДА...🦋

Ҡояш балҡығанда йондоҙ эҙләп,
Йондоҙҙарҙа күҙләп ҡояшты,
Эҙләгәнен таба алмай ҡалғас,
Бәхет юҡ, тип берәү алдашты.

Сәскә булһа әгәр һалҡын ҡышта,
Ҡарҙар яуһа әгәр йәйҙәрҙә,
Иң бәхетле булыр инем, тине,
Булыр инем, тине, әгәр ҙә...

Бәхет нурым ҡалған үткәндәрҙә...
Киләсәктә көтә бәхетем...
Ниңә бөгөн йәшәмәйһең, тинем,
Бәхетеңдең тойоп рәхәтен?

Бәхеттең бит үҙ миҙгеле булмай,
Артыҡ сәбәп уға кәрәкмәй.
Өркөтөрһөң уны тотам тиһәң –
Бәхет бер гүзәл күбәләктәй.

Һәр кешенең күңеленә ҡуна
Был күбәләк Ергә тыуғас та.
Нескә күңеллеләр уны тоя,
Ә иҫәрҙәр эҙләй һаман да.

Бәхет ята һинең күңелеңдә,
Ыҙаланма эҙләп сит яҡтан.
Тоя белеп өйрәнергә кәрәк,
Тик шунда бәхетле атыр таң.

Тоя белһәң бәхет-күбәләктең
Тын алышын, ҡанат ҡағышын,
Эй, күңелең, шашыр, күккә ашыр
Онотоп бар булған һағышын!

Һәр бер көндә, һәр бер ваҡиғала
Күрә белһәң әгәр матурлыҡ,
Бәхетеңде тоя беләң, тимәк,
Һиндә йәшәй, тимәк, яҡтылыҡ!

#ДинәСолтанова

🤍 Һин.Шиғыр.Донъя
598 0 1 18
Һин. Шиғыр. Донъя.

12 Nov, 05:01

Open in Telegram Share Report
ЙЫЛМАЯЙЫМ 😊

Ҡулдарыма һис эш бармай,
Ҡайҙан ғына им табайым?
Әйҙә әле ҡыҙыҡ өсөн
Тирә-яҡҡа йылмаяйым!

Кәйефем юҡ, мәшәҡәт күп,
Ни арала тын алайым?..
Мин эшләмәй кем эшләһен?
Туҡта, берҙе йылмаяйым!

Һис кенә лә тынғы бирмәй
Сирем – кемгә зарланайым?
Зарланыуҙан ниндәй файҙа?
Һиҙмәһендәр - йылмаяйым!

Кемдер ғәйбәт һөйләй икән,
Нисек кенә үс алайым?
Бысранырға теләгем юҡ,
Шартлап китһен – йылмаяйым!

Абынһам да, һөрлөкһәм дә,
Үҙ юлымдан атлап киләм,
Был донъяның бар михнәтен
Мин йылмайып еңә беләм!

#ФирүзәАбдуллина

🤍 Һин.Шиғыр.Донъя
464 0 3 17
Һин. Шиғыр. Донъя.

11 Nov, 05:02

Open in Telegram Share Report
🩵🩵🩵

Зәңгәр усаҡтар.
Һаман дөрләп ялҡын сәсә һымаҡ
Икәү бергә яҡҡан усаҡтар.
Иртәһен дә, кис тә,
Онотолмай һис тә
Күҙ алдымда тора ул саҡтар.

Күпме ваҡыт үтте ул көндәргә,
Күпме ииҫте ғүмер елдәре;
Дауыл йыға алмай,
Ҡырау һуға алмай
Беҙ ултыртҡан бәхет гөлдәрен.

Йөрәгемә ялҡын өҫтәп тора
Беҙ ҡабыҙған зәңгәр усаҡтар.
Һөйөүебеҙ, иркәм.
Бөрөләнгән икән-
Ҡушылырҙар беҙҙең һуҡмаҡтар.

#ШәрифБиҡҡол

🤍 Һин.Шиғыр.Донъя
516 0 1 19
Һин. Шиғыр. Донъя.

10 Nov, 05:59

Open in Telegram Share Report
🤷🏻‍♂🌪🤷🏻‍♀

Был донъяла бөтә нәмә
Һөйөү өсөн яратылған.
Тик ғашиҡтар әллә ниңә
Аҙашҡан да таратылған.

Берәүҙәрҙе ҡауыштыра,
Һарыларға һабыштырмай.
Берәүҙәрҙе һис ҡасан да
Бер-береһен табыштырмай.

Беҙҙе лә бит осраштырҙы
Ғүмер үтте тигән саҡта.
Эҙләнгәнбеҙ әллә ҡайҙан:
Һин бер яҡта, мин бер яҡта.

#ИрекКинйәбулатов

🤍 Һин.Шиғыр.Донъя
454 0 1 12
Һин. Шиғыр. Донъя.

9 Nov, 06:04

Open in Telegram Share Report
АРАЛАРҘА АҠ ҠАҒЫҘ💬📃📝

Икебеҙҙең араларҙа
Аҡ ҡына ҡағыҙ.
Бер ни яҙманығыҙмы тип,
Аптыратмағыҙ.
Яҙырға ярамай унда,
Булмай ҙа яҙып.
Яратһаң да, йән атһаң да
Аҡылдан яҙып.
Икебеҙҙең араларҙа
Ҡағыҙҙың ағы.
Шул аҡлыҡтан күҙҙәр алмай
Килә ҡарағы.
Төшмәҫме тип араларға
Хәреф йә өтөр...
...Хыялым бит бер билдәнән
Терелеп китер.
Өмөт йәшәй күҙҙәремдә,
Ҡурҡыу - йөрәктә,
Төшөп ҡуймаһын тип шунда
Һорау йә нөктә.
Икебеҙҙең арабыҙҙа
Аҡ ҡағыҙ бите.
Әйтелмәгән, әйт(ә ) алмаған
Йәнде әрнетә.
Икебеҙҙең араларҙа
Ҡағыҙ аҡ ҡына.
Ә бит ни теләһәң шуны
Яҙыр саҡ ҡына.
Яҙған түгел, яҙылмаған
Арабыҙ - ап-аҡ.
Яҙыр инек яҙылырлыҡ
Саралар тапһаҡ...

#ГөлнараХәлфетдинова

🤍 Һин.Шиғыр.Донъя
470 0 1 22
Һин. Шиғыр. Донъя.

7 Nov, 07:03

Open in Telegram Share Report
❄️☕️😌

Ҡыш килеүен ергә хәбәр итеп,
Ойоҡһотоп яуа тәүге ҡар.
Ойоҡһотоп яуған ошо ҡарҙа
Күпме ғиффәтлек, тим, сафлыҡ бар!..

Ташлана ла шулай ҡара ергә
Тәүге ҡарҙың тәүге бөртөгө,
Төшөп етмәҫ борон иреп бөтә,
Тере ҡалмайынса бер төгө.

Ләкин күктән уның артынса ук
Башҡалары ергә ташлана,
Һәм ҡара ер тотош аҡҡа сума,
Һәр үҙгәреш шулай башлана

#РәмиҒарипов

🤍 Һин.Шиғыр.Донъя
503 0 0 20
Һин. Шиғыр. Донъя.

1 Nov, 05:08

Open in Telegram Share Report
ИКМӘК ҺАЛДЫМ 🍞🥖🕊

Мамыҡ кеүек кенә йомшаҡ булып
Ҡабарып та беште икмәгем.
Икмәк булһа - йыр ҙа булыр тиеп
Әйтмәгәндәр икән тикмәгә.

Илкәйемдә именлектәр булһын,
Тыныс булһын зәңгәр күгем дә.
Ауылымдың баҫыу-ҡырҙарында
Тулҡынланып үҫһен игендәр.

Телем-телем телдем икмәгемде
Теләктәрҙең теләп тик ағын.
Икмәктән дә бөйөк, икмәктән дә оло
Был донъяла ни бар һуң тағын?

Сабый бала кеүек бәпләй-һөйә
Мейесемдә икмәк бешерҙем.
"Икмәк булһа - йыр ҙа булыр" тигән
Мәҡәлде лә иҫкә төшөрҙөм.

Өҫтәлдәрҙә икмәк булһын әле,
Йорт-илебеҙ тойһон именлек.
Яуҙан ир-егеттәр иҫән ҡайтһын,
Һаулыҡ булһын әле иң элек,
Күңелдәрҙә булһын изгелек!

#ФәниләЙәндәүләтова
576 0 0 10
Һин. Шиғыр. Донъя.

30 Oct, 13:14

Open in Telegram Share Report
Forward from: "Йәшлек" йүкә телефоны
Хыялдарым, өмөттәрем менән
Мөхәббәтем йәнәш барасаҡ,
Күкрәгемдә йөрәк тибә икән –
Барыһы ла яҡшы буласаҡ! (Фирүзә Абдуллина).
477 0 0 10
Һин. Шиғыр. Донъя.

28 Oct, 05:00

Open in Telegram Share Report
Яҙҙар менән бергә ҡайтығыҙ 🫶☀️🧡

Быйыл тағын, мин оҙатып ҡалдым,
Йылы яҡҡа киткән ҡоштарҙы.
Яҙһын ине беҙгә күрешергә,
Үткәргәс тә һалҡын ҡыштарҙы.
Тере сылбыр булып сыңрай - сыңрай,
Осоп үтте ҡаҙҙар, торналар.
Күл - йығалар яҙын ҡаршы алыр
Һеҙҙе көтөп, имен торһалар.
Онотмағыҙ ҡоштар тыуған яҡты,
Яҙҙар менән бергә ҡайтығыҙ.
Ете диңгеҙ аша үтһәгеҙ ҙә,
Ул яҡтарға һеҙ бит ятһығыҙ...

#МөхәмәтйәрМәғәсүмов

🤍 Һин.Шиғыр.Донъя
597 0 0 16
Һин. Шиғыр. Донъя.

26 Oct, 05:59

Open in Telegram Share Report
🧍‍♂❔🧍‍♀

Минән көткән шул һүҙҙәрҙе
Үҙең әйтһәң ни була?
Беләһең бит – күп нөктә лә
Нөктә менән ябыла.

Беләһең бит - был һүҙҙәрҙең
Һинеке ҡап яртыһы.
Эҙләйекме инде хәҙер,
Табайыҡмы уртаһын?

Уртаһында өтөр түгел,
Нөктә булһа ни ҡала?
...Миңә тигән һүҙҙәреңде
Үҙем әйтһәм ни була?
Үҙем әйтһәм ни була?..

#НаиләХәмбәлиева

🤍 Һин.Шиғыр.Донъя
535 0 0 13
Һин. Шиғыр. Донъя.

25 Oct, 05:01

Open in Telegram Share Report
🤷🏻‍♂🔥💃

Һин ултырып киттең тыныс,
Тик ҡалдырып бөтә утты.
Ул ялманы бар донъямды,
Әллә ниндәй янғын ҡупты.

Әйләнеп кил, мин дөрләйем.
Утты һүндерергә кире.
Мин һөйәлгән ағас яна,
Мин баҫҡан таш аға иреп.

#ИрекКинйәбулатов

🤍 Һин.Шиғыр.Донъя
528 0 0 14
Һин. Шиғыр. Донъя.

20 Oct, 05:01

Open in Telegram Share Report
🍁🧡😌

Шаран асыҡ күңел һымаҡ был көҙ,
Сымылдыҡ та уңған, юҡ ҡорған.
Ояртыла үҫкән алмағаста
Суҡтурғайҙар, күрсе, туй ҡорған.

Сыр-сыу килә (байрам!), бер һағыш юҡ,
Ҡош баҙары тынмай баҡсала.
Һорғолт ҡына донъя йәме икән
Шул ҡоштарға, йәнем, баҡһана.

Шул ҡоштарҙа бит ул көҙҙөң йәме,
Ҡыр ҡаҙҙарын кисә оҙаттыҡ.
Асыҡ ҡалһын ҡапҡа, ситкә ҡуйсы
Тутыҡ баҫҡан ауыр йоҙаҡты.

Асыҡ ҡалһын, (ҡунаҡ көтә күңел)
Йоҙаҡ элмә, зинһар, ҡапҡаға.
...Суҡтурғайҙар туйы алмағаста,
Суҡтурғайҙар туйы баҡсала...

#АйгөлАйытҡолова

🤍 Һин.Шиғыр.Донъя
632 0 0 12
Һин. Шиғыр. Донъя.

18 Oct, 04:59

Open in Telegram Share Report
👩🏻⁉️🤷🏻‍♂

Күҙ алдымда: күҙҙәремә ҡарап
(Ҡабатланып тора, тора ул.)
Йәнең бармы, тиеп һорағандай:
Мин нисәнсең? - тиеп һорауың.

Беренсеһе микән, һуңғыһымы -
Күҙ алдымда янды мең сатҡы:
Һин меңенсе булыр инең һаман.
Һөйөү китеп, килһә мең тапкыр.

#ИрекКинйәбулатов

🤍 Һин.Шиғыр.Донъя
592 0 1 13
Һин. Шиғыр. Донъя.

17 Oct, 05:00

Open in Telegram Share Report
🍁🌤️☂️

Урамда көҙ...
Һыуыk елдәр иҫә...
Кемдер өшөй..
Кемдер hағына...
Ә мин нимә??
Мин бәхетле!!!
Минең көҙгә ҡарап...
Иҫ китә😍🤩🤗!!!

#МиләүшәСатвалова

🤍 Һин.Шиғыр.Донъя
599 0 1 10
Һин. Шиғыр. Донъя.

16 Oct, 05:01

Open in Telegram Share Report
🔐😶💭

Шар асылған күңел ҡапҡасымды
Ябып, бикләп торам келәгә...
Уйҙарымды рәткә һалыр өсөн,
Бикләнәһем килә бер мәлгә.

Һәр кем хәҙер килеп инә алмаҫ,
Ике йөҙлө дуҫтар кәрәкмәй.
Йәшәй килә аҡыл ултыра шул,
Ялған дуҫҡа урын эләкмәй.

Күпме тапҡыр ауыҙ бешкәне бар
Дуҫмын ,тигән дуҫҡа алданып...
Күңел иләгенән үткәрәйем,
Үтә  китһен  уның  ялғаны.

Туҙған уйҙар рәтләнерҙәр әле,
Ваҡыт ҡына кәрәк ипләргә.
Ә әлегә, ҡапҡастарҙы ябам,
Ныҡлы йоҙағым бар бикләргә.

Әрһеҙләшеп, асып маташмағыҙ,
Мин үҙем дә хәҙер үҙгәрҙем...
Янда булған күпме сүп-сар, ҡыйҙы
Иләк аша елгә елгәрҙем...

#ӘнисәМахийәнова

🤍 Һин.Шиғыр.Донъя
545 0 0 23
Һин. Шиғыр. Донъя.

14 Oct, 13:25

Open in Telegram Share Report
Forward from: Башҡорт донъяһы
ҒҮМЕР

Бала тыуа. Һәм асыла офоҡ
Тәҙрә уйымынан.
Офоҡ уны бүлә бар уйынан,
Бүлә уйынынан.

Офоҡтарҙан китә ул офоҡҡа,
Донъя буйлап китә.
Ҡай тарафты һайламаһын, яҙмыш
Бер үк ергә илтә.

... Бына кеше ята. Бар офоғо
Тәҙрә уйымындай.
Һәм ҡоршала офоҡ... Эй, был тормош,
Бала уйынындай.

Рәйес ТҮЛӘК.
497 0 1 17
20 last posts shown.