🌸 Жұлдыздың Жазбасы 🌸

Адамның басына келетін түрлі бәле-жаланың басты себебі - Раббысынан шағымдануы… яғни, Раббысының жазғанына, бергеніне наразы болып, өміріне шағым айта беруі…

©️Алла достары

Үйде қолданылмай тұрған әр нәрсенің ақысы бар! Олардың ақысы берілуі керек, берілмесе бере алатын адамға беру керек! Ақыретте алған әр нәрсе үшін сұраламыз. Судың да сұрауы бар деп қазақ бекер айтпаған. Бір тамшы су үшін де сұраламыз. Киімді ала беріп, оны кимесең, тоздырып ақысын бермесең онда ақысын беріп киетін адамға сыйлау керек! Не өзің кимейсің, не біреуге беруге қимайсың, бірақ бір кезде кием деп жинап қойған жылдап сандықта жатқан киімдер көп бізде)) олардың бәрі адамның энергиясын алады. Үйде толып тұрған кітаптар болса одардың да ақысы берілуі керек, оқылуы керек. Шаң басып сувенир болып тұрған Құранның да ақысы берілу керек, оқымасаң сатып алмау керек.

Кез-келген нәрсені сатып аларда “осы шынымен маған керек па? Қолданамын ба? Не үшін аламын? Мақтану үшін болса, өзімді көрсету үшін болса онда ақшамды ысырап етпейін. Сол затқа мұқтаждық болса ғана алайын” деп саналы түрде ойланып барып сауда жасауға тырысайық❤️

*Достижения человека — это не его заслуга, все от Аллаха.*

Баязид Бистами сказал: «Вначале я четырежды ошибался. Я заботился о том, чтобы помнить о Боге, познавать Его, любить Его, искать Его, а когда я подошел к концу, я понял, что Он помнил обо мне до того, как я помнил о Нем, что Его знание обо мне предшествовало моему знанию о Нем. Его любовь ко мне существовала до моей любви к Нему, и Он искал меня до того, как начал искать Его я». Он же сказал: «Я познал Бога с помощью Бога, и разве можно познать Бога иначе, как в свете самого Бога».

Раббым🤍

Мен ренжімеуді таңдасам да, ренжіп қоя беремін. Маған ренжімеуді, адамдардан күтпеуді, жақсы құл болуды үйретші. Сенің алдыңда өте әдепті, тәртіпті құл болып, тыйымдарыңа көркем түрде бағынғым келеді Раббым.

Раббым, мен өзіме залал келтіріп жүргенімді білемін. Көзімді шел баспай, дүниеге мас болмай, Өзің берген хақ жолдан адаспасам екен. Ешкімді өсектеп-сөккім, тілдегім келмейді. Тіліме әсемдік бер. Аузымнан тек әдемі сөздер шықса екен..

Раббым, мен көңілге алғышпын. Жібектей жұқа көңілімді Өзіңе ғана байлашы. Әйтпесе сәл нәрсеге жылауық болыппын. Жүректерді Басқарушы Өзің ғой, менің көңілім де, жүрегім де Өзіңдікі…Ендеше саған тапсырдым.

Аллаһым, ақиқаттың ақ жолынан адастыра көрме. Сенің ақ дегеніңді ақ, қара дегеніңді қара деп танығым келеді. Сенің үкімдерің мен заңдарың- ең жеңіл жол. Сен ешқашан маған қиындық қаламағансың…

Раббым, құлшылықтарыма бекем болғым келеді. Таң намаздарына ұйықтап қалмай, берекесіне бөленіп, әр күнімді разылықпен өткізсем деймін. Сен осыған көмектесші.

Раббым, Құранға деген махаббатым ашылғанын қалаймын. Кемеліне жеткізіп, әр аятты махаббатпен оқуды және оқығаныма амал етуді нәсіп етші. Сол Құран- менің өмірдегі әрекеттеріме әдемі ықпал етсе екен..

Раббым, сүйген, жақсы көрген адамымды сақташы. Оның жүрегінен Саған деген махаббатты тапқым келеді. Сенің “оған көрсет” деп берген махаббатыңды ол кісіге һайырлы, нәзік етіп жеткізгім келеді.

Аллаһым, біреудің бір-екі қателігін көріп, ол кісіні жек көргім келмейді. Маған адамдардың қателігін көрмейтін, кемшілігін жасыратын сипат берші. Үнемі жақындарымды ақтап жүрейінші.

Раббым, сенің алдыңда өте тыныш, әдепті құл болайыншы. Ешкімге зиянымды көрсетпей, ешкімнен зиян көрмей, тәртіпті ғұмыр сүргім келеді.

Раббым, жүрегімді дүниеге деген махаббаттан, дерттен сақта. Сенің Мутакаббир есіміңнен таласқым келмейді. Расыңда Паң, Асқақ ол - Сенсің. Және бәрі сенікі🤍

Раббым маған сүюді үйрет. Сенің есіміңсіз ас ішпеуді, Сенің есіміңсіз үйге кірмеуді, Сенің есіміңсіз көлікке отырмауды, Сенің есіміңсіз бір іс бастамауды үйрет. Ғұмырымның әр сәтінде Өзің болғаныңды қалаймын Раббым.

Құрметпен, сенің кішкентай, әлсіз, мұқтаж құлың…

*Сәлемнің маңыздылығы:*
Әбу Һурайра (р.а.) риуаят еткен хадисте Пайғамбарымыз (с.ғ.с.) айтты:
*“Сендер бір-бірлеріңе сәлем бермейінше, жәннатқа кірмейсіңдер”* (Муслим).

Абдулла ибн Амр (р.а.) риуаят еткен:
“Бір адам Пайғамбарымыздан (с.ғ.с.): «Исламда қандай амал жақсы?» – деп сұрады. Пайғамбар (с.ғ.с.) былай деп жауап берді: «Аш адамдарды тамақтандыру және танысаң да, танымасаң да, (кез келген адамға) сәлем беру»”.

Ассалаумағалейкум уа рахматуллахи уа барокатух - Аллаһтың сізге берекеті мен мейірімі болсын!

Осыған мысалы былай, біреу “ассалямуалейкум” десе - сіз одан да жақсырақ жауаппен қайтарыңыз дегені “ассалямуалейкум уа рахматуллахи уа барокатух” немесе дәл өзіндей қайтаруға болады. Сәлеметсіз бе десе күлімсіреп сәлем қайтару деген сияқты)

*“Егер сендерге біреу сәлем берсе, одан да жақсырақ сәлеммен жауап беріңдер немесе дәл солай қайтарыңдар. Шүбәсіз, Алла – әрбір нәрсенің есебін алушы”*
(Ниса сүресі, 86-аят).

Кәһф сүресін Жұма күні оқыған адам келесі жұмаға дейін *нұрға* бөленеді✨

Қиындықтар кезінде Алла елшісінің ‎ﷺ әрекеті қандай болды?

Хузәйфә ибн әл-Иәмән (Алла оған разы болсын) былай дейді:

“Пайғамбарымызды ‎ﷺ бір іс қапаландырып, әлекке салса, ең алдымен намазға қарай асығатын”.

(Әбу Дәуд)

(РИЗЫҚ КІЛТТЕРІ📚)

Пайғамбарымыздан рияуат етіледі:

«Алла Тағала сендердің біреулерің бір іс істесе, оны шеберлікпен, мүлтіксіз орындағанын жақсы көреді».

(Хадис, Табарани📚)

✨Білесіз бе?!

•Алланың әр жаратылысы сіздің әр әрекетіңізге куәгер болатынын;

•Алланың әр жаратылысы өзінің тілінде Жаратқан Раббысын ұлықтап,мадақтап тұратынын;

•Алланың әр жаратылысы біздің яғни,” адамзат”-тың игілігі үшін жаратылып, соған қызмет етіп тұрғанын.😍

Жұма мүбәрак🌷

«Тәж әл-ғарус»
(Тақуалық пен мінәжат жайлы кітап)
Авторы – Имам ибн Атаилла әс-Сәкәндари (рахимаһулла)

Әрдайым жақсылыққа кенелгің келсе мына бір дұғаны айт: «Уа, Аллаһым! Мен Сенен сүйікті елшіңе ісіммен де, сөзіммен де еруімді сұраймын».

Жүрек – Аллаға құлшылық ету арқылы суғарылатын бір тал. Көздің жемісі – жаратылысықа қарап пікір қылу. Құлақтың жемісі – құран тыңдау. Тілдің жемісі – зікір. Аяқ-қолдың жемісі – ізгілік жасау.

Дүниенің мысалы үлкен бір қора секілді. Бірі өзіне пайда болар, кейін рахатынан көретін төрт-түлік бағып өсірсе, басқа бірі ертең өзіңе зиян беретін жыландар мен шаяндарды бағады. Төрт-түлік бұл –құлшылық. Жылан-шая бұл – күнәлар. Ертең өзіңе зиян беретін амалдармен өз қораңды толтырып алма.

Бір хадисте: « Дүние – тәтті де тартымды» делінсе, басқа бір хадисте «Дүние – жиіркенішті бір өлексе іспетті» делінді. Қалай бір ғана дүние екі хадисте бір-біріне қарама-қарсы мағынада айтылып тұр?!

Яғни, дүние ғапылеттегі адам үшін – тәтті де тартымды. Ойланатын ақыл иесі үшін – өлексе іспетті бір лас нәрсе.

Әрдайым ояу халде бол. Ғапылда қалып қойма. Ұрылар үй иесі ұйқтап жатқан кезде ғана ұрлыққа түседі. Шайтан да дәл солай. Мүмін ғапылда болған кезде азғырып, өз арбауына түсіреді.

Ақырет амалдарын бірінші орындаудың орнына, дүние істерімен әлек болған адамның мысалы мынандай:

Аш арыстан алдына келіп, жеп қойғалы тұрса, бір маса келіп шағып алады, ал ол адам арыстанды ұмытып, масамен әлек болып кеткендей. Масаны қоя тұр, алдыда сені арыстан күтіп тұр.

Пенде намаз оқиды. Бірақ кейде намазы қабыл болуға жарамсыз. Ал егер намаздан соң истиғфар айтса, Алла сол намазын қабыл етуі мүмкін. Намаздан кейін бірден тұрып кетпей, артынша истиғфар қыл.

Сенің үш досың бар:

1. Дүние – сен өлгенде-ақ сені тастап кетеді.

2. Отбасың сен өлгеннен кейін қабірге дейін жаныңда болады.

3. Жақсы амалдарың – сен өлгеннен кейін де сенің жаныңда болады.

“Әдәбу сухбат әл-Әбрар”
(Ізгілермен достық құру әдебі)

📌Бауырларыңа кешірімді бол:

Фудайл ибн Ғияд бір сөзінде былай деген:
*«Шынайы батырлық – бауырларыңның қатесін кешіру».*

Имам Сәри әс-Сақати өзінің бір сөзінде: *«Ізгілердің ең көркем мінезі – бауырларына сау жүрекпен, шынайы ықыласпен қарым қатынас құру»* дейді.

📌Талас-тартыстан аулақ бол:

Бауырларың ренжітсе, қателерін кешір. Артық сөз таластыруға апарма. Өйткені пайғамбарымыз ‎ﷺ өзінің бір хадисінде: «Туралық нәсіп етілгеннен кейін де адасқан қауымға талас-тартыс нәсіп етіледі» дейді.

📌Қарапайым бол:

Пайғамбарымыз ‎ﷺ: «Аллаһ Тағала маған «Сыпайы болыңдар, ешкім ешкімге даңдайсымасын және ешкім ешкімге зұлымдық жасамасын!» деп бұйырды» деген.

*Қарапайымдылық деген – тәкәппарлыққа берілмеу. Өзіңді басқалардан жоғары қоймау.*

Қарапайымдылық – ең ұлы нығмет. Әрі басқалардың қызғанышына ұшырамайтын нығмет. Адамдар сендегі барлық нығметті көреалмауы мүмкін. Тек қарапайымдылықтан басқа. “Неге ол қарапайым, неге мен қарапайым емеспін”– деп, саған ешкім қызғаныш көзін салмайды.

Әл-Мубаррид өзінің бір сөзінде:
*«Иесін басқалардың қызғанышына душар етпейтін жалғыз нығмет – қарапайымдылық»* дейді.

📌Бауырларыңды зиярат етіп тұр:

Абдулла ибн Масғуд (радиаллаһу анһу) өзінің бір сөзінде: *«Бір бауырымызды ұзақ уақыт көрмей кетсек, өзіміз барып іздейтін едік»* дейді.😍❤️