​​Саясат - сары аяз,
Санамды құл еткен,
Көбік сөз, ой таяз,
Шықпаған жүректен...

Бүгінгі күй осы,
Қоғамның дерті ауыр,
Биліктің жүйесі,
Сенімсіз ол жауыр.

Қанағат қарын тоқ,
Пенделік озып тұр,
Санамда уайым көп,
Төзімім тозып құр.

Сабырға жеңдірсем,
Санамда қорқыныш,
Ақылға көндірсем,
Болсыншы ел тыныш.

Ертеңді ойласам,
Санада сан сұрақ.
Тілімді толғасам,
Барады қансырап.

Осылай кетсе егер,
Тұра ма жан шыдап?
Бір Алла берсе екен,
Еліме тамшы бақ!

Жерімнен садаға,
Бір шөбін жұлдырман,
Қара жер анаға,
Қараулық қылдырман.

Тастамас додаға,
Намысын будырған.
Түсірер тобаға,
Батырын тудырған...

Бұл жерім ұжмақ-ты,
Қазағым қонсын тек,
Бұл елім қуатты,
Мəңгілік болсын тек!

Аятжан Ахметжанұлы
2016 жылы сәуір
#өлең
#мінез
#Аят