БАШҠОРТСА ХИКӘЙӘЛӘР

Ғүмеремдең төрлө сағы булды,
Уҡмашҡаны булды яҙ, ҡышым,
Көн менән төн алмашҡаны булды –
Төрлө кәртә ҡорҙо яҙмышым.

Ул ҡолата һуҡты – тороп баҫтым!
Ул үлтерҙе – ҡабат терелдем!
Иң ауырын бирҙе юғалтыуҙың,
Йәшәү ҡәҙерҙәрен мин белдем.

…Рәхмәт менән таңда күҙем асам,
Шөкөр итәм тапҡан малыма,
Шуға күрә бәхет һандуғасым
Һайрай ҡунып күңел талыма.

Шуға күрәм донъя матурлығын!
Беләм туған-дуҫтың ҡәҙерен!
Шуға һәр саҡ аяҙ күңел күгем,
Ошо хаҡта булыр нәҙерем.

Шөкөр – донъяларҙа йәшәп ятам,
Камил аңым, теүәл ағзалар,
Һулар һауам таҙа, һыуым – татлы,
Урап үтә, шөкөр, ҡазалар.

Риза булып йәшәү – үҙе бәхет,
Рәхмәт ишетеүе – һай, рәхәт!
Рәхмәтлемен бөгөн яҙмышыма,
Эй, Хоҙайым, һиңә мең рәхмәт!

Фирүзә Абдуллина.

Изге айҙар тағы үтеп бара,
Доға йөрөй күкте уратып,
Бәндәләргә шатлыҡ, бәхет теләп,
Иман нурын Ергә таратып.
Тотҡан ураҙалар ҡабул булып,
Сауаптарын насип итһендәр,
Изге теләгебеҙ бер Аллаһҡа,
Тәңребеҙгә барып етһендәр.
Сырхауҙары баҫһын аяғына,
Ир - егеттәр еңеп ҡайтһындар,
Аңһыҙ ҡазаларға юлыҡтырмай,
Таңдарыбыҙ имен атһындар.
Әсәләрҙең ҡайнар күҙ йәштәрен,
Түктермәсе, Хоҙай, ярлыҡа,
Сабыйҙарҙы етем итә күрмә,
Дусар итеп йәбер, аслыҡҡа.
Яҡты Ҡояшыбыҙ һүрелмәһен,
Төндәребеҙ аяҙ булһындар,
Иман, тәүфиҡ күндер бәндәләргә,
Күңелдәре нурға тулһындар.

*ТЫНЫС ҠЫНА ТОРҺОН ДОНЪЯЛАР,*
🤗🤗🤗
*ҠАБУЛ БУЛҺЫН ҠЫЛГАН ДОҒАЛАР.*
🤲🤲🤲
*ӘСӘЙ БАЛАҺЫН НАҘЛАП УЯТҺЫН,*
🧚‍♂️🧚‍♂️🧚‍♂️
*ИЗГЕ ХӘБӘР  МЕНӘН ТАҢ АТһЫН*
🥰🥰🥰
*"АЛЛАҒА ШӨКӨР"- ТИП УЯНАЙЫК,*
💓💓💓
**ЯҠТЫ* *КӨН* *КҮРГӘНГӘ* *ҠЫУАНАЙЫҠ*
😂😂😂
*"БИСМИЛЛАҺ*ТИП БАШЛАНҺА*
*ИРТӘЛӘР,*
👍👍👍
*"ӘӘМИИН -ТЕЙЕР БЕҘГӘ ФӘРЕШТӘЛӘР.*
🤗🤗🤗

САБЫР БУЛАЙЫҠ!

🙏🏻 Кешеләрҙән зыян күп күргән булһағыҙ, ағайҙарының көнсөллөгө, хыянаты арҡаһында күпме ауырлыҡтар күргән Йософ пәйғәмбәрҙе иҫкә алығыҙ.

🙏🏻 Бик ауыр хәлдә ҡалһағыҙ, океан һыуы аҫтындагы кит ҡарынында ҡалған Юныс пәйғәмбәрҙе хәтерләгеҙ! Һеҙҙең хәл ниндәй генә ҡатмарлы булһа ла, уныҡы ише үк түгел инде.

🙏🏻 Кемдер ғәйбәтегеҙҙе һатып йөрөй икән, Ғәйшә анабыҙҙы иҫкә төшөрөгөҙ. Уны ла урынһыҙ ғәйбәт менән кәмһетергә тырышҡандар бит.

🙏🏻 Әгәр ҙә ауырыу тәнегеҙ ауыртыуҙарҙан һыҙлана икән, Әйүп пәйғәмбәрҙе иҫкә алығыҙ. Уның һыҙланыуҙары һеҙҙекенә ҡарағанда күпкә ауырыраҡ булған.

🙏🏻 Әгәр ҙә ниндәйҙер эштең барып сығасағына шикләнәһегеҙ икән, Нух пәйғәмбәрҙе хәтерләгеҙ. Ул бер нимәгә ҡарамай үҙ кәмәһен төҙөгән бит.

🙏🏻 Әгәр һеҙҙән яҡындарығыҙ көлә икән, күпме мыҫҡыллап көлөүҙәргә түҙгән пәйғәмбәребеҙ МӨХӘММӘТ Мостафа саллАЛЛАҺУ ғаләйһиәссәләмде иҫкә алығыҙ.

Аллаһы тәғәлә пәйғәмбәрҙәргә һынауҙарҙы беҙ уларҙан үрнәк алһын өсөн, сабырлыҡ күрһәтһен өсөн биргән бит инде!

Хәйерле көн, ҡәрҙәштәр! Оҙаҡламаҫ, килер яҙ тыуған төйәгебеҙгә лә!😊😊😊😊😊😊
Ә бында көндәр йылытты: көндөҙ 16 градусҡаса йылы.

Нимә генә тимәһендәр шулай ҙа сдобный ҡамырға еткән ҡамыр юҡтыр ул...Тәме лә тәмле, формаға килтереүгә лә йәтеш.
1 литр һөттө һәм 3 стакан шәкәрҙе(шәрбәт яратмаһағыҙ күләмен кәметергә була) ҡайнатып, һыуытырға.Йылымыс һөткә бер пакетик ҡоро сүпрә(дрожжи) йәки бер кәсә сүпрә, 1 стакан он ҡушып, болғатып, ҡабартырға йылы урынға ҡуябыҙ. Ҡабарып сыҡҡас 250 грамм йомшаҡ майҙы, 3 йомортҡаны һалып, бер аш ҡалағы тоҙ ҡушып, ондо яйлап өҫтәй барып, йомшаҡ ҡына итеп ҡамыр баҫабыҙ. Берәр сәғәткә урап, ҡабартырға ҡуябыҙ. Әҙер ҡамырҙан пирогтар ҙа, булочкалар ҙа эшләргә була.Майға бешерһәң дә ныҡ тәмле килеп сыға.Ҡайнатылған һөттөң тәме үҙенсәлекле нотка өҫтәүе менән бик оригиналь. Табаны майлап, булочканы теҙер алдынан бер аш ҡалағы һыу ҡойоп ебәрһәң, улар һутлыраҡ булып бешер. Эшләгән пирог-ләүештәрегеҙҙе шунда уҡ духовкаға тыҡмай,берәй 10-15 минут ҡабартып алһаң, һәм тығыҙлап һалмай урын ҡалдырыбараҡ теҙһәң,йомшағыраҡ була, күпереп бешә.Әйберегеҙ бешә торғансы, ярты стакан һөт менән ике аш ҡалаһы шәкәрҙе 2 минут тирәһе ҡайнатып, әҙерләп торорға. Бешеп сыҡҡан булочканың өҫтөнә һөртәбеҙ. Яп-ялтыр булып, күҙҙең яуын алып торор.

Мин яратам яҙҙың матурлығын,
Умырзая сәскә атҡанын.
Ҡар һыуҙары менән боҙҙар ярып,
Йылғаларҙың ташып аҡҡанын.

Мин яратам бар эшемде ташлап,
Ҡоштар тауыштарын тыңларға.
Яҙғы ҡояш нурын өләшкәндә,
Уның йылыһына һыйынырға.

Мин яратам бәпкә үләненән,
Ялан тәпәй генә атларға.
Муйыл, сирен сәскә атҡан саҡта,
Һәр таждарын еҫкәп ҡарарға.

Мин яратам яҙҙы ,сөнки унда,
Минең әсәй тыуған доньяға.
Никах көнөбөҙҙә яҙын булды,
Әсәй булдым яҙын өс балама.

Һәр миҙгел дә матур ,әммә миңә,
Яҙ сафлығы ғына иң яҡыны.
Унда булған һәр бәхетле көнөм,
Күңел түрҙәремдә һаҡлана.

Мин яратам яҙҙың матурлығын,
Күк сәскәле тауға менергә.
Аллаһ япҡан ошо матурлыҡты
Балаҫ итеп биҙәп еремә.

Фәниә Сыңғыҙова(Мөхәмәтшина)

✅Ҡайын бөрөһөн иртә яҙҙа - ағастарҙа һут әүҙемләшкән мәлдә (март урталарында, ҡайһы бер яҡтарҙа - аҙағында) - йыйырға кәрәк. Был ваҡытта бөрөләр ыҫмалалы һәм хуш еҫле, тик әле асылып етмәгән - тимәк, иң ҡулай мәл. Иртәрәк өҙгәндә лә файҙалы матдәләре әҙ буласаҡ, һуңға ҡалырға ла ярамай.

Үҙ ваҡытында йыйылған бөрөлә эфир майҙары, С витамины, каротин, алколоидтар, май кислоталары бар, микроэлементтар күп. Файҙалы үҙенсәлектәренән елһенеүгә ҡаршы тороусанлығын һәм бактерияларға ҡаршы көрәшеүҙә, шулай уҡ яраларҙы уңалтыуҙа һөҙөмтәлелеген атап китергә кәрәк. Ҡайын бөрөһөнән яһалған төнәтмәне сыйылған, ярылған, ҡырҡылған тирегә ябып дауалауҙы электән белгәндәр. Бынан тыш, бөрөләр ашҡаҙан-эсәк юлы эшмәкәрлеген яйға һалыуға булышлыҡ итә, бауыр, бәүел ҡыуығы сирҙәрендә, ревматизм, подагра булғанда һөҙөмтәле ярҙам итә. Составында флавоноидтар, эфир майҙары булғанлыҡтан, уны бәүел һәм үт ҡыуҙырыусы сара итеп тә файҙаланырға мөмкин.