Мемлекет басшысы Ауыл шаруашылығы еңбеккерлерінің бірінші форумында еліміздегі жан-жақты реформалар жалғасын табатынын айтты.
«Бізде елді одан әрі жаңғыртуға қатысты нақты бастамаларымыз және оған қатысты нақты шешімдеріміз бар. Қазір оны мұқият зерделеп жатырмыз. Бәрін келесі жылы назарларыңызға ұсынатын боламын. Кейбір бастаманы әдеттегідей Ұлттық Құрылтайда жариялаймын. Оның кезекті отырысы Бурабайда өтеді. Қалғанын жыл сайынғы Жолдауымда айтамын» - деді Президент.