Путиннің Астанадағы сапарына қарсылық білдірген көкшетаулық мына үш белсендіге — Марат Жанұзақов, Бауыржан Балташев пен Уәлихан Нығметовке полиция "ұсақ бұзақылық жасады" деп айып тақты. Олар балағат сөз жазылған плакат ұстап тұрып суретке түскен. Плакатта "х....о, пошел вон из Казахстана" (х.....o, Қазақстаннан жоғал!) деп жазылған.

— Біз 27 қараша күні үйіміздің жанында әншейін Қазақстан және Украина туын ұстап тұрдық. Ештеңе деген жоқпыз. Сосын полиция шақырып алып, кешкі сағат 9-ға дейін ұстап отырды. "Ұсақ бұзақылық" бойынша хаттама толтырды. 28 қараша таңертең сот болады, — деді Марат Жанұзақов Азаттыққа.