ұстаз Ерсін Әміре

Артыңа алғыспен, алдыңа үмітпен, жан-жағыңа махаббатпен қара.

- ұстаз Ерсін Әміре
t.me/yersin_amire

Шынайы тақуалардың сипатынан:

- өзіне қатысты болмаған нәрсемен айналыспайды
- өзіне жететін нәрседен артыққа шаршамайды
- өзі мұқтаж болмаған нәрсені алмайды
- өзіне тапсырылған нәрсені тастамайды
- адамдар одан амандықта, рахатта; нәпсісі одан шаршауда, қиыншылықта.

Яғни, шынайы тақуа адам, бұл - адамдар оның тілінен, қолынан рақат тапқан, тыныштықта, амандықта болған, ал нәпсісі одан қиындық көрген, шаршаған адам.

Біз, өкінішке орай, зиянымыз адамдарға тиеді, адамдарды шаршатамыз, ал бірақ нәпсімізді рахаттандырып, демалдырып қоямыз. Шынайы Алланың тақуа құлдары, Алланың достары керісінше болады.

- ұстаз Ерсін Әміре
«Рисалятуль мустаршидин» дәрістерінен
t.me/yersin_amire

Кімде-кім айыпсыз дос іздесе, жалғыз болып өтеді.
Кімде-кім кемшіліксіз жар іздесе, бойдақ болып өтеді.
Кімде-кім проблемасыз өмір іздесе, бұл дүниеге келмей-ақ қойсын!

• ұстаз Ерсін Әміре
t.me/yersin_amire

Адамдардың қияметте ең көп айтатын сөзі: “Ертең, ертең” деген сөз мені құртты, мені осы жағдайға түсірді.
Қанша адамдар “Ертең, ертең” деп жүріп өлімнің қалай келіп қалғанын білмейді.

Имам Әбу Хамид әл-Ғазали (Алла оны рақым етсін) осыған қатысты айтады: Негізінде адам шәһуат талына балта шауып, Алла жолында болуы керек. Бір адам бойында күш-қуаты бар кезде қолына балтасын алып келіп бір шыбықты шаппақшы болды. Сөйтті де, ерініп, кейінірек шабамын деп кетіп қалды. Бірнеше жылдан кейін қайтіп келді. Бұның бойынан күші кетті, әлгі шыбық тал болды, бұл болса бойынан күші кетіп шал болды. Сол кезде әлгі балтамен шабамын деген адамға ұқсайды. Шыбық күн өткен сайын күшейе береді, үлкен талға айналады. Ал, жігіт болса күші кеткен сайын, күн өткен сайын шалға айналады. Шал болған кезде, ол әлбетте ана талды шаба алмайды.

Сол секілді бүгін шәһуатыңды жеңе алмасаң, ертеңге қалдыратын болсаң, сен тағы бір күнә жасадың. Күнә жасаған сайын жүрегіңе бір дақ түсті. Тағы ертеңге қалдырдың — тағы жүрегіңе дақ түсті. Сөйтіп жүрек қатая береді, нәпсі күшейе береді, шайтан семіре береді, сен әлсірей бересің. Бүгін саған қиын болған нәрсе бір айдан кейін ешқашан жеңіл болмайды. Алла Тағала құлшылықтардың нәпсіге жеңіл болған күнін жаратқан емес. Ондай күн жоқ. Бүгін саған қиын болған құлшылық, ертең де қиын болады, одан арғы күні де қиын болады. Себебі Алла Субханаһу уа Тағала ондай бір күнді жасап қойған жоқ, сол күнге келген кезде бүкіл жақсы амалдардың барлығы жеңіл болып қалады, жаман амалдардың барлығы саған жиіркенішті болып кетеді. Ондай күн жоқ. Әр күні шәһуат бар, әр күні шайтан бар. Сол үшін де адам үмітің қысқартып, амалын жасауы керек.

ұстаз Ерсін Әміренің «Рисалятуль мустаршидин» кітабы бойынша өткен дәрістерінен
t.me/yersin_amire