Армысыздар, құрметті канал оқырмандары! Сіздердің жүрекжарды тілектеріңіз бен ыстық ықыластарыңызға Ұстаз дән риза! Баршаңыздың отбасыларыңызға береке-бірлік орнап, Жаңа Ғасыр Ілімі сіңе берсін деп тілейміз!
Қыс бойғы жұмысымыз Ұстаздың аудио-бейне жазбаларын сүзіп, қағазға түсіруге кетті. Маған көмектескен Нұрлан, Жанна, Нұрсәуле мен Ізтілеуге алғысым шексіз. Бұл жазбалар 400 беттің үстінде көлемді кітап боп шығатын шығар. Жазбаларды қотарудың тым баяу болуының себебі бар.
Ұстазбен Сұхбат бейнежазбасын қағазға түсіру барысында ондағы ақпараттар әр адамға түрлі-түрлі боп естілетініне куә болдым. Нұрсәуле мен Ізтілеу жазған тексттен үзінді:
2-окт 2005ж. Сағ:18-35
Ұстаз: «...Кішкентай міне қыз бала 10 тілді біледі. Бұны қайдан меңгерді? Мүмкін бұрын тілашар болған болар...»
Мен естігенде:
Ұстаз: «...Анау кішкентай қыз бала опералық дауыспен ән салады! Бұны қайдан үйренді? Бұрынғы өмірде әнші болған. Мүмкін біздің Күләшіміз оралған шығар?»
Менің құлағыма Ұстаздың дауысы осылай естілді.😊
Сіздерге "Ұстаз бен шәкірт" кітабынан үзінді жариялаймын. (Ұстаз бен шәкірт атауы қысқартылып бас әріппен берілді)
02. 10. 2005 жыл, Кешкі уақыт, сағат: 18:28.
Ұ.: Бұрынғының билері ұстаған сөз құдыретіне енді біз жетеміз бе жоқ па?! Сөз – ол үлкен күш. Үлкен болған да сұмдық күш. Бұрын тіпті сөзбен адамды көтеруге де, өлтіруге де болатын еді. Ал, сөздің құрамы, әсіресе қазақ сөзінің құрамы – Ғарыштың толқындарының бір шеті. Бұны қалай болғанда да қайтадан жандандыру керек! Осы қазақтың сөйлеу шеберлігін.
Ш.: Сөзден қорқатын деңгейге жеткізу керек қой.
Ұ.: Иә, адам сөзден қорқатын, не сөзден көтерілетін, рух алатын, шарапсыз, наркотиксіз сөзден ләззат алатын деңгейге жеткізу керек. Сөздің дәмін алып, тамсанып отыратын күйге көтеру керек.
ҚАЗАҚТЫҢ ТІЛІ – АЛТЫНШЫ САТЫНЫҢ НАҒЫЗ ОМЫРТҚАСЫ. ҚАЗАҚТЫҢ ӘНІ, ҚАЗАҚТЫҢ ЖЫРЫ, ҚАЗАҚТЫҢ ТІЛІ СӨЗСІЗ КӨТЕРІЛЕДІ. БҰЛ ОМЫРТҚАНЫҢ БАСЫ – ҚАЗАҚТЫҢ КҮЙЛЕРІ. КЕЙБІР КҮЙЛЕРДЕН ТІПТІ ҚАЗАҚТЫҢ СӨЗІ ЕСТІЛЕДІ ҒОЙ. МЫСАЛЫ: «АМАН БОЛ ШЕШЕМ, АМАН БОЛ» ДЕГЕН. СОДАН КЕЙІН БӘРІ ДЕ БІРДЕЙ ӨСУІ КЕРЕК – СӨЗ БАЙЛЫҒЫ, ӘН БАЙЛЫҒЫ, КҮЙ БАЙЛЫҒЫ. СОНДАЙ ДАМУМЕН АЛТЫНШЫ САТЫ ҚҰРЫЛАДЫ.
АЛТЫНШЫ САТЫ – ҚАЗАҚ ЕЛІНІҢ ӨРКЕНИЕТІ. ТІЛ БОЛМАСА ӨРКЕНИЕТ ТЕ БОЛМАЙДЫ.
Бұрын күйреп жатқан, ұмытыла бастаған күйлеріміз қазір дамып бара жатыр. Екіншіден әндеріміз де қазір ақырындап көтерілу үстінде. Қаншама жас әншілер шықты! Мінекей қазақтың ән-күйлері мен қосылғаннан кейін, енді дами береді.
Қазір Қазыбек би, Төле би, Абылай хан, Дәулеткерей, Құрманғазы, соқыр Есжан, Біржан сал, Ақан сері бәрі де Жер дүниеде. Олар өскеннен кейін қабылет-дарындары модульден шығады.
Еш жерде жазылмаған білім менен қалай шықты? Еш жерде жазылмаған! Қайдан шықты?
Ол – жазмыш. Жазылған программа. Ал, олардың программасы – өмірін ән мен жырға арнау. Қазақтың өнерін дамыту.
Ш.: Ақындарды «жанынан шығарып айтады» деген қазақта сөз бар ғой...
Ұ.: Сонда бәрі де шығады. Осы ғасырда енді Қазақ мәдениетінің көтерілуі болады. Көтерілгенде төбеге шейін көтеріледі. Бар Жер дүние соған бағынады. Соған құмар болады – қазақтың әндері мен күйлеріне. Тіпті қазір де құмар болып жатыр. Балалар жәй қарапайым балалар Голливудқа барып алтын медальдарды алып келіп жатыр, Жай қарапайым музыканттар Парижге барса да Брюссельге барса да, ду қол шапалақ. Зал өліп жатыр. Олар үшін қазақ өнерінің бәрі де жаңа бір Әлем сияқты.
Ш.: Қазіргідей Парламентте сөзін өткізе алмай, шырылдап жүретін қазақ тілді депутаттардың күні кетіп, болашақта ауызы дуалы, сөзі уәлі билер мен шешендер шығады ғой?
Ұ.: Шығады. Қазір бостандық келді. Бұрынғыдай бәрінің ауызын жабатын, құртатын КГБ жоқ. Қазір қалталы адамдардың дәурені басталып жатыр. Халықтың тұрмысы ақырындап орнына келуде. Енді адамның қарны тоқ болғаннан кейін: «маған да тамақ бер» деп жаны да сұрайды ғой.