ГҮЗЕ КҮНДЕ ЕМЕС СЫНАР КҮНИНДЕ.
Баслаған соң қайтқан жаман кейинге,
Аўыр жүкти алғаннан соң ийинге,
Ақыл менен шешиледи түйинде,
Гүзе күнде емес сынар күнинде.
Дана адам жетик болар билимге,
Себеби ол суўғарылған илимге,
Жаманның шийкиси шығар түбинде,
Гүзе күнде емес сынар күнинде.
Пал тамбаса сөйлегенде тилиңде,
Болмас ҳасла берекетте үйиңде,
Ҳәр истиң өними билгил жүйинде,
Гүзе күнде емес сынар күнинде.
Жаман әдет тийген кеўил, зейинге,
Ҳәмме нәрсе байланыслы пейилге,
Жаман нийет болса егер мийиңде,
Гүзе күнде емес сынар күнинде.
Қатты кетсең бир күн таяр күйиңде,
Күй тайған соң билинеди кириңде,
Берекет адамның маңлай теринде,
Гүзе күнде емес сынар күнинде.
Ансатбай Каражанов
27.03.2023
Канал силтемеси👇
http://t.me/Ansatbai
Баслаған соң қайтқан жаман кейинге,
Аўыр жүкти алғаннан соң ийинге,
Ақыл менен шешиледи түйинде,
Гүзе күнде емес сынар күнинде.
Дана адам жетик болар билимге,
Себеби ол суўғарылған илимге,
Жаманның шийкиси шығар түбинде,
Гүзе күнде емес сынар күнинде.
Пал тамбаса сөйлегенде тилиңде,
Болмас ҳасла берекетте үйиңде,
Ҳәр истиң өними билгил жүйинде,
Гүзе күнде емес сынар күнинде.
Жаман әдет тийген кеўил, зейинге,
Ҳәмме нәрсе байланыслы пейилге,
Жаман нийет болса егер мийиңде,
Гүзе күнде емес сынар күнинде.
Қатты кетсең бир күн таяр күйиңде,
Күй тайған соң билинеди кириңде,
Берекет адамның маңлай теринде,
Гүзе күнде емес сынар күнинде.
Ансатбай Каражанов
27.03.2023
Канал силтемеси👇
http://t.me/Ansatbai