milli.kzn

Казан шәһәре Башкарма комитеты Аппаратының Тел культурасы өлкәсендә милли сәясәтне гамәлгә ашыру бүлеге башлыгы Айсылу Лерон ГТРК «Татарстан» телеканалында кунакта булып кайтты. «Актуаль әңгәмә» тапшыруында Казан Мэриясенең проектлары турында сөйләштеләр.

Исегезгә төшерәбез, «Үз телем» татар телен өйрәнү буенча иң яхшы проектлар бәйгесенә гаризалар 2024 елның 30 июненә кадәр кабул ителә. Тулырак мәгълүмат рәсми сайтта.

Быел декоратив-гамәли сәнгать осталары арасында уздырылучы, Татарстанның башкаласына багышланган «Саумы, Казан!»/«Здравствуй, Казань!» бәйгесенә гаризалар 2024 елның 20 июленә кадәр кабул ителә. Тулырак

«Алмачуар» балалар һәм яшүсмерләр аудиториясе өчен татар телендә язылган пьесалар бәйгесендә катнашу өчен 2024 елның 1 сентябренә кадәр гариза һәм пьеса текстын юлларга кирәк. Тулырак

Бәйгеләр күп, катнашып калырга өлгерегез!

Кадерле дуслар!

«Үз телем» бәйгесендә җиңү яулаган Гүзәл Гарипова Фатих Әмирханның «Нәҗип» хикәясенә нигезләнгән график новелласын тәкъдим итү чарасына чакыра.

Очрашуда сез Булат Минкинның комикс сценарийларын әзерләү буенча остаханәсендә дә катнаша алачаксыз. Биредә Шулай ук китап иллюстрацияләре буенча әзерләнгән күргәзмә эшләячәк. Кичә барышында сезне Татар китабы йорты буенча мавыктыргыч экскурсия дә көтә.

Катнашалар:
Гүзәл Гарипова - рәссам, иллюстратор
Булат Минкин - сценарий авторы, драматург, режиссёр
Динә Гатина-Шәфыйкова - тарихи консультант, Ш.Мәрҗани ис. тарих институтының фәнни хезмәткәре

Керү бушлай, теркәлү узарга кирәк. Сылтама


18 май, 17.00 сәг.
Татар китабы йорты

Бүген Татмедиада 28 май көнне Г.Тукай ис. Филармония концертлар залында булачак «Безнең җыр» иҗат лабораториясенең гала-концертына багышланган матбугат конференциясе үтте.

Очрашуда Казан шәһәре Башкарма комитеты җитәкчесе урынбасары Гүзәл Сәгыйтова, Татарстанның атказанган артисты Артур Исламов, шагыйрь, Татарстанның Язучылар берлеге әгъзасы Лилия Гыйбадуллина, композитор, К. Тинчурин театры оркестрының сәнгать җитәкчесе һәм баш дирижеры Ильяс Камал катнашты.

Барлык тамашачыларны да 28 май көнне йомгаклау чарасы - гала-концертта көтеп калабыз!

Билетларны сылтама аша узып алырга мөмкин.

🎥Матбугат конференциясенең тулы язмасы биредә.

Әкиятләрне балалар гына түгел, олылар да үз итте!

Кичә, 13 май көнне, Казанның «Московский» мәдәният үзәгендә шөгыльләнүче «Апуш» студиясе шәкертләре тамашачыларга тәүге иҗат эшләрен, чын әкият кануннары буенча сәхнәләштерелгән «Әкият китабы» дип исемләнгән музыкаль спектаклен тәкъдим итте.

«Московский» мәдәният үзәгенең фойесында музыкаль почмак әзерләнгән иде. Тамаша башланыр алдыннан студиянең башка төркем шәкертләре студиянең репертуарыннан төрле җырлар башкарып, килгән кунакларның күңелләрен күрделәр. Фортепианода Казанның Мансур Мозаффаров исемендәге 18нче балалар музыка мәктәбенең директоры Ильзия Фәтхуллина уйнап торды. Шулай ук «Апуш» эмблемасы төшерелгән түштамгалар, футболкалар, блокнот, кружкалар сатып алу мөмкинлеге дә бар иде.

Искәртеп узыйк, әлеге спектакль Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән сәхнәләштерелде.

📲Тулырак студиянең рәсми төркемендә.

«Әкият китабы»нда ниләр бар?

«Московский» мәдәният үзәгендә шөгыльләнүче «Апуш» студиясе шәкертләре тамашачыларга тәүге иҗат эшләрен – драматург, Татарстанның атказанган артисты Шамил Фәрхетдинов пьесасы буенча чын әкият кануннары буенча сәхнәләштерелгән «Әкият китабы» дип исемләнгән музыкаль спектаклен тәкъдим итә.

📍Кайда: «Московский» мәдәният үзәге
📍Кайчан: 13 май көнне 18.00 сәгатьтә

Студиягә балалар 2023 елның ноябреннән йөри, ә тамашага әзерлек февраль аенда башланды. Әкияти куелышта студиягә йөрүче 40 бала да катнаша.

«Дөньяда әкиятне яратмаган җан иясе юктыр ул. Ярлысы да, бае да, олысы да, кечесе дә, хәтта безнең Галимҗан хан да әкиятне үлеп ярата». «Әкият китабы» дип аталган тылсымлы тамашабыз нәкъ шушы сүзләр белән башланып китә.

📲Тулырак ВКонтактедагы рәсми төркемдә.

Казан Мэриясе драматургия конкурсы игълан итә✍

Иң яхшы пьеса авторларын акчалата бүләкләр көтә.

«Алмачуар» балалар һәм яшүсмерләр аудиториясе өчен татар телендә язылган пьесалар конкурсы Казан Мэриясе тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән үткәрелә.

📍Бәйгедә 18 яшьтән өлкәнрәк авторлар катнаша ала.

📍Төп шартларның берсе – пьесаларның татар телендә булуы.

📨Катнашу өчен konkurskazan@mail.ru электрон адресына 2024 елның 1 сентябренә кадәр гариза һәм пьеса текстын юлларга кирәк.

📲Тулырак нигезләмә һәм гариза формасы белән ВКонтактедагы төркемдә танышырга мөмкин.

Сездән пьесалар көтеп калабыз! Нәкъ менә синең пьесаң киләчәктә бәлки зур сәхнәләрдә куелыр! Катнашырга ашык!

Казан шәһәре Мэриясе Татарстанның башкаласына багышланган «Саумы, Казан!» конкурсы игълан итә. Игътибар үзәгендә – борынгы Казан мифлары һәм риваятьләре.

Конкурс декоратив-гамәли сәнгать осталары арасында дүрт юнәлеш буенча үткәрелә: күн эшкәртү, керамика, киез басу һәм чигү.

📍Гаризалар 2024 елның 20 июленә кадәр кабул ителә.

📍Җиңүчеләр 30 сентябрьгә кадәр игълан ителәчәк.

📲Тулырак ВКонтактедагы рәсми төркемдә.

Казан Мэриясе тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән гамәлгә ашырыла.
____________________________________

Мэрия города Казани объявляет конкурс «Саумы, Казань!» / «Здравствуй, Казань!», посвященный легендам и мифам древней Казани.

Конкурс проводится по четырем направлениям – видам техники декоративно-прикладного искусства: художественная обработка кожи, войлоковаляние, вышивка, керамика.

📍Заявки принимаются до 20 июля 2024 года.

II «Безнең җыр» иҗат лабораториясе йомгаклау чарасына чакыра.

Нәкъ 1 айдан, 28 нче май көнне, 18:30 сәгатьтә Г.Тукай исемендәге татар дәүләт филармониясе сәхнәсендә II «Безнең җыр» иҗат лабораториясенең гала-концерты булачак.

«Калеб» яңа буын җыены узган елның 25 нче сентябрендә II «Безнең җыр» лабораториясенең икенче сезонын ачып җибәрде. Ноябрь һәм февраль айларында проектның тыңлап карау этаплары булып узды. Экспертлар яңа җырларны бәяләп, һәр командага үз киңәшләрен бирде.

Лаборатория шартлары буенча шагыйрь, композитор һәм җырчыдан торган 21 команда ярты ел дәвамында 21 яңа җыр иҗат итте. Проект кысаларында туган җырлар гала-концертта тамашачыга тәкъдим ителәчәк.

Концертка билетларны сылтама аша ала аласыз.

📲Тулырак ВКонтактедагы рәсми төркемдә.