«Үз телем» конкурсы җиңүчесе – яшь композитор, музыкант, Милли музыка оркестры дирижеры Айдар Ниязов Солтан Габәши исемендәге беренче Милли музыка фестиваленә нигез салды.

Кичә «Московский» мәдәният үзәгендә фестивальнең чираттагы чарасы – Милли музыка оркестры катнашында Салих Сәйдәшевның 125 еллыгына багышланган концерт булып узды. Катнашучылар арасында хореографлар Нурбәк Батулла һәм Алсу Мәгъсүмҗанова да бар иде. Алар Сәйдәшевның хореографик сюитасы яңгыраган вакытта махсус бию номеры тәкъдим итте.

Фестивальнең гала-концерты киләсе ел башында булачак.