«Нұрсұлтан Назарбаев халықаралық әуежайы» АҚ Ішкі қауіпсіздік қызметінің бастамасымен Қазақстан Республикасы Ішкі істер министрлігі Киберқылмыспен күрес департаментінің өкілдері әуежайда интернет-алаяқтық фактілерінің көбеюі туралы ескертуге бағытталған жұмыс кеңесін өткізді.

Шара аясында «Алаяқтардан сақ болыңыз» тақырыбында семинар өтіп, оның барысында интернет-алаяқтық саласындағы өзекті мәселелер талқыланды.

Кездесу нәтижесінде елорда әуежайының қызметкерлері интернет желісіндегі алаяқтардың құрбаны болмау үшін толық ақпаратпен танысып, қажетті білім алды.