Qsport Qazaqstan

⚡️Оқу-жаттығу жиындары. Күн қорытындысы!

Жаңа маусымға дайындық аясында бүгін біздің командалар төрт бірдей жолдастық матч өткізді. Үшеуі тең нәтижемен аяқталса, бір ойында жеңіске жеттік. «Атырау» Қырғызстан командасын 2:1 есебімен ұтты.

Айта кетейік, бұл ойындардың барлығын QFootball және QLeague арналары арқылы тамашалай алдыңыздар

📺 Матчқа шолу сілтеме бойынша

🇰🇿 @QSportQazaqstan
🇷🇺 @QSportRu

🛞 29 қаңтар – Халықаралық көлікті ойлап табу күні

Қай көлікпен серуендегіңіз келеді? Өз «машинаңды» белгілеп кетіңіз! 🚘

🇰🇿 @QSportQazaqstan
🇷🇺 @QSportRu

Өз ақшасын ақтамаған трансферлер 🙈

Неймардың «ПСЖ»-дан «Әл-Хиляльға» ауысуы аясында жасалған рейтинг.

⬇️Филиппе Коутиньо («Ливерпуль» → «Барселона», €145 млн, 2018)
Неймардың орнын басады деп күтілген еді, бірақ «Барселонада» өз ойынын таба алмады. Ақыры, «Бавария» мен «Астон Виллаға» жалға беріліп, 2022 жылы клубтан кетті.

⬇️Эден Азар («Челси» → «Реал Мадрид», €115 млн, 2019)
Роналдудың ізбасары болады деп алынған Азар жарақаттар мен артық салмақтың кесірінен өзін көрсете алмады. 2023 жылы кәсіби мансабын аяқтады.

⬇️Антуан Гризманн («Атлетико» → «Барселона», €120 млн, 2019)
«Барселонада» «Атлетикодағы» деңгейін көрсете алмады. 2021 жылы мадридтік клубқа қайта оралды – алдымен жалға, кейін толыққанды трансфер арқылы.

⬇️Поль Погба («Ювентус» → «Манчестер Юнайтед», €105 млн, 2016)
«МЮ» оны рекордтық сомаға қайта сатып алды, бірақ француз өзіне артылған сенімді ақтай алмады. 2022 жылы еркін агент ретінде «Ювентусқа» қайта оралды.

⬇️Фернандо Торрес («Ливерпуль» → «Челси», €58 млн, 2011)
«Ливерпульде» әлемдегі ең үздік шабуылшылардың бірі болғанымен, «Челсиде» өзінің бұрынғы деңгейін жоғалтты. Ең есте қалған сәттердің бірі – «Манчестер Юнайтедке» қарсы ойында бос қақпаға гол сала алмағаны.

⬇️Николя Пепе («Лилль» → «Арсенал», €80 млн, 2019)
«Арсенал» оны тарихындағы ең қымбат трансферге айналдырды, бірақ Пепе көшбасшы бола алмады. 2023 жылы клубтан тегін кетті.

🇰🇿 @QSportQazaqstan
🇷🇺 @QSportRu

🇷🇺❄️ 2025 жылғы РПЛ-дың Қысқы кубогы QSport-та!

30 қаңтар мен 11 ақпан аралығында Әбу-Дабиде (БАӘ) беделді маусым алдындағы турнир – «РПЛ-дың Қысқы кубогы» өтеді.

Турнирге 6 команда қатысады: «Спартак», «Ростов», «Краснодар», «Зенит», «Динамо» және ЦСКА. Командалар екі топқа бөлініп, бір-бірімен ойнайды.

Топтық кезең қорытындысы бойынша үздік шыққан командалар финалда кездеседі, екінші орын алғандар қола медаль үшін ойнайды, ал топтағы соңғы орын алғандар – бесінші орынға таласады.

Турнирдің матчтарын QSport арналары арқылы көре аласыздар. Алғашқы трансляция ертең:

📺 21:30 Футбол. РПЛ-дың Қысқы кубогы. «Спартак» Мәскеу — «Краснодар» (QLeague).

🇰🇿 @QSportQazaqstan
🇷🇺 @QSportRu

Плей-офф бүгін басталса ше? 🤔

Бұл тақырыпқа ой жүгіртіп, шешуші кезеңге жолдаманы қамтамасыз еткен командаларды жинақтадық.

📺 QLeague және QArena арналарына қосылуды ұмытпаңыз! «Бавария» — «Слован» және «Ювентус» — «Бенфика» матчтары тікелей эфирде көрсетіледі!

🇰🇿 @QSportQazaqstan
🇷🇺 @QSportRu

💬 Бақтиер Зайнутдинов: «Тараздан шыққан қарапайым жігітпін, ал қасымда Бразилия мен Италия құрамасының ойыншылары жүр»

Қазақстан құрамасының жартылай қорғаушысы Бақтиер Зайнутдинов ҚФФ баспасөз қызметіне берген сұхбатында «Бешікташтағы» жұлдыз әріптестері туралы айтты.

- Иә, қарапайым жігіттер. Бір сәт есімде, киім ауыстыратын бөлмеде отырып, ойланып кеттім: мен Тараздан шыққан қарапайым жігітпін, осындай деңгейде ойнауды армандадым. Сосын сол жаққа қарасам – Окслейд-Чемберлен, оң жақта – Эрик Байи. Кейін Италия мен Бразилия құрамасының ойыншылары Иммобиле, Габриэль Паулиста келді. Осындай сәттерде Аллаға шүкіршілік етемін. Маған осындай футболшылармен ойнауға, олардан үйренуге мүмкіндік берілгеніне қуаныштымын.

#QQuo

🇰🇿 @QSportQazaqstan
🇷🇺 @QSportRu

🇪🇺 Бүгін Чемпиондар лигасының финалдық 8-тур ойындары!

18 матч өтеді, оның екеуін біздің арналар тікелей эфирде көрсетеді. Барлық ойындар бір уақытта басталып, нәтижесінде топтардағы соңғы орындар мен плей-офф кезеңіне шыққан командалар анықталады.

Жарқын ойындар, әсерлі голдар мен драмалық сәттерді күтеміз! 🔥

🇰🇿 @QSportQazaqstan
🇷🇺 @QSportRu

Қайырлы күн! 👏

Қазақ клубтарының оқу-жаттығу жиындары аясындағы матчтарының кестесі назарларыңызға ұсынылды.

Сізге қай матч қызық ❓

🇰🇿 @QSportQazaqstan
🇷🇺 @QSportRu

Джанлуиджи Буффон – 47 жаста! 🍰

Аты аңызға айналған итальяндық қақпашы Джанлуиджи Буффон футбол әлемінің шынайы символы болып қала береді. Оның ғаламат мансабы жетістіктерге толы:

Буффон Германияда өткен әлем чемпионатында жеңіске жетіп, әлем чемпионы атанған. Сол турнирде ол ойыннан тек 2 ғана гол жіберді.

А Сериясында Буффон ең ұзақ уақыт бойы гол жібермеген рекордқа ие – 974 минут.

Футбол тарихы мен статистикасының халықаралық федерациясы (IFFHS) Буффонды әлемнің үздік қақпашысы деп бес рет таныған.

2006 жылы «Кальчополи» жанжалынан кейін «Ювентус» Серия В-ға түсіп қалғанда, Буффон клубта қалды. Бұл оның клубтың нағыз аңызы екенін дәлелдеді.

Ғажайып мансабына қарамастан, Буффон Чемпиондар лигасының үш финалында ойнап, бірақ бұл турнирді ешқашан жеңе алмады.

Сіз Буффонды футбол тарихындағы ең ұлы қақпашы деп санайсыз ба? Егер олай болмаса, сіз үшін нөмір бірінші кім ❓

🇰🇿 @QSportQazaqstan
🇷🇺 @QSportRu

Ең әдемі дебют жасаған 5 футболшы

Нағыз мықты ойыншылар жаңа клубқа ауысқаннан кейін-ақ өздерін дәлелдейді. Кейбірі алғашқы матчтарында-ақ ерекше шеберліктерін көрсеткен.

Назарларыңызға футболшылардың ең керемет 5 дебютін ұсынамыз.

5. Марко ван Бастен – «Аякс»
Марко 17 жасында «Аякс» сапында алғаш рет алаңға шығып, аңызға айналған Йохан Кройфтың орнына шықты. Ол бірден гол соғып, командасы 5:0 есебімен жеңіске жетті. Бұл тарихи сәтте екі голландиялық аңыздың бірге ойнағаны ерекше есте қалды.

4. Серхио Агуэро – «Манчестер Сити»
Клубқа 38 миллионға ауысқан Агуэро алғашқы ойынында-ақ 2 гол соғып, бір нәтижелі пас берді. Тарихта ол «Сити» клубының ең үздік сұрмергені ретінде қалды.

3. Эрлинг Холланд – «Боруссия Дортмунд»
Холланд алғашқы матчта 30 минут ойнап, 3 гол соқты. 1:3 есебімен ұтылып жатқан команда 5:3 есебімен жеңіске жетті. Дортмунд сапында Эрлинг әр 90 минут сайын гол соғып отырды.

2. Маркус Рэшфорд – «Манчестер Юнайтед»
18 жасында Рэшфорд Лига Еуропасының матчында дубль жасап, кейін АПЛ-дегі дебютінде де «Арсеналға» қарсы екі гол соқты. Бұл керемет бастама оны танымал етті.

1. Уэйн Руни – «Манчестер Юнайтед»
18 жасар Руни Чемпиондар лигасында «Фенербахчеге» қарсы ойында хет-трик жасады. Кейін ол «Манчестер Юнайтедтің» тарихындағы ең үздік сұрмерген атанды.

🇰🇿 @QSportQazaqstan
🇷🇺 @QSportRu

Неймар «Әл-Хиләлмен» келісімшартты ресми түрде бұзды

32 жастағы жұлдызды бразилиялық шабуылшы Неймар туған клубы «Сантосқа» оралады.

Саудиялық «Әл-Хиләл» клубы бразилиялық футболшымен келісімшартты екі жақтың өзара келісімі бойынша дереу күшіне енетіндей етіп бұзды.

«Рақмет және сәттілік, Неймар», – деп хабарлады «Әл-Хиләл» клубының баспасөз қызметі.

🇰🇿 @QSportQazaqstan
🇷🇺 @QSportRu

«Тобыл» мен «Қайсар» Түркияда бақылау матчын өткізді

«Тобыл» командасы оқу-жаттығу жиыны аясында «Черноморецпен» кездесу өткізіп, 1:1 есебімен тең түсті.

Ал «Қайсар» Словакияның «Земплин» командасымен кездесіп, 0:1 есебімен ұтылып қалды.

Матчтарға бейнешолуды біздің YouTube-арнамыздан көре аласыздар.

Ойындар QFootball арнасында тікелей эфирде көрсетілді 📺

#preseason

🟥 ТОБЫЛ - ЧЕРНОМОРЕЦ

🟥 ҚАЙСАР - ЗЕМПЛИН

🇰🇿 @QSportQazaqstan
🇷🇺 @QSportRu