Алматыдағы Саяxат базары сүріліп жатыр. Неге екені белгісіз, кеше наразылық білдіріп, айқайлап жүрген саудагерлердің бүгін комментарий бергісі жоқ. "Керек емес, түсірме" деп қашып жүр. Айтуларынша, "тыныш кетпесеңдер ОМОН шақырамыз деп ескерткен".

Түсіруге бір канал да келген. Танымал арна. Сондағы белсенді "базардан шықпаймыз, Байбек келсін" деп аштық жариялады. ОМОН-дар туралы айтылды. Билікті кінәлады. Әлгі арнамен бірге сол кісіден синxрон алып жүрдік.

Сәл уақыттан соң әлгі журналиске редакторы звондап, сюжеттің эфирге жіберілмейтінін айтып, "қайтыңдар" деді. Журналист күйініп, амалсыз қайтты. Цензура дей ме мұндайды, "редакция саясаты" дей ме?

Айтпақшы, Алматы әкімдігінің баспасөз қызметімен байланысу мүмкін болмай тұр: Әлібек қойып тастайды, Жұлдыз алмайды, Динараныкі - өшірулі.

Ал Салтанат Әзірбек телефонды бір көтерді де, "он минуттан кейін звондаңыз" деп қойды. Одан кейін трубкасын көтерген жоқ.

А - Ашықтық.

#opinion