Abylaikhan Nurlanuly 🌙

➖ Алланың қалауымен Ақида, Хадис және Сарф, Нахву ілімдерін оқытатын шағын үш ілім ордасын ашқан болатынбыз. Осы үш ілім ордасын таныстырып кетуді жөн көрдім:

1) “Хадис Жатақханасы” - бұл ілім ордасында Хадис және Хадис ілімдеріне қатысты еңбектерді ұстазбен бірге “ЗООМ” қосымшасы арқылы яғни онлайн күйде оқи аласыз. Сонымен қатар дәрістің дайын видео форматы сақталады. Бұл жерде белгілен бір кітап бітісімен, келесі бір кітапқа өтеміз. Осылайша сіз Хадис және Хадис іліміне қатысты еңбектерді толыққанды оқып шығатын боласыз. Және өтілген дәрістер сақталатын болады, сол арқылы сіз кез-келген уақытта қайталап қарап шығу мүмкіндігіне ие боласыз. Қазіргі уақытта “Шарх әш-Шәмәил” және “Мухтәсару Тәрғиб уә әт-Тәрһиб”, “әр-Рихлә фии Таләб әл-Хадис” және Хадис әдіснамасынан “Усул әл-Хадис әт-Тәтбиқи” еңбектері оқытылу үстінде. Бұл еңбектерді бітісімен жоспарда “әл-Әзкәр” және “Әдәб әл-Муфрад” еңбектері бар.

2) “Грамматика Жатақханасы” - бұл ілім ордасында сіз құрал ілімдерін, яғни Сарф және Нахву ілімідерін бастауыштан бастап, жоғарғы деңгейге дейін оқып үйренесіз. Бұл жерде дәрістер әр күні онлайн өтіледі. Сонымен қатар дайын видео формат түрінде сақталады. Қазіргі уақытта “Дурус әл-Луғат әл-‘Әрабииә” еңбегін аяқтап, Сарф ілімі бойынша “Әмсилә” еңбегі және Араб тілін практикадан өткізу мақсатымен “Қисас ән-Нәби” еңбегі оқытылу үстінде. Бұл еңбектер бітісімен жоспарда Сарф ілімінен “Бинә, Мақсуд” және Нахву ілімінен “Мәтн Әджрумииә, Тухфат әс-Сәниә, Әуәмил Биркәуи, Әуәмил Журжәни” еңбектері бар.

3) “Кәләм Жатақханасы” - бұл жерде сіз Ақида ілімдеріне қатысты мәтіндерді оқи аласыз. Дәрістер толыққанды “ЗООМ” қосымшасы арқылы өтіледі және дәрістің дайын видеоформаты сақталады. Мақсат, шәкірттердің деңгейін бастауыштан бастап, жоғарыға дейін көтеру. Сол арқылы шәкіртке дұрыс (сау) түсінік қалыптастыру. Бұл жерде бір кітаптан дәрістер бітісімен келесі дәрежедегі кітаптарға көшеміз. Дәрістеріміз аптаның үш күнінде болады.

🔴 Бұл үш ілім ордасында өткізіліп жатырған дәрістер, үш арнайы жабық каналда. Бұл каналдарға тіркелу үшін әрбіріне небәрі 1000 теңгеден төлем жасайсыз және әр ай сайын ілім ордасының дамуы үшін 1000 теңге төлем жасап отырсаңыз жеткілікті. Осылай жасау арқылы бірінші өзіңіз дамисыз және ай сайынғы салып тұратын қаражатыңыз себепті ілім ордамыз дамитын болады. Бірден үш каналға болмаса да, өзіңіз қалаған бір ғана каналға тіркелсеңіз де болады.

📌 Үш каналға үш бөлек төлем алынады! Тіркелемін дейтін болсаңыз +77086567307 номеріне чекті жіберіңіз. Кейін сізге сілтеме жіберілетін болады.

Алмас Теміртауұлы ұстаз ілім талабаларына жақсы бастамалар бастап жатыр екен.

Ақпарат төменде

Құрметті мұсылман бауырларым, сіздерді келіп жеткен рамазан айымен құттықтаймын!

Аллаһым осы айды қолдан келгенше кемеліне жеткізіп, қолға ала алмай жүрген ізгі істерімізді және әдет-дағдыларды игеріп, күнә атаулыдан тазарған күйде шығуымызды нәсіп еткей!

Баршамызға ораза ұстауға, құлшылық-ғибадаттарды және өзге де салиқалы амалдарды орындауға күш-қуат берсін.

Мүмкін бұл кейбіріміз үшін соңғы ораза шығар…

Мына екі кішкентай періштенің орындауындағы мына нашидті салмасқа болмады!

Пәк және таза сәби болғандықтан болар Пайғамбарымыз Мұхаммедке саллаллаһу әләйһи уә сәлләм махаббат пен сағынышты керемет жеткізеді. Оригиналы маған өтпеді осы секілді.

Аллаһым пайғамбарымыздың жолынан айырмашы🥹

https://www.instagram.com/reel/CpdAAtlAeFk/?igshid=N2Q2MGM2OGQ=

Мустафа Ахмад Зарқо (рахимаһуллаһ)умми أُمِّيٌ (сауатсыз) деген сөзге қатысты Имам Шатыйбидің (рахимаһуллаһ) мынандай ойын келтіреді:

“Бұл - ана деген сөзге телініп тұр. Яғни, жазу-оқуды үйренбей анасынан туылған хәлде қалып қойған адам.”

Адам бір ұнамсыз, ауыр не қиын жағдайға түскенде “Туф” деген сөзді естіп жатамыз. Солай емес пе? Әсіресе, -өз басым- әйел кісілер тарапынан көп естимін.

Осы сөз араб тілінің تُفّ (туфф) асылы тырнақтың кірі деген мағынадағы сөзінен шыққан екен. Сөйте тұра араб тілінде де осы сөз шамамен біз қолданатын жерде де қолданылады екен.

التُّفُّ: التُّفُّ : وَسَخُ الظُّفْر. يقال عند الشيء يُسْتَقْذَرُ أَو يُتَأَذَّى منه: تُفٍّ. والجمع : تِفَفَةٌ.
(معجم الوسيط)

Аль артиклінің (ال) "ال لِلَمْح الأصل" деген мағынасы бар екенін білетін бе едіңіз?

Оның мағынасы - негізге (яғни, негізгі мағынаға) нұсқау дегенді білдіреді.

Мысалы, бір кісі баласына Махмуд محْمُود (мақтаулы), не Хасан حَسَن (әдемі, жақсы, көркем) не Аббас عَبَّاس (сұсты, қабағы түнерген) деп ат қояды.

Енді сол сөздерді (жоғарыда аталған әрбір есімнің негізгі мағыналарын жақшаның ішіне жазып кеттім) адамға есім етіп қойғаннан кейін олардың негізгі мағынасы ескерілмей жай Махмуд, Хасан және Аббас болып қалады.
Яғни, Махмуд келе жатыр дегенде, сіз мақтаулы келе жатыр деп түсінбейсіз. Немесе Аббас келе жатыр дегенде қабағы түнерген, сұсты адам келе жатыр деп түсінбейсіз. Дұрыс қой?!

Енді жаңағы аталған сипаттар шынымен де адамның атына сай келіп тұрса, не болады? Онда, оған (ال) "ال لِلَمْح الأصل" деген аль артиклі қосылады екен.

Сонда, مَحْمُودٌ есімі الْمَحْمُودُ، ал حَسَنٌ есімі الْحَسَنُ және عَبَّاسٌ есімі الْعَبَّاسُ болады екен.

Ескерту: Кез келген аты затына сай болған есімге әльді тек араб тілінде аль артиклімен бірге келген сөздерге ғана жалғай алады екенбіз.

Негізгі ой және пайда Шейх Әли Һани حفظه الله сабағынан алынды.

إذا استصغرت المرأة زوجها -وإن في سريرتها- فإنها تستصغر نفسَها في الحقيقة، فما الذي يجعلها ترضى برجل تراه سخيف القدر قليل العقل عديم الرأي قوّامًا عليها!!

من معاني إكبار المرأة لنفسها أن تُجِلَّ من ارتضته زوجًا.

“Әйел адам өзінің күйеуін бағаламай, болмағыр адам етіп көрсе (тіпті іштей), онда ол шындығында өзін бағаламай тұрғаны… Әйтпесе, не нәрсе ол әйелді қадірі төмен, ақылсыз және өз ойы жоқ адамды өзіне басшы және қорғаушы ретінде разы етіп тұрған?!

Әйелдің өзін қадірлеуінің мәні - өзіне жар етіп таңдаған жанды құрметтеп, сыйлауында көрініс табады.”

Енді осы пікірден шығатын нәрсе - әйел өзінің жарын құрметтемесе, өзін құрметтемегені.

Ал біз әйел үшін күйеуінің разылығы - ол Раббысының разылығы екенін жақсы білеміз. Тіпті, Пайғамбарымыз Мұхаммед Мустафа ﷺ : “Егер адамға адам сәжде етуіне рұқсат етілген болса, әйелдерге күйеулеріне сәжде етуін бұйырар едім” дегені де бар.

Құрбыларына, әпке-тәтелеріне, ағаларына тіпті әке-шешесіне емес күйеуіне деді… Осыны біле тұра жәй біліп жүре беретіндері қаншама.

Ерлерге де Пайғамбарымыз Мұхаммед Мұстафа ﷺ : “Сендердің ең жақсыларың әйлдеріңмен жақсыларың” деген.

Енді күйеу әйелінің мінезі нашар бола тұра онымен көркем мәміле жасауы немесе әйелі күйеуінің мінезі нашар бола тұра оны құрметтеп, хандай көруі - тікелей адамның тақуалығы, даналығы мен көркем мінезінің дәрежесіне байланысты.

П.с. Бұл ешқалай қасиетті сөздерді еркектерге жағымды дүние ретінде қолдану емес. Бәлки, кішігірім ескерту. Отбасының гармониясы екі жақ өз орындарын жақсы білгенде орын алады.

Бастапқы екі абзацтағы текст شوارد الأفكار
арнасынан алынды.

Таң намазының азанын естігенде сенде екі таңдау бар:
Арман-түстеріңді аяқтау үшін әрі қарай ұйықтайсың, не сол армандарды орындау үшін тұрып, намаз оқисың…

Шейх Мухаммад Уайль Аль-ханбали

Ал, сарф - уәзіндерді жаттау, түсіну және толассыз қайталау-практикамен орнығады.

Осылай қысқа қайырдық. Келесі постта Аллаһ қаласа “иғроб не үшін керек?” деген сұраққа жауап беруге тырысамыз.

Қалай бастаған жөн?

Әуелі, араб тілін үйренушілерді екі топқа бөліп алайық:
1) Араб тілін арнайы медреседе, универде немесе арнайы орталықта оқып жүрген шәкірт.
2) Араб тілін қосымша, яғни жұмыс істеп жүріп немесе араб тілін оқытпайтын басқа бір оқу орнында оқи тұра араб тілін үйреніп жүрген шәкірт.

Екіншіден, қазіргі таңда араб тілін оқытудағы кең тараған жүйелерді тілге тиек етіп, танысып өтейік:
1) Бастауыш шәкіртті араб тіліне бірден грамматика есігінен кіргізу. Бұл жолмен де жетістікке жетесіз. Мен де осылай үйренгендердің қатарынанмын. Бірақ, бұл - ұзақ және қиын жол.
2) Шәкіртті тек сөйлеумен әлек етіп қою. Тіпті әдеби араб тілінен бөлек, болмайтын ‘аммияларды да (көше тілін) үйрету арқылы тілмаш ету. Бұл - шариғи білім оқимын деген шәкіртке түсу керек емес жол екені айтпаса да белгілі шығар.
3) Шәкіртке араб тілін тіл ретінде үйретіп бастап, ақырын грамматикаға кіргізу. Және менің ойымша қазіргі таңда ең тиімді методология осы.

Енді 1-ші жүйе кімге сай келетіндігі туралы сөйлесейік.
Бұл жүйе 1-ші топтағы шәкірттерге -абсолютті түрде демеймін- бәлки 2-ші топтағы шәкірттермен салыстырғанда көбірек сай келеді. Себебі, сарф және нахвумен бастау (араб т. грамматикасы) алғашқы уақытта қатты көңіл бөлуді және сол нәрсеге көп уақыт арнауды талап етеді. Ал бұл нәрсе өздерінің оқу не жұмыстарына байланысты 2-ші топтағы шәкірттерге қиынға соғады. Оқуы да, жұмысы да араб тілі болған 1-ші топтағы шәкірттер сияқты емес. Өйткені, олардың бар уақыты онсыз да араб тілін үйренуге жұмсалады.

Егер сіз осы топтағы (1-ші топтағы) шәкірттерден болсаңыз, және сізде араб грамматикасынан басқа ешқандай оқитын дүниеңіз болмаса, өзіңізге сөйлеп үйрену дағдысына жұмыс жасауды міндеттеп алыңыз. Сол кезде үйреніп жатқан грамматикаңыздың қалай іске асқанын көріп, шабыттанып әрі қарай ұшасыз.

Ал, 3-ші жүйе кімге сай келеді? Бұл жүйе барлығына бірдей сай келеді. Әсіресе, 2-ші топтағы шәкірттерге өте ыңғайлы. Сіз 1-2 ай, әрі кетсе 3 ай тілді тіл ретінде ұғынып үйренесіз, жаттайтын жерлерін жаттайсыз да тілді ақырын түсіне бастайсыз. Осы кезде грамматикаға кіріскенде грамматика сізге жеңілдеу кіреді. Оп-оңай болады демеймін. Бірақ, бірден грамматикаға кіріп оқығаннан әлде қайда жеңіл болады. Оған сөз беремін:)

Жалпы сөйлеуге жұмыс жасау сатылы түрде қалай болады?
Алғашында 85-90% жаттаумен болады. Контекстпен сөз жаттаудың пайдасын алдыңғы посттарда айтқанбыз. Сол пайдаларға қоса жаттау сізді бастапқыда қиналып, қате сөйлем құрап, қате арабша тіркестің басыңызда қалып қоюынан сақтайды. Және сізге сенімділік пен әрі қарай жүруге мотивация сыйлайды.
Сонымен,
1. Диалогтар жаттау. Өз-өзін таныстыру тексттерін жаттау. Кішігірім қисса-оқиғалар жаттау. Жаңа тіркестер жаттау(3-6ай жалғасу керек кем дегенде)
2. Әжептеуір тіркестерді бойыңызға жинаған соң оқыған нәрсеңізді арабша мазмұндауға көшіңіз. (Кем дегенде 3 ай. Әрине, өзіңіз білесіз.) Және жүрген-тұрған жерлеріңізде көрген-білген нәрселеріңізді арабша сипаттап, сол туралы айтып жүріңіз.
3. Мазмұндап үйренгеннен кейін шығармалар жазып бастаңыз. (Осы кезеңде кітапта, ютубта, фильм-мультфильмде немесе тікелей арабтардан естіген жаңа тіркестерді де түртіп жүріңіз. Сосын тыңдауды тоқтатпаңыз. Арабша сабақтар, подкасттар және фильм-мультфильмдер көріп жүріңіз).

Грамматика жағын қалай дамытамыз?

Грамматиканы яғни, нахвуды сөссіз иғробтау арқылы дамытасыз. Сатылай емес жалпы жасалу керек болған нәрселер мынау:
1. Әр өткен сабағыңызды түсінбей әрі қарай өтпеуге тырысыңыз. Сол күнгі алынған сабақты қайталаңыз. Соның мысалдарын талдаңыз.
2. Бастапқы деңдейде нахву ілімін бір оқып шыққаннан бастап (жаңа кітап бастасаңыз да) оқыған, естіген және өзіңіз сөйлеген барлық нәрсені иғробтап жүріңіз. Бұл нәрсе сізді нахвуда сөссіз мықты етеді.
3. Кітап оқығанда, баннер, коммент немесе телефонға келген хат бәрінің соңғы харекеттерін қойып оқуға дағдыланыңыз. Және не үшін олай харекет қойғаныңызға да жауап беріп отырыңыз.
4. Соңына харекет қойылған жерлердің бәрінде өз-өзіңізге сұрақ қойып жүріңіз. Неге олай болды? Не үшін бұл харекет? деген сынды сұрақтар.
Және соған жауап беріңіз.