Astana Daryny

Қалалық Қайым оқулары

2024 жылдың 19 сәуірінде «Астана дарыны» орталығы Қ.Мұхамедханов атындағы №90 гимназиямен бірлесіп ғалым, абайтанушы, қоғам қайраткері, жазушы, ақын, драматург, аудармашы, педагог, Семей қаласындағы Абай мұражайының негізін қалаушы, Қазақ КСР Мемлекеттік Әнұраны мәтінінің авторы Қайым Мұхамедхановқа арналған елордалық жалпы білім беру мекемелерінің 8-10 сынып оқушылары арасында қалалық «Қайым оқуларын» (бұдан әрі – Оқулар) өткізеді.
Оқулардың мақсаты - мектеп оқушыларын ғалымның тарихи және әдеби мұрасымен таныстыру, әдеби тіл байлығын кеңейту, көркемсөз оқу шеберлігін арттыру, шығармаларының рухани құндылықтарын жас ұрпақтың бойына сіңіру.
Оқулар мемлекеттік тілде өтеді.
Оқулар екі кезеңнен тұрады:
І кезең – ғалымның өмірбаяны мен шығармашылығы бойынша тестілеу (Google форма).
ІІ кезең - 4 номинация бойынша өткізіледі:
1. «Ер қазақ ежелден еркіндік аңсаған» - шығармаларын жатқа оқу;
2. «Қауырсын қалам» – жас ақындар шығармашылығы;
3. «Қайраткер Қайым болмысы» - эссе жазу;
4. «Абайдың інісі, Алаштың ірісі» Қ. Мұхамедхановтың шығармалары бойынша буктрейлер жасау.
Өтетін орны: Астана қаласы, Қ.Мұхамедханов атындағы №90 гимназия (Қорғалжын тасжолы 37/1).
Тіркеу уақыты: 08.30 -09.00.
Өтетін уақыты: 19 сәуір 2024 жыл, сағат 09.00.

Трансляция

Қауырсын қалам

Қайраткер Қайым болмысы

Ер қазақ ежелден еркіндік аңсаған

Абайдың інісі, Алаштың ірісі

Мектеп жасына дейінгі балаларға арналған «Менің алғашқы тәжірибем» қалалық байқауының қорытындысы

«Астана дарыны» дарынды балалар мен талантты жастарды анықтау және қолдау орталығының жұмыс жоспарына сәйкес 2024 жылдың 15 наурыз – 15 сәуір аралығында мемлекеттік және мемлекеттік білім беру тапсырысы орналастырылған жекеменшік балабақшалардың мектепалды даярлық топтары арасында «Менің алғашқы тәжірибем» қалалық байқауына 4 түрлі бағыт бойынша өтінім қабылдау жұмыстары жүргізілді. Ережеге сәйкес жеке және топтық құрамда 23 бейнематериал қабылданды.
Астана Халықаралық университетінің Педагогикалық колледжінің мектепке дейінгі педагогика және жеке әдістемелер бөлімінің педагогтерінен құралған қазылар алқасының отырысы 2024 жылдың 18 сәуір күні «Астана дарыны» дарынды балалар мен талантты жастарды анықтау және қолдау орталығында өтті.
Байқау қорытындысы бойынша І орын – 1, ІІ орын – 2, ІІІ орын – 3 қатысушы иеленді. Бүлдіршіндерді құттықтаймыз!

Хаттама

ІІ «Қаныш Сәтбаев және Қазақстан ғылымы»
қалалық ғылыми жоба байқауы


2024 жылдың 12 сәуір күні «Астана дарыны» дарынды балалар мен талантты жастарды анықтау және қолдау орталығы Қаныш Сәтбаев
атындағы №61 мектеп лицейімен бірлесе отырып 8-11 сынып оқушылары арасында ІІ «Қаныш Сәтбаев және Қазақстан ғылымы» қалалық ғылыми жоба байқауын (бұдан әрі- Байқау) өткізеді.
Байқаудың мақсаты: Қаныш Сәтбаев мұрасын кеңінен насихаттай отырып, Қазақстанның дамуындағы ғалымның ғылыми мол мұрасын дәріптеу.
Қатысушылар байқауға 2 бағыт бойынша қатыса алады:
1. Қаныш және жаратылыстану ғылымы;
2. Қаныш Сәтбаев мұрасы (тарих, әдебиет, музыка) .

Байқау 2024 жылдың 12 сәуір күні өтеді.
Өтетін орны: Оқушылар сарайы, Момышұлы даңғылы 5.
Тіркелу уақыты: сағ. 08:00-08:45 дейін.
Басталу уақыты: 09:00.

Трансляция 1 бағыт

Трансляция 2 бағыт

Трансляция

Хаттамалар

Республикалық «Мәшһүр - Жүсіп оқулары» байқауы қалалық кезеңі басталды

Астана қаласы әкімдігінің «Астана дарыны» дарынды балалар мен талантты жастарды анықтау және қолдау орталығының ұйымдастыруымен 2024 жылғы 10 сәуірде Мәшһүр-Жүсіп атындағы №57 орта мектептің базасында республикалық «Мәшһүр-Жүсіп оқулары» байқауының қалалық кезеңі өтіп жатыр.
Байқауға қатысушылар 4 бағыт бойынша: «Алдыма өлең жаз деп қағаз келген, Сөзімді сөйлеп бақтым мен де білген», «Бас болып өнер білсең, тіпті жақсы», «Білімді зерек адам болам»-десең, Қара өзіңді басқаның айнасымен» және «Мәшһүр Жүсіп шығармалары және «Ұлы даланың ұлы есімдері» бағыттары бойынша бақтарын сынауда.

Трансляция

Ұлы тұлғаларды сипаттау

Білімді зерек адам болам

Алдыма өлең жаз деп қағаз келген

Бас болып өнер білсен, тіпті жақсы

Эссе

Алдыма өлең жаз деп қалам келген (қорғау)

Жұмыстар

Хаттамалар

Қазақ тілі мен әдебиеті пәнінен республикалық Қ.О.Бітібаева атындағы олимпиаданың қалалық кезеңі

Дарынды балалардың зияткерлік және шығармашылық қабілеттерін дамыту мақсатынды «Астана дарыны» дарынды балалар мен талантты жастарды анықтау және қолдау орталығы 2024 жылдың 6 сәуірінде 9-11 сынып оқушылары арасында қазақ тілі мен әдебиеті пәнінен республикалық Қ.О.Бітібаева атындағы олимпиаданың қалалық кезеңін өткізеді.
Олимпиада ІІ кезеңнен тұрады:
І кезең – жазбаша (эссе); ІІ кезең – ауызша.
Олимпиаданың қалалық кезеңінің өтетін орны: Астана қаласы №64 мектеп-лицейі (Ғ.Мүсірепов көшесі 15).

Трансляция

10 сынып

9 сынып

Хаттамалар

Жұмыстар

Қалалық Ілияс Жансүгіров оқулары

Жалпы білім беретін мектеп оқушылары арасында Ілияс Жансүгіров шығармаларын насихаттау мақсатында «Астана дарыны» дарынды балалар мен талантты жастарды анықтау және қолдау орталығы қалалық Ілияс Жансүгіров оқуларын ұйымдастырады.
Оқу Ілияс Жансүгіров атындағы №58 мектеп-гимназиясымен бірлесе отырып 2024 жылдың 05 сәуірде 8-11 сынып оқушылары арасында өткізіледі. Оқу мемлекеттік тілде және бес бағыт бойынша өткізіледі:
• «Ілияс - эпик ақын» - Ілияс Жансүгіровтің поэмаларын жатқа айту;
• «Сұлу сөздің сүлейі» - Ілияс Жансүгіров өлеңдерін немесе прозалық, драмалық шығармаларын мәнерлеп оқу;
• «Жаз!Жаз! Қалам, жорғалап» -жас ақындар номинациясы.
«Ілияс -қарасөз шебері» - көркемсөз оқу номинациясы
“Заманның заңғар тұлғасы”-буктрейлер номинациясы қалалық Ілияс Жансүгіров оқуларына елорда білім беру мекемелерінен тіркелді.
Өтетін орны: Ілияс Жансүгіров атындағы №58 мектеп-гимназиясы (Ақан сері көшесі, 22).
Басталуы: сағ.09.00

Трансляция

«Жаз!Жаз! Қалам, жорғалап»

«Сұлу сөздің сүлейі»

«Ілияс - эпик ақын»

“Ілияс -қарасөз шебері”

“Заманның заңғар сүлейі”

Хаттамалар

«Астана дарыны» дарынды балалар мен талантты жастарды анықтау және қолдау орталығының ұйымдастыруымен 2024 жылдың 28 наурыз күні №22 мектеп-гимназиясында тәрбиешілер мен әдіскерлер үшін «Балабақша – жетістік пен денсаулық бастауы» конкурсы өтеді.Мақсаты: педагогтердің шығармашылық өзін-өзі жүзеге асыруын және кәсіби өсуін ынталандыру, елордалық мектепке дейінгі білім беру ұйымдарының тәрбиешілері мен инновациялық тәжірибесін зерделеу және тарату.

Трансляция

«Астана дарыны» дарынды балалар мен талантты жастарды анықтау және қолдау орталығы 2024 жылдың ақпан-наурыз аралығында қосымша білім беру бағдарламаларын іске асыратын педагогтер үшін «Идеялар марафоны» аймақтық байқауын өткізді.
Байқаудың мақсаты – қосымша білім беру педагогтерінің шығармашылық әлеуетін дамытуға, заманауи педагогикалық тәжірибені жалпылау мен насихаттауға ықпал ету.
Байқауға елорда және аймақтық жалпы білім беру мектептері мен қосымша білім беру мекемелері қатысып, сабақ пен іс-шараның бейнежазбасын ұсынды.

Хаттамалар

«Астана дарыны» дарынды балалар мен талантты жастарды анықтау және қолдау орталығы 2024 жылы 16 наурызда №38 мектеп-лицейінің базасында 5-8 сынып оқушыларының арасында республикалық «ProEco» конкурсының қалалық кезеңі өтетінін хабарлайды.

Оқушыларды әлеуметтік жауапкершілікке тәрбиелеу, экологиялық сауаттылықты арттыру, экологиялық мәдениет қалыптастыру және табиғатты қорғау қызметіне бейімдеу мақсатында ұйымдастырылатын конкурсқа Астана қаласының білім беру мекемелерінен 164 оқушы қатысады.

Конкурс 4 бағыт бойынша өтеді:

1 бағыт - «Туған өлке табиғаты»;

2 бағыт - «Мені қоршаған әлем ғажайып әлем»;

3 бағыт «Үздік экологиялық бастама»;

4 бағыт «Таза қала сізден басталады».

Әр мектептен 2 жоба ғана қатыса алады. Жобаны қорғау регламенті 5-7 минут.

Тіркелу сағат 8.15-тен-9.00-ге дейін. Басталуы сағат 9.00.

Өтетін орны: № 38 мектеп-лицейі.

Мекенжайы: Астана қаласы, Ғ.Мүсірепов көшесі 8/2

Трансляция:

Үздік экологиялық бастама

Туған өлкем табиғаты / Мені қоршаған орта

Таза қала сізден басталады

Хаттамалар

Мектеп жасына дейінгі балаларға арналған «Ханталапай» ұлттық ойындар республикалық байқауының қалалық кезеңі қорытындысы

«Астана дарыны» дарынды балалар мен талантты жастарды анықтау және қолдау орталығы ҚР ОАМ «Балаларды ерте дамыту институты» РММ-нің 2024 жылға арналған жұмыс жоспарына сәйкес әртүрлі ұлттық, қимылды ойындарға қызығушылыққа баулу арқылы қазақ халқының салт-дәстүрлеріне, мәдениетіне мақтаныш сезімін қалыптастыруға ықпал ету мақсатында «Ханталапай» ұлттық ойындар республикалық байқауының қалалық кезеңін
12 наурыз күні орталық базасында өткізді.
Бейнематериалдар бойынша байқаудың қалалық кезеңіне қатысуға мектепке дейінгі ұйымдардың меншік нысанына және ведомстволық бағыныстылығына қарамастан ортаңғы топ, ересек топ, мектепалды даярлық аралығындағы топтардан «Ханталапай» ұлттық ойынына барлығы 14 балабақшадан (119 тәрбиеленуші) өтінім тіркелді.
Астана халықаралық университетінің педагогикалық колледжі, мектепке дейінгі бөлімнің арнайы пәндер оқытушыларынан құралған қазылар алқасы қатысушылардың видеоматериалдары бойынша жеңімпаздар мен жүлдегерлерді анықтады:
мектепалды даярлық топ бойынша –
І орын – «Alpamys school” б/б
ІІ орын - №84 «Кәусәр» б/б
ІІІ орын – 2 (№29 «Ақ қайың» б/б «Қызғалдақ» тобы, №32 «Балдәурен» б/б)
Грамота – 4 (№29 «Ақ қайың» б/б «Күншуақ» тобы, №67 «Шұғыла» б/б, №92 «Жауқазын» б/б, NaNu ЖШС Ақ ниет – 1 б/б);
ересек топ бойынша –
І орын - №65 «Бал бала» б/б
ІІ орын - №11 «Гауһар» б/б
ІІІ орын - №5 «Ақ бота» б/б;
ортаңғы топ бойынша –
І орын - №5 «Ақ бота» б/б
ІІ орын - №31 «Ақсұңқар» б/б.
Байқаудың қалалық кезеңінің нәтижесінде «Ханталапай» ұлттық ойындар байқауында жеңімпаз атанған «Alpamys school”, №5 «Ақ бота» балабақшаларының топтары республикалық кезеңге қатысады.
Байқаудың жеңімпаздары мен жүлдегерлеріне берілетін І,ІІ,ІІІ дәрежелі дипломдар, грамоталар, қатысушыларға сертификаттарды Jetistik.kz сайтынан қатысушының ЖСН арқылы жүктеп алады, QR код құжатты растайды.

Хаттамалар

«Астана дарыны» дарынды балалар мен талантты жастарды анықтау және қолдау орталығы жылдық жоспарға сәйкес 2024 жылдың 12-14 наурыз аралығында елордалық білім беру мекемелерінің 8-9 сынып оқушылары (14-16 жас) арасында «JasSkills Astana-2024» қалалық чемпионатының іріктеу кезеңін өткізіп жатыр.
Чемпионат 8 құзыреттілік бойынша өткізіледі:
1.Веб – дизайн және әзірлеу;
2.Графикалық дизайн;
3.Мобильді қосымшаларды әзірлеу;
4.Мейрамханалық сервис
5.Сән технологиясы
6.Кәсіпкерлік
7.Электромонтаждау жұмыстары
8.Мобильді робототехника

Трансляция

Хаттамалар

Трансляция 2 күн

Трансляция 3 күн

«Ұлттың Ұлы тұлғасы» қалалық байқауының
баспасөз хабарламасы

2024 жылдың 05 наурызында 8-10 сынып оқушылары арасында көрнекті қоғам және мемлекет қайраткері, ғұлама ғалым, ұлт азаттық қозғалысының теориялық негізін салушы әрі көсемі, қазақтың тұңғыш саяси партиясын ұйымдастырушы және Алашорда үкіметінің төрағасы Әлихан Нұрмұхамедұлы Бөкейханға арналған «Ұлттың Ұлы тұлғасы» қалалық байқауы өтеді.
Байқауды Астана қаласы әкімдігінің «Астана дарыны» дарынды балалар мен талантты жастарды анықтау және қолдау орталығы Әлихан Бөкейхан атындағы Binom school мектеп-лицейімен бірлесіп ұйымдастырып отыр.
Байқаудың мақсаты мен міндеттері:
- Әлихан Бөкейханның саналы ғұмыры негізінде жас ұрпақты ұлттық рухта тəрбиелеу және адамгершілік, отансүйгіштік қасиеттерді дарыту;
- көрнекті қоғам және мемлекет қайраткері, әмбебап ғалым Ә.Бөкейханның құнды мұраларын дəріптеп, халық үшін атқарған қызметін насихаттау;
- саяси, мәдени, экономикалық, әдеби-публицистикалық мұрасын көпшілікке танымал ету.
Байқау мемлекеттік тілде және 4 номинация бойынша өткізіледі:
- «Ә.Бөкейхан – ұлт жанашыры» эссе жазу номинациясы;
- «Ұлт көсемі – Әлихан» жас ақындар номинациясы;
- «Алаштың Әлиханы» буктрейлер номинациясы;
- «Әлихан жүрген ізбенен» комикстер номинациясы.
Өтетін орны: Әлихан Бөкейхан атындағы Binom school мектеп-лицейі (Шафика Чокина көш., 5).
Басталуы: сағ.09.00.
Тіркеу: сағ.08.15-08.45.

Трансляция:

Алаштың Алиханы

Ұлт көсемі - Әлихан

Әлихан - ұлт жанашыры

Әлихан - ұлт жанашыры 2

Әлихан жүрген ізбенен

Хаттамалар

“Астана дарыны” дарынды балалар мен талантты жастарды анықтау және қолдау орталығы 2024 жылдың 5 наурызында мемлекеттік білім беру тапсырысы орналастырылған жекеменшік балабақшалардың мектепалды даярлық топтары арасында “Елорданың еркетайы” қалалық байқауын өткізуде.
Қалалық кезеңде “Вокалдық топ” номинациясында 20 команда, “Вокал” номинациясында 20 қатысушы, “Хореография” номинациясында 28 би тобы, “Балалар музыкалық аспаптарында ойнау” номинациясында 6 ансамбль өнер көрсетеді.
Қатысушыларға сәттілік!

Трансляция

«Астана дарыны» дарынды балалар мен талантты жастарды анықтау және қолдау орталығы 2024 жылдың 4 наурызда жалпы білім беретін пәндер бойынша 5-6 сынып оқушыларына арналған республикалық олимпиаданың үшінші (қалалық) кезеңін өткізеді.
Өтетін орны:
№80 мектеп-гимназиясы (Ш.Қосшығұлұлы, 17/2) .
Пәндер: қазақ тілі мен әдебиеті, орыс тілі мен әдебиеті, қазақ тілінде оқытатын мектептердегі орыс тілі, ағылшын тілі).Басталу уақыты - 10:00.
№95 мектеп-лицейі (Ұлы Дала даңғылы, 73/1).
Пәндер: Қазақстан тарихы, жаратылыстану, математика, орыс тілінде оқытатын мектептердегі қазақ тілі. Басталу уақыты - 10:00.
Қатысушыларға сәттілік тілейміз!

Трансляция

Хаттамалар

Жұмыстар

8-11 сынып оқушыларына арналған Ө.М. Сұлтанғазин атындағы қалалық математикалық олимпиадасы

2024 жылдың 02 наурыз күні «Астана дарыны» дарынды балалар мен талантты жастарды анықтау және қолдау орталығы 8-11 сынып оқушыларына арналған Ө.М. Сұлтанғазин атындағы қалалық математикалық олимпиадасын өткізеді.
Олимпиаданың мақсаты – мектеп оқушыларының жоғары деңгейдегі олимпиадаларға дайындығын жақсарту, пән бойынша ерекше қабілетті балаларды анықтау және әлемдік деңгейде физика-математика саласында із қалдырған ғалым, қоғам қайраткері, физика-математика ғылымдарының докторы, профессор, Қазақстан Ғылым Академиясының академигі Өмірзақ Махмұтұлы Сұлтанғазиннің ғылымға қосқан үлесін насихаттай отырып, олимпиада резервтерін қалыптастыру.
Олимпиаданың өтетін орны: №82 «Дарын» мамандандырылған лицейі (Ұлы Дала даңғылы, 61/1).
Тіркелу уақыты: сағ. 09.00-09.45 дейін.
Басталу уақыты: 10.00.


Трансляция

Жұмыстар

Хаттамалар

«Жарқын болашақ» республикалық қазақ тілі олимпиадасының қалалық кезеңі

«БІЛІМ-ИННОВАЦИЯ» Халықаралық қоғамдық қоры және «Астана дарыны» дарынды балалар мен талантты жастарды анықтау және қолдау орталығы 2024 жылдың 1 наурыз күні мемлекеттік тілді қолдауға бағытталған «Жарқын болашақ» республикалық қазақ тілі олимпиадасының қалалық кезеңін өткізеді. Олимпиадаға 7-11 сынып оқушылары қатысады.
Олимпиада бес бағыт бойынша өтеді:
1. «Бейнелеушілер» (қазақ әдебиетіндегі шығармаларды комикс жанрында салу);
2. «Білгірлер бәйгесі» (халық ауыз әдебиеті үлгілері бойынша сайыс);
3. «Жас қаламгер» (жазбаша шығармашылық жұмыс);
Олимпиаданың өтетін орны: Дарынды қыз балаларға арналған «Білім-инновация» лицей-интернаты (Б.Соқпақбаев көшесі, 17 үй)

4. «Сөз шеберлері» (шешендік өнер, көпшілік алдында белгілі бір тақырыпта сөз сөйлеу);
5. «Әнші-бұлбұлдар» (жанды дауыста ән айту);
Олимпиаданың өтетін орны: Дарынды ер балаларға арналған «Білім-инновация» лицей-интернаты» (Тұрар Рысқұлов көшесі, 14)
Қатысушыларды тіркеу уақыты: 09:15-09:45
Олимпиаданың басталу уақыты: 10:00-де

ҚАТЫСУШЫЛАРҒА СӘТТІЛІК ТІЛЕЙМІЗ!

Трансляция:

Сөз шеберлері

Сөз шеберлері (2)

Жас қаламгер

Жас қаламгер (2)

Жас қаламгер (3)

Бейнелеушілер

Бейнелеушілер (2)

Бейнелеушілер (3)

Білгірлер бәйгесі

Хаттамалар

«ӘЛИХАН және АЛАШ» зияткерлік үстел ойыны

2024 жылдың 29 ақпанында «Астана дарыны» дарынды балалар мен талантты жастарды анықтау және қолдау орталығы Әлихан Бөкейхан атындағы № 76 мектеп-лицейімен бірлесіп қалалық «ӘЛИХАН және АЛАШ» зияткерлік үстел ойынын өткізеді.
Мақсаты: жалпы білім беретін мектеп оқушылары арасында Әлихан Бөкейхан мен Алаш қайраткерлерінің өмір жолына қызығушылықтарын ояту, шығармаларын насихаттау,оқушылардың әдебиеттік шығармаларға құштарлығын арттыру.
Міндеттері:
- мектеп оқушыларына Ұлт көсемі, мемлекет қайраткері Әлихан Бөкейхан және Алаш қайраткерлерінің тарихи ерліктерін насихаттау;
- жаңа буынның патриоттық сезімін ояту, тәуелсіздік жолында қызмет еткен тарихи тұлғаларға деген құрмет дәріптеу;
- Әлихан Бөкейханның еңбектерін зерттеп, терең меңгеруге қызығушылығын ояту.
Ойында 3 бағыт бойынша сұрақтар болады:
• «Ұлт көсемі - Әлихан» - Әлихан Бөкейханның өмірбаяны мен шығармашылығы;
• «Ұраны – АЛАШ, мұраты - азаттық» - Алаш қайраткерлері (А.Байтұрсынұлы, Ш.Құдайбердіұлы, М.Шоқай, С.Сәдуақасұлы, Қ.Кемеңгерұлы, М.Дулатұлы, Б.Майлин, С.Сейфуллин, І.Жансүгіров, Ж.Аймауытұлы, М.Жұмабаев, С.Торайғыров, Х.Дос¬мұ¬хамедұлы, Х.Ғаб¬бас¬ұлы, М. Тыныш¬бай¬ұлы) өмірбаяны;
• «Алаш тағылымы» - Алаш қайраткерлерінің шығармашылығы.
Ойын 2 айналымнан тұрады:
1 айналым – (әр мектептен келген оқушылар бір-бірімен сайысады);
2 айналым – (жеңімпаздар арасындағы сайыс).
Ойын ережеге сәйкес 8-10 сынып оқушылары арасында мемлекеттік тілде өтеді және әр білім беру мекемесі тек 1 қатысушы ұсынады.
Өтетін орны: № 76 мектеп-лицейінде (Түркістан көшесі, 10/1)
Басталуы: сағ.09.00
Тіркеу: сағ.08.15-08.45.

Трансляция

Хаттама

Математика пәнінен 7-9 сынып оқушыларына арналған «Алтын сақа» олимпиадасы

2024 жылдың 26 ақпан күні «Астана дарыны» дарынды балалар мен талантты жастарды анықтау және қолдау орталығы «Зерделі» ақыл-ой дамыту мектебімен бірлесіп математика пәнінен 7-9 сынып оқушыларына арналған «Алтын сақа» олимпиадасының (әрі қарай-Олимпиада) қалалық кезеңін өткізеді.
Олимпиаданың мақсаты:
Астана қаласы бойынша математика пәнінен қабілетті балаларды анықтау, олимпиадалық резерв қалыптастыру.
Өтетін орны: №95 мектеп-лицейі (Ұлы дана даңғылы, 73/1).
Тіркелу уақыты: сағ. 13:00-13:45дейін.
Басталу уақыты: 14:00.
Олимпиада мемлекеттік тілде өтеді. Олимпиадаға қатысушылардың тізімі қосымшада беріледі.
Олимпиада туралы тиісті ақпараттарды мына мекенжайдан білуге болады: «Зерделі» ақыл-ой дамыту мектебі, Қабанбай батыр 40, байланыс тел:87779336887.

Хаттамалар