QR BAJÍXANA

Ҳудудларда инвестиция, озиқ-овқат лойиҳаларининг амалга оширилиши аҳволи билан танишилиб, мавжуд муаммоларни бартараф этиш чоралари кўрилмоқда

Божхона қўмитаси Божхона аудити бошқармаси масъул ходимлари Қорақалпоғистон Республикасида амалга оширилаётган инвестиция ва озиқ-овқат лойиҳаларини ўрганди.

Мўйноқ туманида жойлашган тузни қайта ишлаш билан шуғулланувчи жамият ҳозирда “Туз ишлаб чиқариш заводини ташкил этиш” лойиҳаси устида ҳам ишламоқда. Қиймати 19,4 млрд. сўмни ташкил қилувчи мазкур лойиҳа тўлиқ ишга тушгач, яна 40 та янги иш ўринлари яратилади.

Умумий қиймати 62 миллиард сўмга тенг бўлган Нукус туманидаги МЧЖларнинг бири томонидан парранда гўштини етиштириш ва озуқа ем ишлаб чиқариш лойиҳасини ўрганиш доирасида лойиҳанинг белгиланган муддатда ишга туширилиши масалалари муҳокама этилди. Лоийҳа тўлиқ ишга тушгач 10 минг тонна товуқ етиштириш қувватига эга бўладиган корхона яна 50 нафар аҳолини доимий иш ўрни билан таъминлайди.

Навбатдаги манзилда эса масъуллар томонидан “Божхона омбори” божхона режимида турган товарларнинг якуний режимга олинмаётганлиги сабаблари тадбиркорлик субъектлари билан муҳокама қилиниб, бундай ҳолатларнинг ўз вақтида бартараф этилиши чоралари кўриладиган бўлди.

Экспортер ва экспорт билан шуғулланиш истагида бўлган барча тадбиркорлар билан очиқ давра суҳбати бўлиб ўтди

Ўзбекистон савдо-саноат палатаси Қорақалпоғистон Республикаси бошқармасида тадбиркорлик субъектлари билан ташкил этилган давра суҳбатида экспортга масъул барча идоралар, шу қаторда божхона бошқармаси бошлиғининг биринчи ўринбосари М.Уразалиев ва тегишли бўлим вакиллари иштирок этди.

Учрашувда товарлар экспортини амалга ошириш босқичлари, яратилган шароитлар ва талаб этиладиган ҳужжат турлари бўйича батафсил маълумотлар берилди.
Хусусан, “Экспорт 3 қадамда”модули, “Божхона ҳудудида қайта ишлаш” божхона режими афзалликлари тақдимот кўринишида амалий мисоллар билан тушунтирилди.

Таъкидлаш жоизки, “экспорт 3 қадамда” модулида бугунги кунда Қорақалпоғистонлик тадбиркорлар томонидан жами 2 мингга яқин декларациялар юборилган. Ҳозирча автомобиль транспортидаги ташишларга жорий этилган мазкур модулдан биргина октбрь ойида 97% экспортер-тадбиркорлар фойдаланиб, ўз маҳсулотлари экспортини амалга оширган. Бу эса, 9 босқичли экспорт жараёнларининг эндиликда фақат 3 босқичда амалга оширилишини таъминловчи мазкур модул имкониятларидан фойдаланиш даражаси тобора ортиб бораётганидан далолат беради.

Ташқи иқтисодий фаолият иштирокчилари учун яна бир имконият, “божхона ҳудудида қайта ишлаш” божхона режими афзалликларидан Қорақалпоғистон Республикаси бўйича 2021-2022-йилларда биронта тадбиркорлик субъкети фойдаланмаган бўлса, яратилган енгилликлар ва олиб борилган тарғибот ишлари натижасида 2023 йилда 5 та тадбиркорлик субъекти томонидан қиймати 630 минг АҚШ долларига тенг бўлган ва жорий йил ўтган даврида 18 та тадбиркорлик субъекти томонидан қиймати 3 млн. АҚШ долларига тенг товарлар ушбу режимдан фойдаланган ҳолда экспорт қилинган. Давра суҳбати давомида ушбу режим афзалликлари, ундан фойдаланиш шартлари ва талабларига ҳам алоҳида тўхталиб ўтилди.

Учрашувда тадбиркорлар божхона, солиқ, банк, ўсимликлар карантини ва бошқа йўналишларда экспорт амалиётларида мавжуд тартиботлар ва яратилган шароитлар бўйича қизиқтирган саволларига жавоб олишди.

Нукус шаҳридаги “Мурувват” ногиронлиги бор аёллар интернат уйида “Давлат байроғи қабул қилинган кун” ҳамда “Халқаро аёлларга нисбатан зўравонликка қарши кураш куни” муносабати билан тадбир ўтказилди

Унда Қорақалпоғистон Республикаси божхона бошқармаси масъул ходимлари ҳамда ИИВ Жамоат хавфсизлиги хизмати ҳуқуқбузарликлар профилактикаси бошқармаси ходими қатнашиб, муассаса тарбияланувчилари билан суҳбат ўтказилди.

Дастлаб, давлат байроғи, унинг ҳар бир инсон учун ватанпарварлик ҳиссини туйишидаги ўрни ҳақида фикр билдирилиб, давлат байроғи рамзи туширилган нишонлар муассаса тарбияланувчиларига тақиб қўйилди.

Халқаро ва алоҳида давлатлар даражасида олиб борилаётган аёллар ва болаларга нисбатан зўравонликка қарши кураш ва унинг олдини олиш глобал миқёсда инсон ҳуқуқлари ва гендер тенгликни таъминлашнинг муҳим йўналиши ҳисобланади. Тадбир давомида ҳар бир аёл тазийиқларсиз бахтли ҳаёт суришга ҳақли эканлиги, аёлларга нисбатан зўравонлик учун қонунчиликда қатъий жазо чоралари белгиланганлиги тушунтирилди.

Тадбир якунида масъуллар бу ерда тарбияланувчи аёлларнинг қўлидан тебранган санъат асари даражасидаги ижод ва қўл меҳнати маҳсуллари томоша қилишди.