Пуқара Усманова Юлдуз Ибрагимовна иси бойынша жеке пикирБүгин болып өтиўи керек болған суд иси жуўапкердиң наўқаслығы себепли қалдырылыпты.
Пуқаралық процессуал
кодексинде буннан кейинги жағдайлар қандай болыўы яки жуўмақланыўы ҳаққында жуўап берилген. Оларды бирме-бир көрип шығамыз.
1. Кодекстиң
156-статьясында айтылыўынша, тәреплерге ҳәм басқа қатнасыўшы субъектлерге судқа шақырыў қағазлары ҳәм судтың айырым процессуал ҳәрекетлери хабарлы қылынғаны факт сыпатында дәлийллениўи керек. Егер хабарнама тәреплердиң биреўине ҳақыйқаттан жиберилген болса ҳәм оны тәреплер ўақтында алмаған болса, суд тәрепти хабарлаған есапланады.
Сораў: даўагер яки жуўапкерге суд қалдырылғаны ҳаққында телеграмма яки басқа формада хабарнама жиберилдиме?
2. Усы кодекстиң
137-статьясына муўапық, суд исиниң дурыс ҳәм өз ўақтында көрип шығылыўына турақлы қарсылық қылып келген тәреп мойнына әмелде жоғалтылған ўақыт ушын екинши тәреп пайдасына ҳақы төлеў мәжбүриятын жүклеўи мүмкин. Но деген жери бар,
егер ол суд исине кеширимли себеплер менен қатнаса алмаса (оның ишине наўқаслық та киреди), булар әмелге аспайды.Суд, сондай-ақ, судқа кеширимли себеплер менен келе алмай жүргенлер бойынша тийисли экспертиза жумысларын алып барыўы да мүмкин. Бул дегени, суд ҳақыйқаттан да ол тәреп наўқаспа, яки басқа көрсетилген себеплер тийкарлы ма, соларды тексериўи мүмкин.
Ол – судтың қолында.3. Пуқаралық процессуал кодексиниң
117-статьясының 2-бәнти бойынша, суд тәреплердиң биреўи емлениў мәкемесинен шыққанға дейин яки судқа келиўине тосық болып турған кеселлик саўалғанға дейин исти тоқтатып турыўы мүмкин.
Айтыўынша, суд 16-июльге қалдырылыпты. Сораў: калдырылған күни жуўапкер толық саўалып кетиўине ҳәм ол судта қатнасыўына ким горант бере алады? Суд па?Ол күни де жуўапкер келмесе ҳәм бул жағдай көп ўақыт даўам етсе не болады? Ҳәммеси тек қағазда жазылған. Оны атқарыў аңсат болмайды, нәзеримде. Бирақ, енди бул жағы «ўзбекчилик» болып кетпесе, деп қорқаман.
@mizdakxan