Usbanov ARNASY

Грузияның 6 оппозициялық партиясы күш біріктіріп, "шетелдік агент" туралы заңның екінші оқылымында билік партиясына қарсы тұру үшін партия жақтастары мен халықты жұмылдыратын болып келісті. Және бірлескен мәлімдеме жасады.

Кешеден бері Қазақстанға Қырғызстан президенті Садыр Жапаров қонақ болып келіп, ресми кездесудер өткізіп жатыр.

Бүгін Ақордада ресми қабылдау болды. Екі ел басшылары еларалық қарым-қатынастарды егжей-тегжейлі талқы жасаған.

Қасым-Жомарт Тоқаев пен Садыр Жапаровтың қандай келісімдерге қол қойғаны, нақты қай секторлар бойынша талқы жасағанын алдағы уақытта кеңінен тарқатып жазатын боламыз.

Әзірге айтпағымыз, Алатаудың қос етегін қоңшы жайлаған қазақ пен қырғыз татулығы. Қазақстанның бірсыпыра облысы қарғын судың құрсауында қалып, ел алағай да бұлағай күй кешкенде Қырғызстан алғаш болып көмек ұсынды. Құтқарушыларын жіберетінін айтты. 2 кезек гуманитарлық көмек жөнелтті. Алғашқы жолы 300 тонна көмекті 15 жүк көлігіне тиеп артса, екінші жолы 144 тонна тағы жіберді.

Қазақ пен қырғыздың ортақ шешер мәселесі де жоқ емес. Бірінші кезек су мәселесі. Жазда еліміздің оңтүстігіндегі диқандар егісті суару үшін Қырғыздан аққан суға телміреді. Ал жаздың жүзі көріне бастады. Ақордада бұл мәселе сөзсіз талқы болғаны анық!

Израиль түнде Иранға жауап соққы жасады!

Израильдің жауабы шекті көлемде ғана болды. Иранның Исфахан қаласының әуежайы маңына зымыран соққысы жасалды.

Ресейдің Ставрополь аймағында Ту-22МЗ бомбалаушы ұшағы құлады. РФ Қорғаныс министрлігі ақпаратты растады.

Ұшақ түнде құлатылған.

Бұл УББ операциясы болуы мүмкін. Ондай жағдайда Украина өз шекарасынан 300 шақырым ішкері аумақтағы жау ұшағын атып құлатқан алғашқы факт болмақ.

Иран билігі “егер Израиль біздің ядролық орталықтарымызға шабуыл жасаса, онда біз ядролық бағдарламамызды өзгертіп, басқа бағытқа бұрыламыз” деп мәлімдеді. Яғни, ядролық қару жасаймыз дегенді меңзеді.

СУ ТАСҚЫНЫ: ЕЛІМІЗДЕГІ АХУАЛ ҚАНДАЙ?

ҚР ТЖМ мен Республикалық штабтың бүгін таратқан ресми деректеріне сүйенсек, Азаматтық қорғау қызметтері 117694 адамды, оның ішінде 43931 баланы құтқарды.

113852 ауыл шаруашылығы жануарлары қауіпсіздік жерге айдалды. 18651 адам үйлеріне оралды. Эвакуациялау пункттерінде 6887 адам, оның ішінде 3166 бала бар.

10,1 млн. м3 астам еріген қар суы сорылды, 3,2 млн. астам қапшық пен 1,4 млн. тонна инертті материал төселді. 4216 тұрғын үй мен 2698 аула аумағынан су бұрылды.

НЕШЕ АДАМ ҚАЗА ТАПТЫ? ҚР ІІМ НЕ ДЕЙДІ?

"Иә, өкінішке қарай мұндай жағдайлар болды, БАҚ-та көп айтылды. Абай облысында екі адам жоғалды, Атырау облысында мәйіттер табылған. Абай облысында іздеу шаралары жалғасып жатыр", - деді кіші министр Қожаев.

Вице-министрдің дерегінше, Абай облысында 2 адам жоғалып кеткен. Атырау облысында 4 адам, Түркістан облысында кішкентай бала суға батып кеткен. Аталған фактілер бойынша қылмыстық іс қозғалған және тергеу жүргізіліп жатыр.

Осыған дейін ҚР Төтенше жағдайлар министрлігі Атырау облысы, Құлсары қаласында тасқыннан 4 адамның қаза тапқанын айтқан. Абай облысында да өзен тасып жатқанда хабар-ошарсыз кеткен 4 адамға іздеу жарияланғаны айтылған. Ақтөбеде де қарғын суға батып кетті деген 2 адамның мерт болғаны айтылған. Алайда, жергілікті билік өкілдері "мерт болған 2 баланың ажалына тасқын судың қатысы жоқ" деп түйіндеген.

Бішкек 9 мамырда парад өткізбейді. Есесіне "Өлмес полк" шеруі өтеді.

Байден Конгресске үндеу жасады. "Тағдыршешті сәтке келдік. Украина мен Израильге әскери көмекті енді кештетуге болмайды", - деді.

Ал Конгресс спикері Майк Жонсон Украинаға көмек туралы заңды 20 сәуірде талқылайтынын айтты.