Введите текст для поиска
Расширенный поиск каналов

KarInform.uz

@karinformuz
Гео и язык канала: Казахстан, Казахский
Категория: Новости и СМИ

Исенимли ҳәм оператив жаңалықлар, аналитикалық мақалалар жәрияланатуғын Karinform.uz сайтының рәсмий каналы
Facebook: www.fb.com/karinform.uz
Instagram: www.instagram.com/karinformuz
Youtube: www.youtube.com/@KarInform_UZ
Бизге мүрәжат @Karinformuzbot

Связанные каналы
Гео и язык канала
Казахстан, Казахский
Категория
Новости и СМИ
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

KarInform.uz

28 Apr, 14:43

Открыть в Telegram Поделиться Пожаловаться
Интеллектуал мүлк – нызам қорғаўында

️Басқа шахсқа тийисли товар белгиси, ойлап табылған нәрсе, пайдалы модель, санаат үлгиси ямаса шығармалардан (қосық, музыка, кино, фотография ҳәм басқалар) ийесиниң разылығысыз пайдаланыў нызамға муўапық жуўапкершиликке себеп болады.

Telegram|Instagram|Facebook|Youtube
75 0 0
KarInform.uz

28 Apr, 12:27

Открыть в Telegram Поделиться Пожаловаться
️Жәрийма баллары 1-майдан баслап күшке кирмейди

Жәрийма балларын есаплаў тәртиби ҳаққындағы норматив-ҳуқықый ҳүжжет белгиленген тәртипте ислеп шығылмақта.

Сол себепли тийисли норматив-ҳуқықый ҳүжжет қабыл етилгеннен соң, жол ҳәрекети қағыйдаларын бузғанлығы ушын берилетуғын жәрийма балларының есапланыў мүддети ҳәм тәртиби анық белгиленеди.

Telegram|Instagram|Facebook|Youtube
106 0 0
KarInform.uz

28 Apr, 12:05

Открыть в Telegram Поделиться Пожаловаться
«Титаник» кемесинде жазылған хат 350 000 евроға сатылды

«Титаник» кемесинде жазып жиберилген хат аукционда 300 мың фунт стерлингке (350 мың евроға) сатылды.

Хат биринши класс жолаўшысы Арчибалд Грейси IV – америкалы инвестор ҳәм жазыўшы тәрепинен жиберилген. Оның жийени хатты аукционға қойған.

«Бул әжайып кеме, бирақ оған баҳа бериўден алдын саяхатымның жуўмақланыўын күтемен», деп жазған Арчибалд Грейси IV кеме жөнеп кетиўинен алдын.

Аукцион саўдасы Англияның Уилтшир графлығындағы Henry Aldridge & Son аукцион үйинде болып өтти. Басланғыш баҳасы 60 000 фунт стерлинг болған. Нәтийжеде хат бес есе қымбатқа сатылған. Қарыйдар америкалы жеке коллекционер болған.

Арчибалд Грейси IV «Титаник»тиң муздай суўға секирип аман қалған аз санлы жолаўшыларынан бири еди. Ол төңкерилген қайық үстинде болғанында қутқарыўшылар тәрепинен анықланған. Ню-Йоркқа қайтып келгеннен соң «Титаник ҳақыйқаты» китабында апатшылықты сүўретлеп берген.

Telegram|Instagram|Facebook|Youtube
115 5 1
KarInform.uz

27 Apr, 17:16

Открыть в Telegram Поделиться Пожаловаться
Зыянлы «Дубай шоколады», 100 жыллық «Пристав үйи», «Мениң бағым» жойбары – Karinform.uz'да ҳәпте дайжести

Ҳәпте даўамында жүз берген әҳмийетли ўақыяларға тоқталып өтемиз:

➖ Шымбайдағы 100 жыллық имәрат мәдений мийрасқа айландырылды;

➖ «Шымбай-Нөкис-Бейнеу» жөнелисинде жолаўшы тасыўшы поездлер қатнаўы жолға қойылады;

➖ 1-майдан физикалық шахслардың жеке мүтәжлиги ушын товарларды бажысыз алып кириў нормалары кемейтилди;

➖ Мийнет мигрантларына финанслық жәрдем тәртиби тастыйықланды;

➖ «️Мениң бағым» жойбары шеңберинде даўыс бериў процеси басланды;

➖ «Дубай шоколады»нда инсан саламатлығы ушын қәўипли бактериялар анықланды;

➖ Жаңа бағ ҳәм жүзимзарлар ушын 18% ставкада 7 жыллық кредит бериледи;

➖ 1-майдан баслап ҳүжжетсиз мигрантлар Россиядан шығарып жибериледи.

Telegram|Instagram|Facebook|Youtube
146 0 0
KarInform.uz

27 Apr, 12:58

Открыть в Telegram Поделиться Пожаловаться
Айырым исбилерменлер мәмлекетлик дизимнен өткенде мәмлекетлик бажы төлемейди

️Нызамшылыққа бола, 2025-жыл 1-майдан өзин-өзи бәнт еткен шахслар жеке тәртиптеги исбилермен ямаса юридикалық шахс сыпатында мәмлекетлик дизимнен өткерилгенде, мәмлекетлик бажы өндирилмейди.

Telegram|Instagram|Facebook|Youtube
149 5 1
KarInform.uz

26 Apr, 21:22

Открыть в Telegram Поделиться Пожаловаться
Ҳәммеге дем алыў ҳуқықы кепилленген

✅Конституцияға бола, ҳәмме дем алыў ҳуқықына ийе.

Жалланып ислеўшилерге дем алыс ҳуқықы жумыс ўақтының даўамлылығын, дем алыс ҳәм исленбейтуғын байрам күнлерин, ҳақы төленетуғын ҳәр жылғы мийнет дем алысын белгилеў арқалы тәмийинленеди.

Telegram|Instagram|Facebook|Youtube
187 6 1
KarInform.uz

26 Apr, 18:03

Открыть в Telegram Поделиться Пожаловаться
️1-майдан баслап ҳүжжетсиз мигрантлар Россиядан шығарып жибериледи

Миграция агентлигиниң мәлим етиўинше, 2025-жыл 30-апрель күни Россияда пуқаралардың ҳуқықый статусын тиклеў ушын берилген мүддет тамамланады. 1-майдан баслап статусын тәртипке салмағанлар шығарып жибериледи ҳәм келешекте Россияға кириўи қадаған етиледи.

Пуқаралар тийисли руқсатнама ҳүжжетлерин алыў ушын Россия ИИМ уйымларына ямаса «Сахарово» орайына мүрәжат етиўи керек.

Telegram|Instagram|Facebook|Youtube
206 1 6
KarInform.uz

26 Apr, 15:06

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Японияда «темир ат» таныстырылды

Kawasaki компаниясының Corleo роботы жол таңламайды, онда жоқары тезлик ҳәм комфорт үйлескенлиги айтылмақта.

Telegram|Instagram|Facebook|Youtube
155 0 1
KarInform.uz

26 Apr, 14:36

Открыть в Telegram Поделиться Пожаловаться
Тайынлаў

Абдимажитов Азамат Азатович – «Ҳудудгазтаъминот» АЖ «Ҳудудгаз Қорақалпоғистон» газ тәмийнаты филиалы директорының биринши орынбасары - бас инженер лаўазымына тайынланды.

А.Абдимажитов тайынлаўға шекем филиалдың «Орайлық диспетчерлик хызмети» бөлими баслығы лаўазымында жумыс ислеп келген.

Telegram|Instagram|Facebook|Youtube
144 0 3
KarInform.uz

26 Apr, 14:34

Открыть в Telegram Поделиться Пожаловаться
Тайынлаў

Қазақбаев Өсербай Жиенбаевич – «Ҳудудгазтаъминот» АЖ «Ҳудудгаз Қорақалпоғистон» газ тәмийнаты филиалы директорының «Тәбийий газ есабы ҳәм коммерция» бойынша орынбасары лаўазымына тайынланды.

Ө.Қазақбаев тайынлаўға шекем халық хожалығының ҳәр қыйлы тараўларында жуўапкершиликли лаўазымларда жумыс алып барған.

Telegram|Instagram|Facebook|Youtube
135 0 1
KarInform.uz

26 Apr, 10:42

Открыть в Telegram Поделиться Пожаловаться
️Жаңа бағ ҳәм жүзимзарлар ушын 18% ставкада 7 жыллық кредит бериледи

Жаңа бағ ҳәм жүзимзар пайда етиўшилерге 18% ставкада 7 жыллық кредит бериледи, соннан 3 жылы жеңиллетилген.

Кредит басқышпа-басқыш: Жер таярлаў (10%), нәл ҳәм егиў (40%), суўғарыў системасы (30%) ҳәм қараў (20%) ушын ажыратылады. 1 гектарға ең көби менен БЕМниң 500 есесине шекем кредит бериледи.

Нызам 2025-жыл 23-апрельде тастыйықланған.

Telegram|Instagram|Facebook|Youtube
143 0 3
KarInform.uz

26 Apr, 08:26

Открыть в Telegram Поделиться Пожаловаться
Ташкентте Орайлық Азиядағы биринши шоколад музейи жумыс баслады

Өзбекстанда Орайлық Азиядағы биринши шоколад музейи ашылды. Жаңа музей пайтахттың «Наўрыз» бағында жайласқан. Бул жерде сиз шоколад тарийхы, көркем өнери менен жүзлесесиз.

Экспонатлар арасында Өзбекстан ҳәм дүньяның белгили архитектуралық естеликлериниң шоколад миниатюралары, белгили тарийхый шахслардың естеликлери бар. Экспозицияда 19 обьект көрсетилген болып, олардан 16сы музей усталары тәрепинен қолдан исленген шоколадлы мүсинлер есапланады.

Музейдеги экспонатларды жасаў ушын 850 килограмм шоколад жумсалған, олардан 2еўи ақ шоколадтан исленген. Ҳәрбир фигура ушын кеминде бир ҳәпте мийнет сарыпланган. Барлық мүсинлер арнаўлы шоколадлы қаплама менен қапланған болып, бул оларды бир жылға шекем өз ҳалында сақлаў имканиятын береди.

Telegram|Instagram|Facebook|Youtube
165 3 3
KarInform.uz

25 Apr, 15:01

Открыть в Telegram Поделиться Пожаловаться
«Дүнья үшинши жәҳан урысы алдында турыпты» – Медведев

Россия Қәўипсизлик кеңеси баслығының орынбасары Дмитрий Медведев дүнья үшинши жер жүзилик урыс жағасында турғанын айтты. Бул ҳаққында "РИА Новости" хабар берген.

Медведев Халықаралық жынаят судының (ХЖС) мәмлекет басшыларын, соның ишинде, Россия президенти Владимир Путинди қамаққа алыўға берген ордерлери глобал қәўиплердиң күшейиўине алып келип атырғанын дағазалады.

Халықаралық жәмийетшилик принципиал белгилер бойынша бөлинген ҳәм негизинде планетамыз Үшинши жер жүзилик урыс алдында турған бир дәўирде, ХЖСның қарары өз-өзинен глобал қәўиплердиң күшейиўине алып келди. Бундай қәўиптиң күшейиўинде инсаният алдында Халықаралық жынаят судының айырым лаўазымлы шахслары да жуўапкер, деди Медведев.
Ол тийисли пикирлерин «Правоведение» журналындағы мақаласында келтирди. Медведев BRIKS шеңберинде Халықаралық жынаят судына (ХЖС) альтернатив халықаралық ҳуқықый уйым жаратыўға шақырды.

Telegram|Instagram|Facebook|Youtube
216 3 3
KarInform.uz

25 Apr, 11:34

Открыть в Telegram Поделиться Пожаловаться
«️Дубай шоколады»нда инсан саламатлығы ушын қәўипли бактериялар анықланды

Ташкенттеги базарларда сатылып атырған Fix Dessert Chocolatier бренди астындағы шоколадта лаборатория тексериўлери нәтийжесинде төмендеги қәўипли бактериялар анықланды:
➖ Ашытқы ҳәм зыянлы бактериялар (МАФАМ);
➖ Коли топары бактериялары (БГКП);
➖ Салмонелла.

Бул бактериялар инсан саламатлығына зыян жеткериўи, атап айтқанда, аллергия ҳәм басқа да кеселликлерди келтирип шығарыўы мүмкин.

Telegram|Instagram|Facebook|Youtube
301 0 7
KarInform.uz

24 Apr, 15:18

Открыть в Telegram Поделиться Пожаловаться
Қырғызстанға полиетилен пакетлерди алып кириў қадаған етилиўи мүмкин

Қырғызстанға қалыңлығы 20 микрометр ҳәм оннан жуқа полиетилен пакетлерди импорт етиў ярым жыл мүддетке қадаған етилиўи мүмкин. Экономика ҳәм саўда министрлиги бул усынысты жәмийетшиликтиң додалаўына қойған. Бундай пакетлер ултрафиолет нурлар ҳәм механикалық тәсир ақыбетинде ыдырап, пластик микро бөлекшелерин пайда етеди, олар қоршаған орталықты ҳәм инсан саламатлығын қәўипке қояды. Оларды қайта ислеў болса 3-4 есе көп ресурс талап етеди.

Қадаған етиў импорт жүгин азайтады, денсаўлықты сақлайды ҳәм экологиялық таза алтернативлер – қағаз, ағаш, шийше, металл ямаса гезлеме өнимлерин раўажландырыўға түртки болады, бирақ буның ушын санаат жаңа технологияларға бейимлесиўи керек.

Telegram|Instagram|Facebook|Youtube
210 5 1
KarInform.uz

24 Apr, 09:14

Открыть в Telegram Поделиться Пожаловаться
PF-70 Xususiylashtirish dasturi-2025.pdf
27.3Мб
Мәмлекет қатнасыўында кәрхана шөлкемлестириўге 2030-жылға шекем мораторий енгизилди

Президент пәрманына муўапық, 2030-жылға шекем (қорғаныў ҳәм қәўипсизлик пенен байланыслы кәрханалар ҳәм президент қарарлары тийкарында нәзерде тутылған жағдайлар буған кирмейди) жаңа мәмлекет қатнасыўындағы кәрханаларды шөлкемлестириў қадаған етиледи. Мақсет – жеке меншик сектор үлесин арттырыў ҳәм мәмлекетлик кәрханалар санын азайтыў.

Ҳүжжетте атап өтилиўинше, 2030-жылға шекем мәмлекетлик емес сектордың үлеси 85%ке жеткериледи ҳәм мәмлекетлик кәрханалардың саны 6 есеге азайтылады.

Базарлар ҳәм саўда комплекслеринде мәмлекеттиң қатнасыўы мәжбүрийлиги де бийкар етиледи.

Telegram|Instagram|Facebook|Youtube
210 2 4
KarInform.uz

23 Apr, 13:49

Открыть в Telegram Поделиться Пожаловаться
«️Мениң бағым» жойбары шеңберинде даўыс бериў процеси басланды

Мағлыўмат ушын, «Мениң бағым» жойбарының быйылғы мәўсиминде аймақлардан жәми 570 жойбар келип түскен.

️Даўыс бериў басқышы 30-апрельге шекем даўам етеди.

Telegram|Instagram|Facebook|Youtube
197 0 2
KarInform.uz

23 Apr, 13:40

Открыть в Telegram Поделиться Пожаловаться
️Мийнет мигрантларына финанслық жәрдем тәртиби тастыйықланды

Ҳүкимет қарарына бола, мийнет миграциясындағы пуқараларға субсидия ҳәм кредитлер ажыратылады.

Енди:

➖ Виза, жол билети, тил ҳәм кәсип имтиханлары қәрежетлери мәмлекетлик субсидия есабынан қапланады;
➖️ Немец, инглис, япон ҳәм корейс тиллери бойынша B1 дәрежедеги сертификат алған студентлерди көп таярлаған 50 оқытыўшыға – 50 млн сом бериледи;
➖ ️Миграцияға кетиўшилерге 10 млн сомға шекем микрокредитлер ажыратылады (2 жылға, жоқары процентте);
➖ «Сырт елге жумысқа таярлаў орайы» шөлкемлестириледи, «Бир айна» арқалы хызметлер көрсетиледи;
➖ ️Арзан ҳәм тәртипли автобус қатнаўы жолға қойылады.

Telegram|Instagram|Facebook|Youtube
185 0 2
KarInform.uz

22 Apr, 14:13

Открыть в Telegram Поделиться Пожаловаться
️Коррупцияға қарсы гүресиўде жаңа тәртиплер енгизиледи

2027-жыл 1-январьға шекем ҳуқықый эксперимент сыпатында төмендеги жаңалықлар әмелге асырылады:

➖️ Денсаўлықты сақлаў, Қурылыс, Суў хожалығы министрликлери, «Өзбекнефтгаз» ҳәм «Өзсуўтәмийнат» АЖның коррупцияға қарсы бөлимлериниң басшылары Коррупцияға қарсы гүресиў агентлиги хызметкерлеринен тайынланады;
➖ ️2026-жыл 1-январьға шекем барлық мәмлекетлик хызметлер район/қала дәрежесинде халық тәрепинен баҳаланады. Қанаатландырарсыз деп баҳаланған басшыларға жеке жуўапкершилик жүкленеди;
➖ 2025-жыл 1-июльға шекем «E-anticor.uz» сайтында электрон реестр, есабат ҳәм аноним сораў модульлери иске түсириледи.

Telegram|Instagram|Facebook|Youtube
195 0 0
KarInform.uz

22 Apr, 11:00

Открыть в Telegram Поделиться Пожаловаться
Даўамлылығы 10 минуттан кем болған телекөрсетиўлерди реклама менен үзип қойыў мүмкин емес

️Нызамшылыққа бола, телеканаллардың эфиринде, теле-, видео-, кинохроникалық бағдарламаларда тарқатылып атырған рекламаның улыўма даўамлылығы:

🔹көрсетиў ўақтының 1 сааты даўамында 20 проценттен, бирақ 1 суткада көрсетиў ўақтының 15 процентинен артпаўы керек.

️Бул талап тек ғана реклама телебағдарламаларына қәнигелескен телеканалларға қолланылмайды.

️Даўамлылығы 10 минуттан кем болған телекөрсетиўлерди реклама менен үзип қойыўға ҳәм реклама менен бирге көрсетиўге жол қойылмайды.

Telegram|Instagram|Facebook|Youtube
192 4 4 1
Показано 20 последних публикаций.