milli.kzn

26 апрель, халкыбызның бөек шагыйре Габдулла Тукайның тууына 139 ел һәм Туган тел көне уңаеннан Г.Камал исемендәге Татар дәүләт Академия театрының яңа бинасында зур бәйрәм чарасы булып узды. Биредә шулай ук язгы «Печән базары» да оештырылган иде. Катнашучылар арасында Казан Мэриясе тарафыннан гамәлгә ашырылган «Үз телем» проектлар бәйгесендә катнашып, грант откан җиңүчеләребез дә эшләрен тәкъдим иттеләр.

📍Исегезгә төшерәбез, Татар телен өйрәнүгә һәм татар мәдәниятен үстерүгә багышланган «Үз телем» бәйгесенә гаризалар кабул итү дәвам итә. Казанда яшәүче 14-35 яшьтәге яшьләрдән телне өйрәнүнең нәтиҗәле, стандарт булмаган, кызыклы, шул ук вакытта яшьләр өстенлек бирә алырлык проектлар көтеп калабыз.

📨«Үз телем» бәйгесендә катнашу өчен 30 июньгә кадәр yztelem@gmail.com электрон адресына гариза (ФИО, туган көн датасы, адрес, телефон номеры, уку/эш урыны, проектның тасфирламасы, сметасы) юлларга кирәк. Татар телен үстерүгә үз өлешегезне кертергә менә дигән мөмкинлек!

📲Тулырак биредә.

«Апуш»та чираттагы премьера: «Сарымсак»!

📍Кайда: Г.Камал исемендәге Татар дәүләт Академия театрының яңа бинасында, Көнчыгыш залы
📍Кайчан: 29 апрель, 16:00

Спектакльдә Сәет-Галиев исемендәге мәдәният сараенда шөгыльләнүче барлык шәкертләр дә катнаша. Бу аларның тәүге спектакле.

«Сарымсак» дип аталган яшьләр өчен пьесаның авторлары – Татарстанның атказанган артисты, К.Тинчурин исемендәге Татар Дәүләт драма һәм комедия театры артисты Илфак Хафизов һәм Сәет-Галиев исемендәге мәдәният сараенда шөгыльләнүче төркемнең актерлык осталыгы остазы, спектакльне сәхнәгә куючы режиссёр Резеда Гарипова.

«Җир йөзендә һәммәбез дә кечкенә бер сарымсак» – шушы слоган астында узучы спектакль төрле сынаулар алдында калган яшүсмерләр турында.

Син – ул синең гамәлләрең, син – ул синең сайлау. Безнең геройлар нинди юл сайлаганнарын спектакльне караганнан соң белербез!

📲Тулырак биредә.

«Апуш»лылар булдыра!

15-18 апрель көннәрендә Удмуртиянең башкаласы Ижау шәһәрендә «Театраль Идел буе» балалар һәм яшьләр театр коллективлары фестиваленең бүләкләү тантанасы булды. Биредә «Апуш» татар балалар театр студиясе Республика данын яклады.

Исегезгә төшерәбез, фестивальнең финалына Идел буе федераль округының барлык субъектларыннан 28 спектакль чыккан идек. 27 март – Халыкара театр көнендә алар арасында онлайн форматта тавыш бирү этабы узды. Аның нәтиҗәләре буенча «Апуш» студиясе берьюлы 3 номинациядә – «Иң яхшы балалар спектакле», «Иң яхшы ир-ат роле» һәм «Иң яхшы музыкаль бизәлеш» номинацияләрендә җиңү яулады.

Фестиваль Воткинск шәһәрендәге «Юбилейный» мәдәният йортында бүләкләү тантанасы һәм зур концерт белән тәмамланды. «Апуш» студиясен Удмуртия Республикасы башлыгы Александр Бречалов бүләкләде.

«Апуш» шәкертләре һәм остазларын чын күңелдән әлеге зур җиңүләре белән котлыйбыз. Алга таба да зурдан-зур иҗади уңышлар телибез һәм яңа спектакльләрен көтеп калабыз!💚

📲Тулырак биредә.