Оралда құтқарушылар сиырларды шанамен тасып құтқарды...

Зачаганск шағын ауданында алты сиыр суатқа кеткеннен қайтып оралмаған.

Белгілі болғандай, малдар тасқыннан кейін қалған шағын Чаган өзенінің бір тармағына шығып кеткен. Жағалаудың суы таяз болғандықтан, мұз берік көрінген. Алайда, жануарлардың салмағынан мұз шытынап кеткен. Олардың аяқтары жан-жаққа тайып, өз бетінше жағаға шыға алмаған.

Құтқарушылар жеткенше сиырлар мұз үстінде жатып қалған. Оперативті-құтқару жасағының қызметкерлері тапқырлық танытып, шана жасап, тоңған малдарды жағаға сүйреп шығарды.