Newsroom.kz

ХХХІІ ДҮНИЕЖҮЗІЛІК ҚЫСҚЫ УНИВЕРСИАДА: ҚАЗАҚСТАН НӘТИЖЕСІ ҚАНДАЙ?

🇰🇿 Италияның Турин қаласында өтіп жатқан ХХХІІ Қысқы универсиада (13 қаңтар – 23 қаңтар аралығы) бел ортасына келді. Студент-спортшылар арасындағы ең беделді халықаралық жарысқа әлемнің 57 елінен 2000-ға жуық спортшы қатысуда. Байрақты бәсекеде Қазақстан намысын 103 спортшы қорғап жатыр. Бұл күндері ел қоржынына 6 жүлде түсті, оның ішінде 2 алтын, 3 күміс, 1 қола медаль бар.

🥇Қысқы доданың алғашқы күнінде Қазақстан қоржынына алтын медаль түсті. Анастасия Городко фристайл-могулдан жекелей сында жеңімпаз атанып, елімізге мерейін асқақтатты. Сондай-ақ, ол жұптық фристайл-могул жарысында да керемет нәтиже көрсетіп, екінші алтын медальді жеңіп алды. Осылайша, ел қоржынындағы екі алтын жүлдені де Анастасия алып берді.

🥈Қыздар арасында жұптық фристайл-могул жарысында тағы бір қазақстандық спортшы Аяулым Әмренова күміс медаль иеленді.

🥈🥉Қазақстан құрамасына кезекті жүлделер шаңғы спорт түрінен келді. 10 км еркін жүрістен парашаңғышы Денис Зинов күміс медаль, ал Роман Құрбанов қола медаль иеленді.

🥈Ерлер арасында жұптық фристайл-могул финалдық бәсекесінде отандасымыз Антон Бондарев Универсиада ойындарының күміс жүлдегері атанды.

Қазақстан бұл жетістіктерімен медальдар кестесінде үздік үштікке енді. Отандастарымыз Франция мен Германия құрамаларынан кейінгі орынды иеленіп отыр.

Айта кетейік, биылғы Универсиада бағдарламасы 11 спорт түрін қамтиды, ал спортшылар арасында 90 медаль жиынтығы сарапқа салынады. Қазақстан құрамасы 10 жарыс түрінде бақ сынауда: биатлон, шаңғы жарысы, қысқы спорттық бағдарлау, фристайл, мәнерлеп сырғанау, хоккей (ерлер мен әйелдер), парашаңғы жарысы, тау шаңғы спорты және шорт-трек.

Қазақ спортшыларына сәттілік тілейміз! 🇰🇿✨

10 қаңтарда Қазақстанның Халық жазушысы, мемлекеттік сыйлықтың лауреаты Мұхтар Мағауин АҚШ-тың Мерилэнд штатында дүниеден озды. Бұл туралы жазушының ұлы Едіге Мағауин Facebook парақшасында жазды.

«Арыстан әкем фәниден бақиға аттанып кетті, АҚШ-тың Мерилэнд штатындағы үйінде, бала-шағасының ортасында, 2025 жылғы қаңтардың 9-ы, жергілікті уақыт бойынша сағат 19:55-те», – делінген жазбада.

Жазушы Қазақстан уақыты бойынша 10 қаңтар таңғы сағат 5:55 қайтыс болған.

Ол Қазақстанның Халық жазушысы, Абай атындағы Мемлекеттік сыйлық лауреаты, Түркияның Халықаралық «Түрік дүниесіне қызмет» сыйлығының иегері, Улан-батордағы Халықаралық Шыңғыс хан Академиясының құрметті академигі болған.

Айта кетейік, Мұхтар Мағауин 2007 жылы Қазақстаннан Чехияға қоныс аударған. Кейін АҚШ-та, Түркияда өмір сүрген. 2024 жылы Halyq Uni басылымына берген сұхбатында ол елге қайта оралмайтынын айтқан.

@newsroomkz

«Астана – Щучинск» тас жолындағы жаппай жол-көлік оқиғасының салдары жойылды.

Бұл туралы Төтенше жағдайлар министрлігінің баспасөз қызметі хабарлады.

Жылыту пунктеріне уақытша 118 адам, оның ішінде 42 бала орналастырылды. Құтқарушылар жағдайды бақылауда ұстап, жүргізушілерге ауа райы жақсарғанға дейін жолға шықпауға кеңес береді.

Сонымен қатар, министрлік жаппай жол-көлік оқиғасының салдарын жою туралы мәлімдеді. Апат салдарынан 21 адам зардап шеккен, оның 11-і ауруханаға жатқызылды.

Оқиғаға қатысқан барлық 95 көлік эвакуацияланды, жолдағы қозғалыс қалпына келтірілді.

✅ Жазылу | 📩 Ақпарат жіберу: +77072140699