«ҚазАгроҚаржы» АҚ ақшалай міндеттемелерді уақытылы орындамау нәтижесінде туындаған тұрақсыздық айыптарын есептен шығару акциясын іске асырады.

Тұрақсыздық айыптарын есептен шығару акциясы 2024 жылғы 13 желтоқсанға дейін жүргізіледі. Оған клиенттердің келесі санаты қатыса алады:

- Негізгі борыш, сыйақы немесе айыппұл бойынша мерзімі өткен міндеттемелері бар клиенттер, соның ішінде сот шешімімен өндіріп алынған берешек, 2024 жылғы 13 желтоқсанға дейін қарызды толығымен өтеген жағдайда;

- Акция басталғанға дейін мерзімі өткен берешегі болмаған, бірақ акция өткізу кезеңінде міндеттемелерді орындау мерзімін бұзған клиенттер, аталған күнге дейін қарызды толығымен өтеген кезде.

Акцияға қатысу үшін клиенттер қызмет көрсетілетін «ҚазАгроҚаржы» АҚ филиалдарына жазбаша өтініш беруі қажет.