🇰🇿 FINANCE.kz ҚАЗАҚША

🇨🇳 Қытай экономикасы көршілес 30 шақты Азия елдері экономикасынан, оның ішінде бүкіл Орталық Азия экономикасынан үлкен.

@FINANCEkaz

💵 ҚАЗАҚСТАНДЫҚ БАНКТЕРДЕГІ ДЕПОЗИТТЕР ҚАЛАЙ ӨЗГЕРДІ?

Қыркүйек айында ұлттық валютадағы депозиттер біршама өсім көрсетті, валюталық салымдар әлі де болса әлсіз.

Толығырақ оқу — https://the-tenge.kz/articles/depozitnii-rinok-za-mesyats

Қыркүйек айында Қазақстанның банк жүйесіндегі депозиттер көлемі тамызда төмендегеннен кейін 1,4% - ға ұлғайып, сенімді өсім көрсетті. Нәтижесінде депозиттердің жиынтық көлемі ₸36,7 трлн-ға жетті. Бұл негізінен жеке салымшылар мен корпоративтік клиенттердің сұранысынан туындап отыр.

@THETENGEkz

🔥 Дональд Джон Трамп АҚШ-тың 47-ші президенті болып сайланды. Қызықтың бәрі енді басталады!

@FINANCEkaz

💸 #ҚАРЖЫЛЫҚСАУАТСЫЗДЫҚТЫЖОЮ @ FINANCEkaz

Қаржы мәдениетін бірге көтерейік!

👉 АҚШ президенті қор нарығына қалай әсер етеді?

АҚШ президенті өзінің саяси шешімдері, экономикалық саясаты және жария мәлімдемелері арқылы қор нарығына айтарлықтай әсер ете алады. АҚШ президенті қор нарығына тікелей саясат пен шешімдер арқылы да, жанама түрде экономикалық күтулер мен инвесторлардың сеніміне әсер ету арқылы да ықпал жасайды. Алайда, нарық көптеген басқа факторларға, соның ішінде жаһандық экономикалық жағдайларға, технологиялық инновацияларға және геосаяси оқиғаларға тәуелді екенін ескеру керек.

Дональд Трамптың 2016 жылғы қарашада өткен сайлаудағы жеңісінен кейін қор нарығы өсе бастады. Инвесторлар корпоративтік салықтардың төмендеуін, бағаның қайта реттелуін және инфрақұрылымдық шығындардың өсуін күтті. 2017 жылдың желтоқсанында салықтар мен жұмыс орындарын қысқарту туралы заң қабылданды, бұл нарықтың одан әрі өсуіне ықпал етті. Дональд Трамп экономикалық және саяси мәселелер бойынша пікірін білдіруде әлеуметтік медианы кеңінен қолданды. Оның Қытаймен сауда келіссөздері туралы твиттері нарықта жиі құбылмалылық тудырды, өйткені инвесторлар жаңа тарифтер енгізу немесе сауда келісімдерін жасау мүмкіндігіне орай бірден әрекет етіп отырды.

Мемлекеттік шығындарды көбейту немесе азайту туралы шешімдер экономиканы ынталандыруы немесе бюджет тапшылығы туралы алаңдаушылық тудыруы мүмкін. «Фискалдық құлдырау» саясаты және мемлекеттік қарыздың шегін көтеру туралы даулар нарықта белгісіздікке әкелуі мүмкін. Президент ФРЖ төрағасын тағайындайды, бұл елдің ақша-несие саясатына әсер етеді. Монетарлық саясат, өз кезегінде, пайыздық мөлшерлемелер мен экономиканы ынталандыру шаралары арқылы қор нарығына қатты әсер етеді.

Дональд Трамптың АҚШ президенті болып сайлануы қор нарығына әсер етуі мүмкін, бірақ экономика мен инвестициялық көңіл-күйге әсер ететін көптеген факторларға байланысты нақты реакцияны болжау қиын. Егер инвесторлар Трамптың саясаты экономикалық өсуге ықпал етеді деп санаса, бұл акциялар бағасының өсуіне әкелуі мүмкін, әсіресе өнеркәсіп, энергетика және қаржы секторларында. Баға қайта реттеледі деген күтілімдер жекелеген салаларда өсуді ынталандыруы мүмкін, бірақ негізгілерінде бақылаудың жеткіліксіздігі туралы алаңдаушылық тудыруы мүмкін.

Қор нарығының Трампты сайлауға реакциясы оның сайлауалды бағдарламасының, инвесторлардың күтулерінің және қазіргі экономикалық жағдайдың үйлесуіне байланысты болады. Инвесторларға жаңалықтарды бақылап, нарықтық тенденцияларды саралап, шешім қабылдамас бұрын қаржы мамандарымен кеңесіп отырған абзал.


@FINANCEkaz

👉 THE ECONOMIST: ТРАМПТЫҢ ЕКІНШІ МЕРЗІМІ — ҮЛКЕН ҚАУІП-ҚАТЕР

Егер The Economist дауыс беру мүмкіндігіне ие болса, ол оны Камала Харриске берер едік, депті журнал Трамптың суретін жаңа нөмірдің мұқабасына орналастырып.

— Келесі аптада ондаған миллион америкалық Дональд Трампқа дауыс береді. Кейбіреулер бұл қадамға ренішпен барады, себебі олар Камала Харристі елді құрдымға жіберетін радикалды марксист санайды. Кейбіреулер оған мақтаныштан жігерленіп дауыс береді, өйткені Трамп мырза Ақ үйге енсе Америка аяғына нық тұратынына сенеді. Алайда, кейбіреулер Трампты эмоцияға салынбай құрғақ есеппен тәуекелге бел буып таңдайды. Сайлаушылардың бұл соңғы тобы The Economist оқырмандарының көпшілігін қамтиды, олар Трамп мырзамен іс жүргізгілері келмеуі мүмкін, тіпті оны балаларына үлгі боларлықтай санамауы да мүмкін. Бәлкім олар Трамп президент болған кезде оның жасаған жамандығынан жақсылығы көп болды деп ойлайтын шығар. Сондай-ақ оған қарсы қозғалған іс асыра сілтеу деп те сенуі мүмкін. Трамп президент болып сайланған жағдайда оның барлық ырықсыз сезімдерін айналасындағылар: оның қызметкерлері, бюрократия, Конгресс және сот шектеп отырады деп топшылаулары мүмкін.


— Бұл басылым бұл уәждерді есірген ақымақтық деп санайды. Америка Трамп мырзаның төрт жылдығын оңай еңсере алады, өйткені бұған дейін де елді екі партия құрамынан сайланған кемелсіз президенттер басқарған. Елдің тіпті өркендеуге шамасы жетеді. Бірақ өздерін байсалды санайтын сайлаушылар Трамп президенттігінің жанама қаупін елемейтін тәрізді. Трамп мырзаны еркін әлемнің көшбасшысы ете отырып, америкалықтар экономикаға, заңның үстемдігіне және халықаралық бейбітшілікке қауіп төндіреді. Әрине, біз бір нәрсенің дұрыс болу-болмау ықтималдығын анықтай алмаймыз: оны ешкім де болжай алмайды. Бірақ біз оның болу мүмкіндігін төмендететін сайлаушылар өз өзін алдап отыр деп санаймыз.


— Президенттер әулие болмауы керек және Трамптың екінші президенттігі апаттық жағдайға тап болмайды деп үміттенеміз. Бірақ Трамп мырза Америка мен әлем үшін өрескел қауіп төндіреді. Егер The Economist дауысқа ие болса, ол оны Харрис ханымға берер еді.

@FINANCEkaz

👉 Долларға қауіп төніп тұр ма? Жаңа валюта бола ма? Еуроны қолданысқа енгізем деп Еуро Одақ 40 жылдан астам уақыт жұмсады. БРИКС-ке ортақ бір валютаны айналысқа шығаруға қанша онжылдық кетер екен? АҚШ доллары әлемдік SWIFT төлем желісінде үстем екені тағы бар.

@FINANCEkaz

👉 Kaspi басшысы және негізін қалаушы Михаил Ломтадзе @Kursivm ұйымдастырған ECOSYSTEMS FORUM 2024-те протекционизм туралы айтқаны.

@FINANCEkaz

МУСИН: КЛИЕНТТЕРДІҢ БАҚЫТТЫ ЕТУ ҮШІН ЖҰМЫС ІСТЕЙМІЗ

Қазақтелеком басшысы Бағдат Мусин @kursivm ұйымдастырған ECOSYSTEMS FORUM 2024-те:

— Менің міндетім — клиенттерді қуанту, және талшықты-оптика қолданушы клиенттер бақытты болуы керек сияқты еді, сондықтан мен мыс тұтынушыларына баса назар аудардым, нәтижесінде 580 мың үй шаруашылығында талшықты оптика дұрыс жұмыс істемейтіні белгілі болды. Нәтижесінде, біз 100 мегабиттің орнына 20 мегабит тартамыз, себебі бір жерде жабдық ескірген, бір жерде нашар жұмыс істейді. Біз қазір осы мәселелерді шешіп жатырмыз, бірақ бастапқыда мен тек «мыс клиенттеріне» назар аудару керек деп ойладым, өйткені мен талшықтың проблемасы жоқ деп ойладым. Келесі жылы біз клиенттердің бақытты екенін естиміз деп үміттенем.

— Біз 20 мың модемді қайта орнаттық, жыл соңына дейін 300 мың клиенттің модемін ауыстыру арқылы қуантамыз деп жоспарлап отырмыз.


@FINANCEkaz

ТУРЛОВ: ҚАЗАҚСТАНДЫҚТАР ЖАҢА ТЕХНОЛОГИЯЛАРҒА КЕРЕМЕТ БЕЙІМДЕЛЕДІ, БҰЛ БІЗДІҢ ПЛЮС

Freedom Holding бас атқарушы директоры Тимур Турлов ECOSYSTEMS FORUM 2024-те @kursiv:

— Біз Қазақстандағы ең танымал сервиске айналсақ та, нарықта тірі қалу үшін бұл жеткіліксіз. Біз бәріміз бөтен үлкен экожүйенің бір бөлігі болуымыз керек. Немесе өзіміз экожүйеге айналуымыз қажет. Бұл процесс ертең болмасы анық, мүмкін оған жету жолында ондаған жылдар кетер, бәлкім тез де болар. Жаңа цифрлық әлемге бейімделу процесі қазақстандықтар үшін болғандай жылдам өтпеуі мүмкін. Біз ерте бейімделдік — бұл қазақстандықтардың айрықша қасиеті. Экожүйелер шекараға мән бермейді. Ұлттық реттеушілер реттеуге тырысуы мүмкін, бірақ ол сәтсіз болады.

@FINANCEkaz

Сауда және интеграция бірінші вице-министрі Айжан Бижанова @kursiv ұйымдастырған ECOSYSTEMS FORUM 2024-те. Өзіңді өзің мақтамасаң, ешкім мақтамайды демекші.

@FINANCEkaz

👍 ЛОМТАДЗЕ: БІЗ ӘЗІРЛЕМЕЛЕРГЕ ЖЫЛЫНА 200 МИЛЛИОН ДОЛЛАР ЖҰМСАЙМЫЗ

Kaspi басшысы және негізін қалаушы Михаил Ломтадзе ECOSYSTEMS FORUM 2024-те @kursivm:

— Бізде бәрі түсінікті, қарапайым — біздің миссиямыз — мобильді қосымшалар жасау арқылы клиенттеріміздің өмірін жақсартуға саяды. Біздің қызмет индустриялық мәнге ие емес — біз барлық салаға бірдей қараймыз, шағын және орта бизнеске көбірек және жақсы сатуға көмектескіміз келеді. Екіншісі — біздің миссиямызда географиялық шектеулер жоқ. Біз әр үш-алты ай сайын жаңа қызметті іске қосамыз. Біз жақында түрік нарығына дейін кеңейдік — технологияларымызбен бөліскіміз келеді. Әлем бойынша жасап жатқандарымыздың барлығы Қазақстанда жасалған, бәрі өзіміздің қызметкерлеріміздің қолынан шыққан. Бізде қаптаған кеңесші жоқ, бәрін өзіміз 24 сағат бойы жұмыс істеу арқылы жасаймыз.

— Осы уақытқа дейін жасалғанның бәрі болмаса не болар еді, елестетіп көрейікші. Шағын және орта бизнес не болар еді. Біздің барлық әзірлеулерімізге, олардың дизайнын жасауға, жалпы өнімдерді жасауға жылына 200 миллион доллар жұмсалады. Біздің сайтымыз болмаған жағдайда ше, бәлкім нарықта тек шетелдік алаңдар мен шетелдік сатушылар болар ма еді. Иә, бізде жақсартатын тұстар бар, бірақ қазірдің өзінде жасалған нәрсе — бұл үлкен жұмыс, ол сөзсіз енді.

@FINANCEkaz

Қайырлы таң! Бүгін Kursiv @Kursiv ұйымдастырған ECOSYSTEM FORUM 2024 Қазақстан экожүйелерінің бірінші форумындамыз. Қызықты болады!

@FINANCEkaz

👉 Күтпеген ақпарат. 2021 жылдағы өлім-жітімнің негізгі 20 себебі неде?

2021 жылы әлемде 68 миллионнан астам адам қайтыс болған екен. Өлімнің негізгі себебі – артериялардың тарылып, жүрекке қан мен оттегінің жетіспеуінен пайда болатын жүректің ишемиялық ауруы. Жүрекке қан ағымы жетпей, толығымен бітеліп қалса, жүректің бұлшықет жасушалары өледі, бұл инфаркт деп аталады.

20 себептің тек төртеуі ғана жұқпалы аурудан болған екен, олар: COVID-19, төменгі тыныс жолдарының инфекциясы, туберкулез және диарея.

@FINANCEkaz

👉 KASE-нің АКЦИЯЛАР НАРЫҒЫ

KASE басқарма төрағасы Алина Алдамберген:

— Акциялар — Қазақстандағы ең өтімсіз нарық. Мәмілелердің 60%-ын жеке инвесторлар жасайды. Сауда-саттық жиілігі мен көлемі ұсақталып барады. Бұл туралы ол Cbonds Алматыда өтіп жатқан Capital Markets Kazakhstan VII конференциясында мәлімдеді.

Биржа басшысының айтуынша көгілдір фишкалар тәрізді өтімді және жеке инвесторлар үшін қызықты акциялардың қатарында Forte бар. Бұл әрине өкінішті жағдай, себебі бұл биылғы жылы биржада жұмбақ «пируэттер» көрсеткен біртүрлі қағаздың бірі. Неліктен бұл қағаз жеке инвесторлардың қызығушылығын тудырып отыр — себебі оның бағасы төмен, бірақ бұл акциялар нарығында институционалдардың онша көп емес екенін білдіреді. Егер нарықты Freedom broker басшысы Сергей Лукьянов айтпақшы бешбармақпен салыстырсақ, онда бұл тағамның қазысы аз, тіпті еті жоқ деп айтуға келеді.

@FINANCEkaz

💵 ҚАЗАҚСТАН ПРЕМИУМ СЕГМЕНТТЕГІ ЖОЛ ТАЛҒАМАЙТЫН КӨЛІКТЕРДІ САТУ БОЙЫНША ТОП-10 ЕЛДІҢ ҚАТАРЫНА ЕНДІ

Car Industry Analysis мәліметтері бойынша, 2023 жылы Қазақстан Lexus LX, Cadillac Escalade, Cadillac Escalade ESV және Toyota Land Cruiser 300 премиум жол талғамайтын көліктерін сату бойынша әлемдік көшбасшылардың біріне айналды. Сондай-ақ, Қазақстан Hyundai Tucson кроссоверін сату бойынша әлемде 5-орынға ие болды.

Толығырақ оқу — https://the-tenge.kz/articles/kazakhstan-po-prodazham-premialnikh-vnedorozhnikov

@THETENGEkz

🤖 ӨНЕРКӘСІПТІК РОБОТТАР ҚАЙДА ЖҰМЫС ІСТЕЙДІ?

Көбісі жасанды интеллект адамдарды жұмыссыз қалдырады деп қорқады. Бәлкім ЖИ-дың ұшы алғаш рет ақ жағалыларға да тигендіктен бе? Бұл жағдай туралы көк жағалылар жақсы біледі — бір ғасырға жуық уақыт болды автоматтандыру цехтарындағы жұмыс орындарының саны азаюда – роботтар әлдеқашан адамдарды алмастырған.

Инфографикада өнеркәсіптік роботтар жұмыс істейтін салалар ұсынылған.

@FINANCEkaz