ArshatGo

Спорттың букмекерлерге сатылуы туралы теорияларға сенбейтінмін. Бірақ соңғы кезде өзім жиі қоятын баскетболда байқап жүрмін және футболда топ лигаларда.

Мысалы бүгін ойнаған Германия Бундеслигасындағы Унион - Штутгарт матчында 1-тайм 4:4 болды, ал 2-тайм 0:0.

Талай адам тағы гол(дар) болады деп қадалған шығар. Күмәнді матч. Екеуі де бұлай көп гол соғатын команда емес негізі

OpenAI компаниясы Chatgpt-ге негізделген өзінің әлеуметтік желісін ашуы мүмкін. Әзірше нақты емес. Бірақ солай болатынына сенімдімін. Олардың ойынша сондай желідегі контент сапалы болады.

Яғни қолданушылар ЖИ арқылы жасаған мәтін, жаңалық, мақала, сурет, видеоларын бірден сол желіде бөлісе алады. Оны ақылы жазылымын алмағандар да көре алады. Оған қызыққандар да ақылы жазыла бастайды. Жақсы маркетинг негізі.

Ал контент шынымен сапалы болады деп ойлаймын. Мысалы біреулер түрлі лайфхактар бөлісуі мүмкін, біреулер медицина, ғылым, технология, психология тақырыптарында жазуы мүмкін. Солай әркім өз қызығушылығына қарай жазылып алады. Тіпті контентті әрі қарай жалғастыруы да мүмкін толықтырып.

Тек бұл желі емес, жалпы азаматтық журналистика, блоггинг, колумнистика қайта жаңғыруы мүмкін. Өйткені бұрынғыдай емес қазір. Бір тақырыпта мазмұн дайындау, аударма жасау, пунктуацияны түзеу, ақпаратты түсінікті және оқуға ыңғайлы қылып енгізу оңай және тез. Ақпаратта жаңа дәуір келе жатыр...

Балконнан кейде аулада футбол ойнағандарды қараймын. Кішісі де, жасөспірімі де, үлкен жігіттер де пас бермей ойнайды. Бәрі алдауға құмар және тек өздері гол соққысы келеді.
Біздің қанға сіңген қасиет пе екен: алдау, арбау, ұжымдық жұмысты бағаламау, басқаның еңбегін өз пайдаңа қолдану, атаққұмарлық?
Жастық шағым Түркияда өтті. Ол жақта керісінше жүйелі ойнайды, пас беруден ләззат алады, әр гол еңбекпен келеді...

ЖИ тоқтамай, дамып жатыр. 1-2 жыл жарысады енді бәрі. Содан кейін іріктеле бастайды. Нақты лидерлер қалады нарықта. Біреулер басқалармен бірігед дегендей.
Өткен апта ЖИ жаңалықтарына бай болды. Сол шолуды қарап көріңіз
https://el.kz/zhasandy-intellekt-alemindegi-otken-aptadagy-basty-zhanalyqtar_400020134/

Whatsapp жаңа функциялар қосты. Маған Іс-шаралар ұнады. Енді топтық чаттарда бір кездесу, оқиға, іс-шара болса сол туралы ақпарат беріп, уақытын жазып қоюға болады, кімдер келе алатынын да сонда белгілейді. Бұрынғыдай + қойыңдар деген болмайды енді. Жалпы біраз нәрсені жаңартқан. Енді арналарға комент қосу, сауалнама жасау дегендер болса Телеграмнан озып кетейін деп тұр
https://el.kz/whatsapp-zhana-funktsiyalaryn-zhariyalady_400019847/

Бойкот деген нәрсе бұрын шетелде ғана болады деп ойлайтын едік қой. Қазір өзімізде де болып жатыр.
Адамдар бойкоттың расымен күшті құрал екенін түсініп қалған сияқты.
Жақында Түркияда да сондай жағдай болды. Оппозиция бірнеше күн дүкеннен, кафеден, заправкадан ештеңе сатып алмауға шақырды. Әлі де нәтижесін талқылап жатыр. Бірақ тенденция анық: халық ақша арқылы қысым жасауды меңгере бастады. Бұл енді қалыпты құбылысқа айналуы мүмкін.
Бизнес үшін ең жаманы - сенімді жоғалту. Ақша табу қиын емес, сенім табу қиын. Қазір басқалар да ойланып қалған шығар, "ертең менің бизнесіме де бойкот жасап жүрмесін" деп...

Кафе-ресторандарда кілең скуфтар мен милфтар жүретін сияқты. Әлде мен тек сондай жерлерге барамын ба? А? 🤔

Біздің қоғамда тұтынушы белсенділігінің артуы — жақсы белгі. Magnum-ға жасалған бойкот — тек бір компанияға ғана емес, жалпы бизнес пен қоғам арасындағы қатынастың өзгеріп жатқанын көрсетеді. Мұның алдында да түрлі флешмоб акциялар болды ғой.
Magnum бұл тілге қатысты емес, курьердің дөрекілігінен дейді. Бұлай ақталудың қажеті жоқ еді. Қоғам оны тілге құрметсіздік деп қабылдады. Демек соған қарай жауап беру керек еді. Мысалы, бұл біздің қызметкердің дөрекілігі, бірақ осы мәселе төңірегінде біз тілге қатысты көзқарасымызды да қайта қарауымыз керек деп елдің сеніміне кіруі қажет еді. Яғни, бұл жерде сенім мен құрмет маңызды. Қазақ тіліне қатысты кей нәрселер жасауға болар еді. Мысалы жаңа акцияларға қазақша креатив сөздермен шақыру, қазақша посттар шығару. Жалпы кей эфир, подкаст, видео арқылы ма ашық диалогқа да шығуға болар еді.
Ал олар қазір игнор тәсілін қолданып отыр. Жұрт ертең ұмытып кетеді деп. Бірақ бәрі ұмытпауы мүмкін. Тіпті бәсекелестері сәтті пайдаланып, өздеріне тартып алып кетуі мүмкін. Бойкоттың әсері әрине болады. Кей тез бұзылатын азық-түліктерді лақтыруларына тура келеді. Ол да біраз шығын.
Бір адамның әрекеті – компания ұстанымы мен мәдениетін көрсетпейді.
Бірақ компанияның жауабы – оның болашағын анықтайды