Digital Dala

🌸 Қыздар қауымын келе жатқан мерекелерімен құттықтай отырып, IT саласында жақын арада оларға арналған мүмкіндіктермен таныстырғымыз келеді.

📢 International Women's Day 2025
Google WTM Амбассадорлары ұйымдастыратын бұл жыл сайынғы іс-шараның биылғы тақырыбы – "Redefine Possible".
📅 Күні мен уақыты: 15 наурыз 2025, 10:00-13:00
📍 Өтетін орны: Алматы Менеджмент Университеті
📎Сілтеме

📢 Technovation Girls Kazakhstan
Технология саласындағы қыздарға арналған жаһандық еріктілік бағдарлама. Кремний алқабында (АҚШ) әзірленген білім беру бағдарламасының негізінде, менторлар мен сарапшылардың қолдауымен, қыздар топ болып мобильді қосымша немесе жасанды интеллект алгоритмін жасайды.
📅 Ментилерге тіркелу дедлайны: 17 наурыз 2025
📎 Толығырақ (ментор не менти болуға болады)

📢 NU ACM-Women Student Chapter 6-шы жыл сайынғы codeW2025 бағдарламалау сайысы
📅 Күні: 15 наурыз 2025 | тіркелу дедлайны: 9 наурыз
📍 Өтетін орны: Назарбаев Университеті, Астана
📎Сілтеме

#мүмкіндік
@digitaldala

Ozon компаниясының дизайн бойынша тегін гайды!

Сәлем, достар! 😊

Жақында Ozon компаниясы дайындаған дизайн жөніндегі керемет гайдпен бөліскіміз келеді. Ол интерфейс, UX/UI және визуалды стильге қатысты пайдалы ақпараттарға толы.

📌 Гайдта 9 негізгі бөлім бар:

1️⃣ Белгілер
🔣 Нүкте, сызықша, бос орындарды қайда және қалай қою керек?

2️⃣ Сөздер
✅ Грамматика мен сауаттылықты қалай жақсартуға болады?

3️⃣ Интерфейс мәтіндерін қалай тексеру керек?
🔍 Контекст пен өзін-өзі тексеру тізімі

4️⃣ Бос күйлер
📦 Қолданушыға қажет ақпаратты дұрыс көрсету ережелері

5️⃣ Сәттілік экрандары
🎉 Жақсы жаңалықтарды қалай дұрыс жеткізу керек?

6️⃣ Қателер
⚠️ Қолданушыны қорқытпай, дұрыс бағыттау жолдары

7️⃣ Форматтар
📩 Тақырыптар, батырмалар, push-хабарламалар, хаттар

8️⃣ Жалпы ережелер
ℹ️ Ақпараттылық, safe choice принципі, мәтін өлшемі

9️⃣ Пайдалы ресурстар
🔗 Жұмыс барысында қолдануға болатын маңызды дереккөздер

⏩ Сілтеме⏪

#мүмкіндік #пайдалы_ресурс #дизайн
@digitaldala

Remini AI: Суреттерді сөйлететін жасанды интеллект! 🤖

Трендегі Remini AI қосымшасын қолданып көрген шығарсыздар? Әдемі суреттер, иә? Осы жасанды интеллект жасаған туындылар жайлы не білеміз?

Remini AI – TikTok пен Instagram-да вирусқа айналған «фото күшейткіш» қосымшасы. Пайдаланушыларға кәсіби фотосессияны қажет етпей-ақ, небәрі 5 секунд ішінде бет әлпетіңізден жоғары сапалы сурет жасауды ұсынады. UGC (user-generated content) тәсіліне негізделгендіктен қосымша тез танымал болды.

💡 Қызықты факт

✔️ Remini AI жүктелушілер саны жағынан Threads-ты басып озды;
✔️ Оның технологиясы OpenAI мен Google DeepMind сияқты ірі жобалар қолданатын терең оқыту қағидаларына негізделген;
✔️ Қосымшаны тегін жүктеп алуға болады, бірақ мүмкіндіктердің толық жиынтығын пайдалану үшін жазылым қажет - аптасына $9,99 немесе жылына $79,99;
✔️ Айлық жүктелуі 17 млн-ға жеткен;
✔️ Бір айда 115 млн-ға жуық белсенді қолданушысы бар.

Remini AI секілді басқа қандай құралдарды пайдалануға болады?

Егер Remini AI сізге ұнаса немесе басқа салаларда AI құралдарын қолдануды ойласаңыз, міне, сіздің жұмыстағы өнімділігіңізді арттыратын танымал жасанды интеллект құралдары:

Түйіндеме жасау – Kickresume
Кез келген тапсырманы шешу – ChatGPT
Мәтін жазу – Writesonic
Кескін жасау – Midjourney
Код жазу – Replit
Видео жасау – Synthesia
Музыка жасау – Soundraw
TikTok бейнелерін жасау – Fliki
Аватар жасау – Starrytars
Презентация құру – Slides AI
Бейне өңдеу – Pictory
Жазбаларды қысқарту/қорытындылау – Wordtune

Remini AI – жаппай қолжетімділіктің арқасында AI біздің өмірімізге еніп жатқанын еске салатын қосымшалардың бірі, дегенмен, өз ерекшелігімізді жоғалтпайық 🫰

💬 Сіз Remini AI-ды қолданып көрдіңіз бе? Өз әсерлеріңізбен бөлісіңіз!

Дереккөз сілтемелері:
Bending Spoons
AppTractor
VNews
Coding Interview Resources

#жасанды_интеллект #ReminiAI #AI #AI_құралдары

Deep Learning курсы

🤖 Deep Learning деген не?

🌐 Deep Learning (терең оқыту) — бұл жасанды интеллекттің ең заманауи технологияларының бірі. Ол адам миының жұмысын күрделі процестерді модельдеуге мүмкіндік береді.

📚 Қалай жұмыс істейді?

Deep Learning жасанды нейрондық желілерді пайдаланады, олар үш негізгі бөліктен тұрады:

✔️ Кіріс деректер (Input): суреттер, мәтіндер, дыбыс немесе басқа да мәліметтер.

✔️ Жасырын процесстер: мұнда деректер талданып, күрделі заңдылықтарды (patterns) іздейді.

✔️ Шығыс (Output) нәтижелер: мысалы, суретті тану немесе мәтінді аудару: мысық па ит пе деген мысалды барлықтарыңыз білетін шығарсыздар?

💡 Қайда қолданылады?

1️⃣ Адамдарды және объектілерді тану

Камераларда, әлеуметтік желілерде және қауіпсіздік жүйелерінде пайдаланылады.

Мысалы:

Face ID: Apple құрылғыларында бет-жүзді тану арқылы құлыпты ашу.

Instagram: Deep Learning алгоритмдері суреттердегі объектілер мен адамның беттерін бөліп белгілейді.

2️⃣ Мәтіндерді өңдеу (NLP)

Автоматты аудармашылар, чат-боттар, дауыс көмекшілері.

Мысалы:

Google Translate: Күрделі мәтіндерді әртүрлі тілдерге аудару.

Siri немесе Google Assistant: Дауыс көмекшілері сіздің сұрақтарыңызды түсініп, тапсырмаларды орындайды.

3️⃣ Медицина

Науқастардың деректерін талдап, ауруларды анықтау.

Мысалы:

Рентген және МРТ талдау: AI қатерлі ісік сияқты ауруларды ерте анықтай алады (мысалы, IBM Watson Health).

COVID-19 диагностикасы: КТ суреттерін талдау арқылы коронавирус анықтап бастады.

Генетикалық зерттеулер: DeepMind компаниясының AlphaFold жүйесі ақуыздардың құрылымын болжау үшін қолданады.

4️⃣ Өздігінен жүретін көліктер

Жолдағы жағдайларды шынайы уақыт режимінде талдайтын технологиялар.

Мысалы:

Tesla: Deep Learning негізінде автопилот жүйелері жұмыс істейді.

Waymo: Google-дың өздігінен жүретін көліктерді дамыту жобасы, Калифорния штатында такси ретінде қазір қызмет етеді.

NVIDIA Drive: Жолдағы объектілерді танып және жүргізушіге көмектесу үшін жасалған платформа.

5️⃣ Ұсыныс жүйелері

Мысалы:

Netflix: Көрген фильмдеріңізге сүйене отырып, жаңа контент ұсынады.

Spotify: Сіз тыңдайтын әндерге байланысты плейлисттер жасайды (мысалы, "Discover Weekly").

Amazon: Сатып алған өнімдеріңізге байланысты ұқсас заттарды ұсынады.

🔍 Бұл неге маңызды?

Deep Learning бұрын мүмкін емес деп есептелген мәселелерді шешуге жол ашады. Күнделікті процестерді автоматтандырудан бастап, болашақ технологияларын дамытуға дейін — бұл сала өмірдің барлық салаларында жаңа мүмкіндіктер ашып жатыр.

✨ Deep Learning туралы көбірек білгіңіз келе ме?

Пікірлеріңізбен бөлісіңіз немесе сұрақ қойыңыз, біз сізге көбірек ақпарат береміз! 🚀

Пост авторы: Ачилова Алина

#бағдар #deep_learning
https://t.me/digitaldala

Онлайн көрермендерге тікелей эфир👨‍💻