Сапалы түсірілген тарихи фильмдер мен сериалдарды жақсы көремін. Әлемдік деңгейдегі мысалдардың ішінде “Марко Поло” (Netflix) сериалын атап өтуге болады – Еуропаға Азияны ашқан саяхатшы және Шыңғыс ханның немересі Құбылай хан туралы керемет туынды. Түріктің тарихи сериалдары да ерекше танымал. Мысалы, “Ғажайып ғасыр” сериалы Осман империясының дәуірін шебер бейнелеп, нағыз хитке айналды. Сонымен қатар, “Ертұғрылдың қайта өрлеуі” тарихи драмасы өзінің тереңдігі мен керемет сюжетімен әлемді мойындатты.

Енді бізде, Қазақстанда, Шыңғыс ханның баласы, Алтын Орданың негізін қалаушы Жошы хан туралы жаңа сериал түсірілмек. Бұл тек біздің тарихымызды баяндап қана қоймай, киноиндустриямызды жаңа деңгейге шығарудың тамаша мүмкіндігі деп есептеймін. Қазіргі уақытта шағын сериалдар көрермендер арасында танымалдылыққа ие болып, ерекше дамып келеді.

Бұл жоба біздің ел үшін тек кинематография саласындағы маңызды қадам ғана емес, сонымен қатар мәдени құндылықтарымызды әлемге танытатын қуатты құрал бола алады деп ойлаймын.

Толығырақ ақпаратты сілтемеге өтіп оқи аласыздар ⤵️.
https://tengrinews.kz/cinema/epoha-zolotoy-ordyi-novyiy-serial-gotovitsya-syemkam-554204/