Кітапханашы күнделігі


Гео и язык канала: Казахстан, Казахский
Категория: Книги


Мен кітапхананы жердегі жұмаққа ұқсаттым! Борхес

Связанные каналы

Гео и язык канала
Казахстан, Казахский
Категория
Книги
Статистика
Фильтр публикаций


Тәкеннің тілі әдемі. Қонымды. Ойға. Тілге де әдемі оралады.
Мазмұны да. Күй,көкпар. Ерекше,кез келген қаламгер қалам тарта бермейтін жанр.


Адам жанын реттеп алмай ұлы дүниелер жасай алмайды. Жасаған сияқты болады. Сондықтан да бұндай жанрлар да керек.


Әр адамның өз "теңізі" болу керек. Жанының жасын жуатын. Уайымын уататын. Еннамдонда кішкентай "теңіз" бар. Ақ көпіршік толқындары келгеннің жанындағы жасын,көңіліндегі кірін шаяды.
Кітап осылай аяқталады. Роман-исцеление депті жанрды. Кәдімгі көпшілік кеп кірін жуатын жер ғой. Бірақ басқаға бей-жай қарамайтын адамдар бұл жерді кір жуылып біткенше ішіндегі мұңын,көңіліндегі кірбіңін шығарып кететін жерге айналдырады. Ол жерде шағын күтетін орын бар. Кітап,кофе машинасын қойып қойған. Әкімші жоқ. Өз-өзіне қызмет көрсетеді.Жиырма төрт сағат жұмыс істейді. Сол жерде үстелдің үстінде бір дәптер жатады. Келген адам дәл сол кездегі күйін жазып кетеді. Келесі адам оқыса жауап қалдырады. Бейтаныс жандар. Бір-бірін білмейді. Көрмеген. Арасында сол кейіпкерлердің түрлі оқиғасы баяндалады. Тығырыққа тірелген сәт әркімде болады. Сол кір жуатын орын,сол дәптер барлығына көмектеседі. Барлық оқиға желісі жақсы бітеді.
Бұл жанр керек. Білесіз бе?! Адам өмірі қарапайым дүниелерден тұрады. Осы дүниелер ретті болу керек.


Өзімді қарттыққа дайындап жүрмін. Осы бастан. Немен айналысамын,қандай пайдалы дүние жасаймын деп. Қазымыр болмас үшін. Жұртты шаршатпай жүру үшін. Келген жасымды бұлдамай,қылған дүниемді міндет қылмас үшін.
Жиі оңашаланатын болдым. Ол да керек...
Пайдалы практикалық зерттеулерге жылдар сарп етіп керек жоқ екен. Сондай дүниелермен айналысамын,кейін.
Осының бәрінде менің қасымда айнымас "досым"болады. Олар өзгеріп отырады. Ол-кітап.


Оқығанның тоқығаны болсын деңіз. Әйтпесе,бәрі бекер.


Бір айда мынша кітап оқимын деп есептей алмайды екем,ойлап отырсам. Саны емес білген ақпарат,қызықты хикаят,жанымды көркемдеген әңгімелер,үйренген ілімім маңыздырақ. Ол көп болды. Кітап оқуды когнитивті,биологиялық зерттеу,жанр түрлері, доксингтің салдары,дислексия деген диагноз туралы пайдалы дүниелермен қатар көркем шығармаға да уақыт тапқаныма қуандым.


Ол дүкен жабылайын деп жатқанда келді. Архитектормын деп танысқан жас жігіт бүгін демалысы екенін, өткенде шоколадым ұнағанын, бүгін сөйлесуге де уақыты молынан,әңгімелескісі келетінін айтты. Менен неге өзгелердің баянсыз махаббат хикаяларын тыңдайтыным жайлы сұрады. Бөліскісі келсе неге тыңдамасқа,адам одан жеңілдейді,жүректің еміне шоколад пен жақсы тыңдаушы болса жақсы емес пе дедім. Онда сіз бүгін өзіңіздің оқиғаңызды айтыңызшы,мен тыңдаушы болайын деді,архитектор жігіт. Ойланып қалдым...
#шоколаднаялавкачудес


Сіз өзіңіз үшін қастерлі,қасиетті дүниені қалай сақтап,қорғайсыз,өзгенікіне де солай қараңыз. Қорғамасаңыз да,бүлдірмеңіз. Қол да,ауыз да салмаңыз.
Бірақ,не айтсаң да өтпейтін адамдар болады, олар туралы ғалымдар не дейді екен?! Не зерттеу жасапты? Сол қызық.


Бір құдірет бар. Көп болды түс те көрмей кеткен ем.Бейсен аға түсіме кірді. Әдеттегідей жарқырап емес.Сәл жабырқаулы. Не айтқанын ұмытпай ояндым...


Хат жазыпты. Ұмытпаған дегеннен гөрі ұмыта алмаған сыңайлы. Жылдар өшірмепті. Жалынын. Сезілді. Алыста, сыртыңнан ойлап ғана емес,тілекшің болып,амандығыңды тілеп жүретін жан бары ғажап. Жүрегінің төрінен орын беріп қойған екен...Махаббат ол түрлі,ғажап сезімдердің жиынтығы. Ол тек бір дүниемен өлшенбейді.


Оның амалсыз, шарасыз күйін көрдім,сездім. Жаман адам емес. Бірақ мінезінен тапқан...табалау емес. Өзі мойындады.
Ал біздің проблема санап жүргеніміз оның шарасыздығының қасында ойыншық.
Біреудің киімін,оның түсін әңгіме ғып энергия құртқанша балаңа көңіл бөл,ілім үйрен.
Қайтесің...


"Мамамның мотивациясы"
Аракідік адамдармен ренжісу болады. Оның да деңгейі,өлшемі,ауыр,жеңілі бар. Өкпенің де өлгенше ұмытпайтыны болады. Наз деген бөлек. Әдетте,жақын тұтқаныңа назданасың. Ол жауласу емес. Соны түсінбей "қарсы соғысқа"шықса демек жақының болмағаны. Сен солай ойлап алғансың. Ал оған сізден бір пайда болған. Бұл шындық.
Мамам әдетте жақын тұтқаны өкпелеткенде "Қайратымнан айырылғанда да өлмегем..." дейтін. Бұрын аса түсіне қоймайтынмын. Анаға бар бала бірдей. Бірақ бар бала анаға бірдей қарамайды. Жаратылыс. Ала да,құла да туады деген сол. Қайрат көкем жиырма бесінде мәңгілік мекеніне кетіп қалған. Жаратылысы бөлек еді. Біртуар. Нағыз. Болмысы бөлек. Періште дерсіз. Мамамның қанаты еді. Енді осындай ғажабымнан айрылғанда шықпаған жаным,сен өкпелеткенде шыға қоймас дейді ғой...
Солай,өзін,жанын арашалап алатын. Менің уайымыма тұрмайсың,көз жасымның бір тамшысына татымайсың деп, көңіл суытатын.
Бұл өмір. Бұл соқпақ. Онда түрлі жанды жолықтырасың. Жаныңызды жауратпайтындар жолықсын.


Хилинг-роман. Хилинг- "исцеление" деген мағына білдіреді екен. Түрлі психологиялық соққылардан жанды емдейтін жанр дейді.
Шоколад дүкенінің иесі Хан Чухо ғажап шоколад ғана дайындамайды ол келген адамдардың ішкі дүниесіндегі өзгемен бөлісе алмаған оқиғаларын тыңдайды екен. Және тәтті береді. Арнайы,сол адам үшін дайындалған. Махаббат хикаяларын бөлісетіндер көбірек болады ғой. Махаббаттың формуласы адамзатқа ортақ. Ал түрлі махаббат хикаясынан сабақ алуға болады.
Ал сол тыңдап,тәттімен жан емдейтін шоколадшы ханым өз жүрегін емдей алып па?! Аннотация осылай аяқталады. Міне,жарнама! Көпшілік кез келген дүниенің,адамның кемшін тұсын іздеп тұратын ғадет бар ғой. Өзі жұртты "емдеп" өзі жаралы болғаны ма?! Соны білу үшін оқуы әбден мүмкін.
Бұл жеңіл шығарма оқы деген емес. Тағамның да,дәрі-дәруменнің де түр-түрі бар. Оларды түрлі жағдайда пайдаланасыз. Сол сияқты жанның түрлі күйі болады. Оған да шығарманың түрлері керек.


"Жарнама"
Жарнамаға сеніп қанша дүние аламыз. Қазір тіпті көп. Жақсысын да,жаманын да өткізеді. "Сетевой" деген пайда болды. Қайбір жылдары. Желілік жүйемен сатылатын тауарлар. Оның да күні жүріп тұр. Қазір түр-түрі шықты.
Ал кітапқа келгенде сол дүниені неге пайдаланбаса. Дәл қазір. Өйткені кітапты оқу керек деп оқитын ұрпақ ауысты. Бұрын шекараның ар жағында басқа өмір бар,және сол жақта біз тұра аламыз дегенді аса ұға қоймадық. Әлем,мәдениет араласып кетті. Баланы,жасөспірімді бірден ауыр тақырыпқа тығып жібереміз. Ол кезеңмен неге оқымайды?!
Автор ма,баспа ма,ұсынушы ма,кітапханашы ма оқырман неге ол шығарманы оқуы керек,ол не береді, осыны жарнама тілімен жеткізу керек. Осы кезеңде. Шын жарнама жасау керек. Жазғанын,оқығанын шынайы,нақты жеткізсе,шығарманың өзегін тауып айтса,ол өтеді. Кітаптың "жарнамасына" алданған ештеңе етпейді. Шығарма ұнамаса да пайдасы болар. Бір нығметті кітаптан табуға болады. Адамдарға не өтетінін бағдарлау қиын емес. Қазір ешкім кітап оқымайды деп отыра береміз бе? Қайтеміз?


-Сені ол адам жақтыра ма?
-Шаруам қанша,менің ақылым мен еркім өз иелігімде.
Эпиктет


Кентуки штатында "Ұлы депрессия" кезінде атпен кітап таситын қызмет болыпты. Сауаттылықты арттыру мақсатында құрылған қызмет түрі штаттың жолы қиын жерлеріне кітап жеткізген. Осы қызметті атқаратындарды "Кітап ханшайымы" деген екен.
Осы қызметтегі ханшайымдар ішінде Мэри ерекше көзге түсетін. Ешқандай күн райына қарамастан оқырманына кітап жеткізу басты мақсаты болған. Оның тіпті түрі де өзгеше бөлек болған дейді.
Өзін кітапқа арнаған адам өмір шындығымен бетпе-бет келгенде жан шыдатпас дүниелер болатыны белгілі.
Бұл шығарма өмірді өзгертемін деген сенімі мықты адам туралы дейді.
#жаңакітап


-Күлші
-Таңертең күле алмаймын...
-Таңертең мені жақсы көрмей қаласың ба?)
-Махаббаттың белгісі ол емес. Субъективті пікір. Жымимасам жақсы көрмей қалдым деген емес
-Түсіндім
#меніңданышпаным
ПыСы: түсіндім,рас-ау,күліп қарап, жақсы көрген боп,жанашыр болған боп жаныңды жаурататындар бар ғой...


Ол менің сүйікті трюфель шоколадымды әкелді. Және тәтті, дәмді әңгіме айттық...


Оқырман ата. Сексен үште. Физикалық күйі-өте жас көрінеді. Кітапханаларға жиі барамын,көп дүние оқып-білгім келеді дейді. Сексен үште білімге,жаңалыққа құштарлық қандай ғажап. Оқысаңдар жеткен азамат боласыңдар дегенді сол кісі айтты.


Екі жыл бұрын Түркиядан ұшып келе жатқанда бұл арман еді...жоспар еді. Борттағы құрылғыға аудиокітаптар жүктеліп, арнайы басылымға кітапхана туралы материал шықты.
Енді әуежайдағы бір бұрышқа көзім түсіп жүр...
Airport Library ашқанға. Ол күнде алыс емес.

Показано 20 последних публикаций.