Шектеулі жүрегіммен Шексіз болған сені сүйемін, Раббым…
Мен сенің Қамқорлығыңды, бұлтартпас Махаббатыңды, Шексіздігіңді, Құдіретіңді сүйемін. Жүрегімде сенің Ұлы есімің барда, маған мұңаюға себеп жоқ. Сен үнемі Менің мұқтаждығымды, ішкі сырымды білдің. Қажеттілігімді мен сұрамай-ақ Орындадың. Раббым, сен Құлың үшін барлығын жасадың ғой. Енді мен мынау шектеулі жүрекпен Шексіз сені сүйейінші. Шынайы сүйейінші.
Қуыс болған кеудемді қуанышқа толтырып, Өзің жайлы, құлдарың жайлы жаман ойлауға еш мұрша бермедің. Қолымды бір сілтегенде, ниетім мен ықыласымды қайта ояттың. Мөлшерін санамай, даналығыңмен, хикметіңмен үйіп-төгіп беретінсің Раббым. Сұрағанымда жек көрмедің…Менің шынашақтай ғана жүрегім сен үшін не істей алады Раббым? Қанша рет ғафілетте ұйықтап, күнә жасап, ең сұрықсыз, сүйкімсіз түрде Сенің алдыңа кеп жүрдім- бірақ біреуінде де сен мені жазаламап едің. Үстімді қағып, қатемді кешіп, Кеңшілігіңді жасадың.
Раббым, Мен сенің Көмегіңмен, Жәрдеміңмен ғана жүрмін. Барлық Нығметтің, Барлық Құдіреттің иесі өзіңсің. Раббым, Өзің қалай Кең болсаң, сенің құлдарыңа да, өзіме де кең болғым келеді. (Әрине, сенің Жәрдеміңмен) Себебі, Расында ең Озық үлгі- ол Өзің. Ең үздік Сыр- сен…🤍
Шектеулі жүрегім саған ғана байланса екен, Раббым…