Әйгілі Guardian газеті бұдан былай америкалық кәсіпкер Илон Масктың X желісінде (бұрынғы Twitter) ақпарат таратпайтынын хабарлады.

Оған себеп ретінде Х-та «расизм мен конспирологиялық теориялар көбейгенін» айтыпты.

Газет «Ол жерден кетуді ойланып жүргенімізге біраз болған. Бірақ АҚШ-тағы сайлау бұл ойымыз орынды екенін қуаттай түсті. X токсик желіге айналды, оның үстіне Илон Маск ондағы саяси дискурсқа әсер ету үшін ықпалын асыра пайдаланып отыр» дейді.

Бұған дейін CNN журналисі Дон Лемон да Х желісінде «сөз бостандығы жоқ» деп, платформадан кететінін айтқан. Reuters мұнда Х желісіндегі аккаунтын өшірген біраз ұйымды тізіп жазыпты.